28/3/09

El Principáu apreba les bases pa les convocatories de premios en llingua asturiana

Fomentar la creatividá lliteraria contribúi ensin dulda nenguna a desarrollar el conteníu cultural de la sociedá, sobre manera teniendo en cuenta la importancia de la lliteratura, en cualquier de les tantes de manifestaciones que tien nel nuestru tiempu. Tamién ye bien sabío que la escritura, que surde de la voluntá de creación y comunicación, lleva con ella un trabayu personal importante, una dedicación de tiempu y esfuerzu que, ensin ser midibles no económico porque’l valir propiu de la lliteratura tresciende talos parámetros, sí que se puen reconocer y incentivar polos poderes públicos. Poro, la Conseyería de Cultura y Turismu del Principáu d’Asturies vien convocando de manera añal dellos premios lliterarios dirixíos a afitar, arriquecer y prestixar la llingua y cultura asturianes.

En cumplimientu d’esta finalidá, la Conseyería plantea la convocatoria de los premios que s’indiquen de siguío:

— Premiu “Xosefa Xovellanos” de novela n’asturianu;

— Premiu “Xuan M.ª Acebal” de poesía n’asturianu;

— Premiu “Máximo Fuertes Acevedo” d’ensayu n’asturianu;

— Premiu “María Josefa Canellada” de lliteratura infantil o xuvenil n’asturianu; y

— Premiu “Alfonso Iglesias” de cómic n’asturianu.

Enfotaos, pa detrás, en qu’actuaciones d’esti calter contribúin de manera eficaz a dinamizar l’actividá cultural de la Comunidá Autónoma, y n’especial un aspectu bien importante de la mesma como ye’l de la creación lliteraria.

Fonte| BOPA


27/3/09

Cultura declara a "Asturies XXI" Fundación cultural d'interés xeneral

La Conseyería de Cultura nuna Resolución del 4 de marzu, declara a la Fundación Asturies XXI como d'interés xeneral y ordena inscribila nel Rexistru de Fundaciones Docentes y Culturales del Principáu d'Asturies.

Constituyía nel mes de payares pasáu al amparu de la Llei de Fundaciones 50/2002 de 26 d'avientu, la Fundación Asturies XXI, presidía per Marcos Fernández Marqués tien como finxos "l'estudiu, l'espardimientu y afitamientu d'Asturies, la so sociedá, hestoria, etnografía, llingua, cultura, patrimoniu, defensa del mediu, los recursos naturales, la flora, fauna y paisax".

La Fundación tien la so sé social en Santurio, Conceyu Xixón y asítiase nel ámbetu ideolóxicu del soberanismu asturianu.

Fonte: | BOPA

26/3/09

Unidá Nacionalista pidi al Conceyu Xixón una Comisión d'Investigación pol casu Cabueñes

El voceru de vivienda, Daniel Fernández, énte les últimes informaciones aportaes polos vecinos de Cabueñes, ve inxustificable que Sanjurjo siga nel gobiernu municipal y qu’IU se niege a aclarar lo socedío.

El voceru de vivienda d’Unidá Nacionalista Asturiana (UNA) Daniel Fernández, quixo dexar afitáu’l maltar de la so organización por “la incomprensible continuidá del conceyal Sanjurjo nel Ayuntamientu de Xixón y la negativa d’IU a facer una comisión d’investigación”.


Pal voceru nacionalista “lo único que fizo’l Gobiernu municipal énte l’escándalu de Cabueñes ye mentir ya insultar a los vecinos afectaos, ensin contrastar nengún de los datos aportaos por ellos y qu’amuesen grandes irregularidaes en tol Plan Urbanísticu de Cabueñes” y añadió que “el conceyal Sanjurjo tuvo de rectificar otra vuelta les declaraciones que ficiera nun entamu sobre esti casi, neto yá pasara col tema de los horros de San Andrés de los Tacones, amosando asina una actitú obstruccionista en tol procesu, lo que fai intolerable que siga exerciendo les sos responsabilidaes nel Ayuntamientu”.

D’otru llau la organización tampoco entiende la actitú d’IU nesti pelotazu urbanísticu, que pa Daniel Fernández resulta incomprensible yá que “negase a abrir una comisión d’investigación, namás s’entiende si tienen dalgo qu’esconder o si tán implicaos nel escándalu” y camienta que “la única forma d’acabar con estes sospeches ye abrir esa comisión d’investigación”. Dende’l puntu de vista d’UNA nun pue entendese qu’IU pase de serla comparsa política del PSOE a ser cómplice del obstruccionismu nesti escándalu”.

Dende UNA vuelve a pidise a les fueces polítiques de Xixón qu’abran una comisión que trate les polítiques urbanístiques de los caberos años, yá que sobre bien d’elles hai tamién sospeches de xestiones irregulares o poco tresparentes como nel casu de Naval Xixón, Xove, ZALIA, etc. Polo que “la única manera de devolve-yos la confianza a los ciudadanos ye que toles duldes sobre la xestión urbanística queden clares darréu” concluyó Daniel Fernández.


Bruseles esixe "dexar en suspensu tolos planes d'urbanismu que nun respeten la propiedá y el mediu ambiente"



El Parllamentu européu aprebó güei l'Informe Auken que critica la corrupción de les autoridaes españoles (centrales, autonómiques, llocales y xudiciales) en materia urbanístico y pide conxelar los fondos europeos que recibe l'Estáu español si nun ponen fin al abusu urbanísticu. Los diputaos españoles nun pudieron trocar el resultáu de la votación nin votando a la escontra del Informe (PP), nin asteniéndose (PSOE).


Ésta ye la tercer vez, no que va de llexislatura, que'l Parllamentu Européu da la voz so "la corrupción endémica" española.


Esti Informe coincide nel tiempu n'Asturies col escándalu del Plan Parcial de Cabueñes (Xixón) y cola sentencia asolutoria a Goñi Tirapu polos asocedíos nel Conceyu Llanes sol Plan Urbanísticu de La Talá (Llanes), dos de los casos más nombraos d'abusu urbanísticu con implicación de les Alministraciones.

Picar na semeya pa güeyar enteru l'Informe de la diputada Margrete Auken




25/3/09

Cabueñes: del pelotazu al chanchullu. Los vecinos dicen tener demostrao que los promotores nun cuntaben col 50 por cientu'l suelu.



La Plataforma vecinal escontra'l Muru de Cabueñes denunció güei que los promotores privaos del Plan Parcial de Cabueñes nun cuntaben cola propiedá del 50 por cientu'l suelu, porcentax necesariu pa llevalu alantre. Asina y too el Conceyu de Xixón siguió tramitándolu.


D'otra miente, el conceyal d'Urbanismu Pedro Sanjurjo, intentó ayeri, nel programa La Lupa de la Canal 10 de televisión de Xixón, enredar y xugar al despiste falando de dotaciones sanitaries, educatives y teunolóxiques pa sofitar "l'interés públicu del Plan Parcial".

23/3/09

Unidá Nacionalista: "Nos cien díes primeros de Gobiernu... nin rastru de política llingüística"

La Estaya de Cultura y Llingua asturiana d'Unidá Nacionalista Asturiana, ta acabante presentar un informe sobre la política llingüística del gobiernu PSOE-IU. Nel documentu faise un repasu detalláu a la política lingüística del gobiernu de coalición.

Informe UNA

19/3/09

Uviéu d'estrena n'Street View de Google


Ver mapa más grande


Ver mapa más grande

Izquierda Xunida echa man de "la crisis" como sida pa tapecer l'incumplimientu del Pautu de Gobiernu


"IU-BA-Verdes entró a formar parte del gobierno con el único objetivo de afrontar la crisis desde la izquierda".

El Comité Anti-sida, enzarráu en Xixón, acusa a la Conseyería de Salú de traicionar a los seropositivos afeutaos de llipoatrofia facial.


El Comité Ciudadano Anti-sida de Asturies reivindica con un encierro de 34 horas ininterrumpidas en su sede de Xixón, para reclamar a la Conseyería de Salú y Servicios Sanitarios del Principáu el derecho a la reparación facial por lipoatrofia facial o 'pérdida de grasa' en personas seropositivas.

Según informó la organización en nota de prensa, el Comité permanecerá abierto desde el jueves 19 de marzo a las 10 de la mañana, hasta el viernes 20 de marzo a las 8 de la tarde en horario ininterrumpido como señal de protesta para reivindicar la reparación facial en Asturies. "Un derecho por el que llevamos luchando desde el año 2004", apuntan.

"Queremos denunciar públicamente la traición de la Conseyería de Salú y Servicios Sanitarios del Principáu d'Asturies en relación a esta reivindicación que dura ya tantos años.

Estamos cansados de sus engaños, de que confundan a la opinión pública, de que prometan y no cumplan sus promesas; durante todo ese tiempo, hemos sido respetuosos con los plazos, pacientes con los retrasos, pero ahora ya es otro momento", apuntillaron desde el colectivo. Por eso, exigen "soluciones" y que "se cumplan los derechos".

Además, explicó en el escrito que la 'lipoatrofia facial' o 'pérdida de grasa' en el rostro es una de las alteraciones metabólicas dentro de la 'lipodistrofia' que más agrava la sensación de "estigma" en personas que conviven con el VIH-Sida y el tratamiento antirretroviral.

Hasta el año pasado, señala que había siete Comunidades Autónomas que ya habían implantado la reparación facial dentro de sus prestaciones sanitarias, y parecía que Asturies "iba a sumarse a ellas" ya que "la Conseyería de Salud se había comprometido a poner en marcha esta actuación antes de finales del año 2008, en el Hospital Monte Naranco en Uviéu". Por eso, el Comité reprocha que "no lo cumplieron".

También remarca que el Ministro de Sanidad, Bernat Soria, anunció el 1 de Enero de 2009 que todas las Comunidades Autónomas "deberán montar el recurso o derivar a los pacientes afectados por la lipodistrofia para la reparación facial a centros de referencia o a la privada, está el dinero del fondo de cohesión para hacerlo".

"El 17 de diciembre del 2008, metemos por registro un documento dirigido al consejero Ramón Quirós y a la gerente del Sespa, Elena Arias, preguntando qué se va ha hacer, y no han respondidos", lamenta el Comité.

Así, remarcó que no puede "permitir" que dependiendo de donde se viva tengamos se tengan unas prestaciones u otras. "Estamos recibiendo en la Asociación, muchas llamadas telefónicas y consultas presenciales de personas angustiadas, preocupadas y confundidas por las diferentes informaciones que se han dado", dijo el Comité añadiendo que "ya está bien".

Vía| Comité Ciudadanu Anti-sida d'Asturies

El conceyal d'Urbanismu de Xixón intenta salvase agora "reprobando" al arquiteutu. Los vecinos de Cabueñes esixen responsabilidaes polítiques.



17/3/09

Unidá Nacionalista diz ser la fuercia nacionalista, d'izquierdes y ecoloxista n'Asturies

La federación nacionalista recuerda que yá existe una fuercia verdaderamente asturiana, ecoloxista y d'izquierda, UNA, y fai un llamáu a la sociedá asturiana comprometida con estos valores pa que collabore nel afitamientu del proyectu

Unidá Nacionalista Asturiana (UNA) a traviés del so portavoz Faustino Zapico esixó-y al diputáu asturianu Valledor que "nun utilice a la nuesa organización como elementu de debate dientro d'IU" y pídi-y que "les carencies en términos de compromisu asturianu, ecolóxicu y social del so partíu, que vemos que cada vuelta son más clares mesmamente pal propiu Valledor, sían trataes ensin utilizar a la nuesa organización y ensin interferir nel procesu de xuntura de la izquierda nacionalista y verde que se ta faciendo n'Asturies alredor d'UNA".

Zapico amestó que dende UNA "entendemos que'l señor Valledor, como bona parte de la sociedá Asturiana, nun tea a gustu con un pautu de gobiernu col PSOE nel qu'IU renunció dafechu a los sos supuestos oxetivos ecoloxistes, asturianistes o d'izquierda" pero si quier camudar esi discursu "tien de facelo nos órganos internos de la so organización y si como paez ser la so llínia nun tien aceptación na dinámica interna d'IU, ello nun-y permite utilizar gratuitamente a terceres organizaciones soberanes y con una dinámica política independiente nesi debate".

Finalmente UNA quiere recalcar el so llamáu a la sociedá asturiana comprometida colos valores sociales, ecolóxicos, igualitarios y asturianos a que s'axunten al proyectu unitariu entamáu por Unidá Nacionalista Asturiana (UNA) el 8 de septiembre de 2008 y qu'anguaño ta medrando n'apoyos n'abondos sectores de la sociedá asturiana.

Zapico indicó que "UNA ta avanzando na construcción d'esa necesaria fuercia asturiana, d'izquierda y ecoloxista. Pero esti procesu ye independiente de les dinámiques políticas nes que s'alcuentra somorguiada IU con unes llastres, unes renuncies y una dependencia federal que torguen que se pueda convertir nesa fuercia que lluche por una Asturies más soberana, más xusta y más sostenible", un espaciu "representa Unidá Nacionalista Asturiana".

Vía| UNA

El Conceyu por Otra Función Pública denuncia énte la Xunta Xeneral la esistencia d'una "Alministración paralela".


El Conceyu por Otra Función Pública n'Asturies (COFPA), presentó ayeri llunes nel Rexistru de la Xunta Xeneral del Principáu y dirixíu a la Comisión de Pidimientos, l'Informe Xeneral so la situación de la Función Pública n'Alministración del Principáu d'Asturies.

Preténdese poner nel conocimientu de les Estayes Polítiques Parllamentaries la vulneración per sistema de los principios constitucionales na seleición, accesu y promoción profesional de los emplegaos públicos n'Alministración asturiana.

Asina, nel Informe denúnciase,

  • La esistencia d’una Alministración Pública paralela na que nun se respeta nengún de los principios constitucionales d’accesu al emplegu públicu.
  • La discrecionalidá dafechu de l’Alministración Pública asturiana pa nomar a los componentes de los muérganos de seleición de personal atenta escontra la necesaria imparcialidá ya independencia de los mesmos.

  • El mantenimientu de nomamientos provisionales o en comisión de servicios per plazos mui superiores a los llegalmente establecíos, ensin que se convoquen los preceutivos concursos de méritos, impide a los emplegaos públicos l’exerciciu efeutivu del derechu fonderu a la promoción profesional en condiciones d’igualdá, méritu y capacidá.

  • La inflación de puestos de llibre designación, muncho más pa’allá del calter esceicional y estraordinariu qu’atribuye la llei a esti sistema de provisión, perfai un sistema de promoción profesional manifiestamente clientelar y dependiente del enfotu personal y/o de les influyencies personales, polítiques, corporatives o asemeyaes.

  • L´entamu d’una supuesta carrera profesional horizontal, ensin marcu xurídicu regulador y afitada nun incalificable inxerimientu voluntariu nun sistema que nun esiste, y que ye’l cume d’una política pública de personal de calter clientelista.

  • L'incumplimientu per parte del Gobiernu asturianu de les disposiciones llegales sobre la execución de la ufierta d’emplegu públicu.

  • L'incumplimientu de les disposiciones llegales sobre funcionarios eventuales.


Testu enteru del Informe rexistráu na Xunta Xeneral

Vía | Conceyu por Otra Función Pública n'Asturies (COFPA).


16/3/09

Valledor llama a la izquierda y al nacionalismu a entamar el futuru xuntos

Izquierda Xunida había dilise pal 75 cabudañu de la Revolución d'Ochobre
  • Creo que es el momento de provocar un revulsivo en la sociedad asturiana. Y ese revulsivo sólo puede venir de una nueva formación política.
  • Hablo de una fuerza política asturiana que parta de la iniciativa Izquierda Unida-Bloque por Asturias-Los Verdes, que llame a participar en ella a otras fuerzas menores, como UNA o Izquierda Republicana, y sobre todo a una parte de la sociedad asturiana que no se siente representada en ninguna fuerza de ese espacio. Una fuerza de izquierdas, asturianista, ecologista, republicana y altermundista, que tenga posición en el mundo y que aspire a tener un doble espacio federal en España y en Europa.
  • No se trata de implantar modelos de otras comunidades. Tenemos unas peculiaridades propias, este proyecto no se puede hacer sin la base social de la izquierda, ni sin el concurso social del asturianismo y del ecologismo. Habría que disolver los tres partidos que integran la coalición y habría un momento simbólico para hacerlo, el 75.º aniversario de la Revolución de Octubre, que se celebra este año. Habría que hacer un congreso fundacional y ofrecer una participación compensada, para que las partes menores no se sintieran absorbidas por la mayor.
Vía | Lne
Vía| Lne2


15/3/09

Nomes asturianos nes cais d'Uviéu

UNA-Uviéu pide presencia nes cais d'Uviéu de la historia, cultura y personalidaes asturianes

El conceyu d'Uviéu d'UNA pide que se tea en consideración la hestoria, cultura y personalidaes destacaes d’Asturies nel cambiu de nomes de cais de la capital énte'l procesu abiertu de sustitución de los nomes franquistes. La federación de partíos Unidá Nacionalista Asturiana (UNA), solicita al consistoriu uvieín y a la Comisión encargada d’evaluar los posibles nomes nuevos de les cais, aveníes y places de la capital d'Asturies, que tea en consideración la hestoria, cultura y personalidaes destacaes propies d’Asturies a la hora d’escoyer dichos nomes, llamentando qu’anguañu la ciudá cadez del merecíu reconocimientu a los representantes d’estos ámbetos, calificando la ocasión que se mos presenta d’única y magnífica pa facer rialidá esti fechu. Poro, dende'l conceyu d'Uviéu d'Unidá Nacionalista Asturiana (UNA) solicítase que se tomen, ente otros, los nomes de dalgunos de los principales escritores en llingua asturiana y representantes de la cultura del país en tolos ámbetos (musical, pictóricu, teatral, deportivu, arquiteutónicu y escultóricu, etc.), asina como feches y acontecimientos claves na hestoria d’Asturies

6/3/09

Consuelo Vega reconoz que nun se tan oficializando los nomes tradicionales de los Conceyos

Fai casi un añu Atlantic Prau denunció que'l Principáu taba realizando la recuperación toponímica del Nomenclátor d'Asturies de la manera más trapacera y chambona posible. Nun se conoz tamañu esfarrape políticu, alministrativu y sociolóxicu en denguna comunidá billingüe conocía ya impensable nes Comunidaes Autónomes del Estáu nes que d'habese fechu, la escandalera política hubiera sío motivu de responsabilidaes polítiques nes estayes más altes del poder.

Güei vienres, el selmanariu Les Noticies recueye les declaraciones de la Directora Xeneral de Política Llingüística nes que Consuelo Vega, titular del Departamentu, ensin despeinase reconoz la llaceria y contesta a la entruga de Les Noticies desta mena:

Les Noticies: Na Comisaría, na tramitación del DNI, informaben de que nun se ta aplicando (la revisión toponímica), porque tovía nun se-y diera información al CIS p'actualizar el Nomenclátor toponímicu.

Consuelo Vega: Conceyu a Conceyu va faciéndose de forma inmediata. Lo que se ta cambiando hasta la fecha son les localidaes, los nomes de llugar, pero non los nomes de los Conceyos. Eso de momentu lleva otru trámite que tovía nun s'abordó.

Polo tanto, el Principáu, la Xunta Xeneral y los Conceyos saben que se ta faciendo la revisión toponímica a medies, convirtiendo el Nomenclátor oficial nuna llaceria de consecuencies inimaxinables.


Asina, Gijón/Xixón (ciudá), ye la capital de Gijón (Conceyu), La Pola (ciudá) ye la capital de Lena (Conceyu) y Llangréu/Langreo (ciudá) ye la capital de Langreo (Conceyu).

Tal como tan les coses pa saber de "ónde yes" hai que facer un "master". ¿Nun tendría que dimitir dalguién?.

Ver tamién otros enllaces:
El Principáu marica na toponimia y conviérti'l Nomenclátor nuna llaceria

5/3/09

Al Gobiernu, PP, CCOO y UXT súple-yos asumir la llegalidá y fan españar el conflictu llingüísticu

El Principáu, el Partíu Popular y los sindicatos mayoritarios refuguen l'aplicación de la Llei d'Usu del Asturianu en vigor dende 1998 y que recueye drechos llingüísticos.


Comunicaos de condena de delles asociaciones y partíos políticos a la postura antidemocrática y represora de los drechos llingüísticos n'Asturies per parte del Gobiernu y de les cúpules polítiques y sindicales.

XUNTA POLA DEFENSA DE LA LLINGUA ASTURIANA


Xulio Viejo de la Xunta pola Defensa de la Llingua felicitó al Conceyu Cangas por "valorar l'asturianu como cualquier otru conocimientu". "Les afirmaciones a la escontra", señaló refiriéndose a Migoya. al PP y a los sindicatos, "evidencien el despreciu pola llingua y la despreocupación nesti sen".

Recordó que nes oposiciones en cuestión valoraráse l'asturianu "como ún méritu más, y non como una condición obligatoria", negando asina que seya "discriminatorio". "En toles oposiciones se valoren méritos de tou tipu", añadió. Recordó tamién a la conseyera que cuando la Llei d'Usu fala de puestos que trabayu que lo requieran, refierse a puestos d'atención al públicu o asemeyaos, y non esclusivamente a los que tengan que ver cola llingua asturiana.


UNIDÁ NACIONALISTA ASTURIANA

La Estaya de Llingua y Cultura d’Unidá Nacionalista Asturiana (UNA) define cumu una “auténtica caza de bruxas escontra tou lo que “güela” a identidá” las declaraciones de Ana Rosa Migota nas que afirma que la Ley nun permite que l’asturianu puntue nunas oposiciones.

El portavoz de la Estaya, Ignaciu Llope, que ia ademas residente en Cangas, alcuerda que l’asturianu ia una l.lingüa materna ya vehicular de bona parte de los habitantes de Cangas, pur lo que ia loxicu que’l conocimiento de la mesma puntue nunas oposiones.

Dende Unidá Nacionalista Asturiana (UNA) entiendese que “la ofensiva contra posicionamientus democráticos, lóxicos ya elementales, cumu son los que tan detrás de la potenciación de l’asturianu encuentranse agora con posturas intrasixentes que apelan a una llei que nun cumplen un dia si ya outru tamien”, Llope afirmou tamien que “en Asturias a muitus gusta-ys combatir contra el fantasma d’una supuesta imposición de l’asturianu que solu esiste nas suas cabezas ya pretenden ganar n’Asturias guerras que nun tienen nada que ver cola realidad asturiana”.


IZQUIERDA XUNIDA D'ASTURIES

IU de Asturias considera que la ley permite al Ayuntamiento de Cangas del Narcea puntuar especialmente el conocimiento del asturiano para acceder a los puestos de trabajo en el Ayuntamiento. IU de Asturias recuerda que la Ley de Uso y Promoción del Asturiano, en sus objetivos, “ampara el derecho de los ciudadanos a conocer y usar el asturiano y establecer los medios que lo hagan efectivo”, “asegurar su libre uso y la no discriminación de los ciudadanos por este motivo”, y además, en su articulo 8, dedicado a los ayuntamientos dice: “los ayuntamientos asturianos podrán adoptar las medidas necesarias para asegurar la efectividad del ejercicio de los derechos lingüísticos que esta Ley otorga a los ciudadanos residentes en Asturias”.

El uso del asturiano, a juicio de IU de Asturias, debe ser considerado un derecho de los asturianofalantes y, como tal, reconocido por las administraciones públicas. En consecuencia, no existe ningún obstáculo legal que impida el planteamiento del Ayuntamiento de Cangas y, por contra, contribuye a la normalización del uso del asturiano y su relación con las administraciones.

ASOCIACION DE TRABAYAORES DE LA NORMALIZACIÓN LLINGÜÍSTICA

L'Asociación de Trabayadores de Normalización Llingüística publicó güei tamién un comunicáu nel que descartó que la midida de Cangas seya "discriminatoria". "Nun ye una valoración escluyente del asturianu, sinón incluyente y complementaria", afirmó'l testu pa dexar claro que "el conocimientu y la valoración de la formación nun fai sinón meyorar la competencia, la profesionalidá y el bon facer de cualquier profesional públicu o priváu". "La única discriminación", añadió'l colectivu, "protagonícenla les alministraciones que, como venimos viendo, pretenden manipular, torgar y arrequexar l'usu del asturianu y el gallego-asturianu, mediante la demagoxa y l'olvidu continuu de lo que dicten les lleis, que, d'otramiente, ellos mesmos dictaron".

ANDECHA ASTUR

Andecha Astur pide-y al gobiernu municipal de Cangas del Narcea que caltenga'l so proyeutu de valorar como méritu la conocencia d'Asturianu nes oposiciones a empléu públicu, pesie a les presiones que ta recibiendo dende "Principado", PP, UGT o CCOO.
Ye llóxico y normal que se valore positivamente la conocencia de la llingua asturiana n'Asturies pa trabayar pa una alministración que tien qu'atender a ciudadanos/es que se supón tendríen que tener derechu a relacionáse cola alministración n'Asturianu.
Andecha Astur considera irracional que n'Asturies no se valore conocer la llingua propia y que los demás conceyos d'Asturies deberíen facer lo mesmo que'l de Cangas del Narcea.
La organización d'izquierda nacionaliega vuelve a pidir la oficialidá pa que la llingua propia d'Asturies tenga status d'igualdá cola llingua castellana, que ye la oficial del estáu, y asina aforrávamos polémiques ridicules como ésta, utilizaes polos enemigos de la igualdá democrática de los ciudadanos, de la llingua asturiana, los derechos llingüisticos y de la propia identidá d'Asturies, pa proyectar el so españolismu reaccionariu y siguir avanzando nel xenocidiu cultural d'Asturies.

BLOQUE POR ASTURIES

El Bloque por Asturies en pallabre del so voceru Pablo González sofita la propuesta recoyida nel Plan de Normalización del Conceyu Cangas porque "ye un signu de valentíu, sen común y xusticia democrática". Refugó les crítiques de la conseyera y vocera del Gobiernu Ana Migoya, a la que tachó de "madre superiora, sobre tolo que güel a llibertaes y derechos llingüísticos", señal del so "autoritarismu provincianu y paletu".

Criticó tamién a los sindicatos CC.OO y UXT, de los que recordó que formen parte del Conceyu Abiertu pola Oficialidá, y recomendó-yos "mirar pola llimpieza y xusticia nes pruebes de seleición d'emplegu públicu, que les más de les veces tan chiscaes pol clientelismu políticu y sindical".

ACONCEYAMIENTU DE XURISTES POL ASTURIANU

L'Aconceyamientu de Xuristes pol Asturianu (AXA) apoya la midida anunciada pol Ayuntamientu de Cangas del Narcea de valorar la conocencia de la llingua asturiana nes oposiciones municipales y quier dexar claro que ye "llegal dafechu", anque l'asturianu nun seya oficial, motivu argumentáu polos conceyales del Partíu Socialista del llugar pa votar a la escontra d'esta midida.

L'artículu cuartu de la Llei de Promoción y Usu del Asturianu diz: "El Principáu d'Asturies va propiciar el conocimientu del bable/asturianu por tolos emplegaos públicos que desarrollen el so llabor n'Asturies; el conocimientu del bable/asturianu va poder ser valoráu nes oposiciones y concursos convocaos pol Principáu d'Asturies, cuando les característiques del puestu de trabayu y la naturaleza de les funciones que vayan a desarrollase lo requieran". Si'l Principáu pue facer la valoración nuna oposición, nun s'entiende por qué nun va poder facer lo propio un Ayuntamientu.

En declaraciones a Europa Press, el nuesu secretariu Xurde Blanco, calcó en que se suel confundir oficialidá con proteición, "y nun ye lo mesmo". Dende'l so puntu de vista, lo que ta faciendo l'Ayuntamientu de Cangas ye "reconocer el derechu de los ciudadanos a recibir tratu nel Ayuntamientu n'asturianu y a poder dirixise a l'Alministración llocal en llingua asturiana", dalgo que, recordó, ta recoyíu como derechu nel mesmu artículu cuartu de la Llei de Promoción y Usu.

Amás, l'artículu 10.4.b de la Carta de les Llingües Rexonales y Minoritaries,

Xurde Blanco dexó claro que valorar la conocencia d'una llingua nuna oposición ye dalgo llegal dafechu. "¿Y si piden inglés?". "¿O si nun pueblu nel qu'hai un altu porcentaxe d'inmigrantes chinos, l'Ayuntamientu valora la conocencia del mandarín nes oposiciones pa puestos nos que tea xustificao?", añadió, recordando que'l casu de Cangas, al so xuiciu, ta más xustificáu que nestos últimos por tratase d'una llingua propia. Refugó la oposición a la midida por que l'asturianu nun seya oficial y dixo qu'esti tipu d'opiniones "nun tienen xacíu, nun siendo que se piense que les llingües que nun son oficiales nun tienen derechu a existir".
aprobada pol Conseyu d'Europa, y roblada pol Gobiernu español, contempla'l reclutamientu de funcionarios que conozan la llingua propia del territoriu de l'Alministración pa la que van trabayar.




4/3/09

Gobiernu y sindicatos pónense d'alcuerdu pa atacar la normalización del asturianu nel Conceyu Cangas



La XDLA denuncia a Consuelo Vega por "trilerismu políticu" y a IX-Bloque de ser cómpliz

Énte les últimes declaraciones a la prensa de la Directora Xeneral de Política Llingüística, nes que desvinculaba la situación de non oficialidá cola evidencia de peligru seriu de desapaición de la llingua asturiana destacada nos informes recientes del Conseyu d’Europa y de la UNESCO, la Xunta pola Defensa de la Llingua Asturiana quier treslladar:

1. La Xunta pola Defensa de la Llingua Asturiana quier denunciar como intolerables l’actitú hipócrita y l’exerciciu de trilerismu políticu de la Directora Xeneral de Política Llingüística, Consuelo Vega. Pidimos por ello nuevamente’l so cese inmediatu.

2. Sobre les argumentaciones que la directora emplega pa desvincular la falta d’oficialidá a la situación de peligru seriu de desapaición del idioma:

- La comparación de la situación del inglés nos Estaos Uníos cola llingua asturiana por nun ser oficiales nos dos casos ye claramente tendenciosa. La regulación de los derechos y usos llingüísticos ye diferente según l’ordenamientu xurídicu de cada Estáu del mundu.

L’inglés nun ta reconocíu espresamente como llingua oficial na mayoría de los estaos del mundu que se regulen alministrativamente nesa llingua. Sicasí, eso nun implica que l’idioma nun sea’l llegalmente afitao pa tolos usos públicos y alministrativos y que l’usu per parte de la población ta garantizáu y protexíu a tolos efectos. Evidentemente, como sabe perfectamente la señora Consuelo Vega, esto nun tien nada que ver cola situación de los derechos y usos de la llingua asturiana n’Asturies.

Nel casu concretu del Estáu español, la oficialidá ye l’únicu marcu llegal previstu pola Constitución, lo qu’implica que nun esista previsión d’amparu a los derechos llingüísticos si la llingua nun se declara espresamente como oficial. Por eso, a escepción d’Asturies, el restu comunidaes con llingua propia reconocieron les sos llingües como oficiales va más de venticinco años.

- Qu’una llingua oficial como’l vascu siga nuna situación de riesgu a pesar de ser oficial indica que’l reconocimientu de la oficialidá ye condición indispensable pero non siempre suficiente pa la sobrevivencia d’un idioma.

La declaración d’oficialidá d’una llingua minorizada nun garantiza la so revitalización y tresmisión xeneracional, simplemente reconoz a los falantes los derechos al usu y al aprendizaxe. Pero, d’otra banda y como ye evidente, la non oficialidá sí ye garantía d’esterminiu del idioma a curtio o mediu plazu. Como tamién persabe la señora Directora Xeneral.

3. La reivindicación de la oficialidá non solo ye llexítima como diz la directora Consuelo Vega, sinon que ye la única postura llexítima nel marcu constitucional del Estáu español.

La oposición política a la oficialidá mantiénse únicamente na negación de la realidá científica, na trampa del non reconocimientu políticu del asturianu como llingua. Dalgo que la directora xeneral de “Política Llingüística” debería conocer perfectamente.

Independientemente de los aciertos y errores de les polítiques llingüístiques que se siguieran nel restu comunidaes con llingua propia, demostróse que’l reconocimientu de la oficialidá valió pa la dignificación y promoción del so patrimoniu cultural y llingüísticu, convirtiendolu nun elementu dinamizador social y económicu de primer orde al que nengún partíu d’eses comunidaes ta dispuestu a renunciar.

N’Asturies por contra vemos como’l nuesu patrimoniu llingüísticu y cultural desapaez ente la prohibición espresa y la promoción institucional del despreciu y la vergüenza.

Esto, y non otra cosa, ye lo que denuncien tolos organismos internacionales pa vergüenza de los nuesos xestores políticos. Por ello, la Xunta pola Defensa de la Llingua Asturiana vuelve a pidir al Gobiernu asturianu la mínima responsabilidá debida pa coles sos funciones y l’abandonu definitivu de la política de la confusión y de la mordaza.

4. La Xunta pola Defensa de la Llingua Asturiana quier entrugar a los grupos políticos que formen l’actual gobiernu asturianu, PSOE y IX-Bloque por Asturies-Verdes, si la campaña anti-oficialidá que ta llevando alantre la Directora de Política Llingüísitica entra dientro del marcu de los alcuerdos del pautu de gobiernu.

La Xunta pola Defensa de la Llingua Asturiana quier emplazar, a les organizaciones polítiques coparticipantes n’esti gobiernu que mantienen públicamente una postura favorable a la oficialidá, a la reflexón sobre la contradicción evidente de participar al mesmu tiempu nun gobiernu que ta faciendo campaña permanente en contra de la oficialidá y en plataformes ciudadanes a favor d’ella.

Encamentamos de cualquier manera al Gobiernu asturianu que dirixa los esfuerzos a trabayar pol beneficiu de la sociedá asturiana, en cuenta de dedicalos a matizar les demandes del movimientu ciudadanu de reivindicación llinguística.

3/3/09

L'Audiencia Nacional nun atopa intencionalidá terrorista nel "casu Fer".

La Sentencia de la Estaya Cuarta de lo Penal de l'Audiencia Nacional española, diz que la finalidá nel intentu de sabotiar la sé del PSOE de L'Infiestu foi debío a un enraxonamientu poles detenciones ordenaes pola Delegación del Gobiernu nuna concentración que tuvo llugar en Cangues d'Onís en protesta pola organización d'un actu d'estrema derecha. Tamién, que nun emplegó medios de gran poder destructivu y que nun hebo peligru nin pa la vida nin pa la seguridá de les persones.

Escluyía l'intencionalidá terrorista, el Tribunal dictó una pena de diez meses de cárcel.

Ver tamién otros enllaces:
L'Audiencia Nacional impidi a un procesáu declarar na so llingua.

AXA escalifica l'actuación de l'Audiencia nel "casu Fer". Ser catalán garantiza drechos, ser asturianu NON
.

2/3/09

Unidá Nacionalista califica la política llingüística de llaceriosa y consecuencia del Pautu PSOE-IX-Bloque


COMUNICÁU D'UNA EN CUENTA DE LES DECLARACIONES DE LA TITULAR DE POLÍTICA LLINGÜÍSTICA

La posición de
Consuelo Vega fai patente la belixerancia del PSOE contra la meyora xurídica del asturianu y asitia a IU-BA énte l’espeyu de la so incoherencia ya incapacidad al facer por ser gobiernu y oposición.

Otra vegada una responsable del Gobiernu asturianu, nesti casu la encargada de xestionar la Dirección Xeneral de Política Llingüística, el gran “llogru” d’IU-BA na negocación en materia llingüística, vuelve a truñar contra la oficialidá de la llingua asturiana.

Unidá Nacionalista Asturiana (UNA)
camienta que’l fechu de que la responsable directa de la política llingüística diga que nun ye importante pa la supervivencia del asturianu ye un fechu pergrave, porque ta mintiendo y ta contribuyendo, dende’l so cargu, a esparder una de les mentires que’l PSOE lleva intentando inxertar na sociedá asturiana; que la oficialidá ye malo o nun ye necesario pa promocionar de forma afayadiza la llingua asturiana y asegura-y el futuru.

Recordamos que lo más de la sociedá asturiano espresó en delles encuestes
una posición favorable a la oficialidá, y que cuando se fai comparanza del asturianu col inglés o col euskera fálase de llingües que, nel primer casu nun oficiales porque nun esiste na lexislación esa figura xurídica como tal, o nel segundu, que gocien d’oficialidá y amás d’un ambiciosu programa de normalización.

Remembramos que la oficialidá nun asegura la supervivencia del idioma, pero ye imprescindible p’algamala, como tol mundu persabe, polo que considerando la situación dramática del asturianu, les declaraciones de Consuelo Vega, propies d’una humorista que nun tien maldita la gracia, namás pueden vese como una broma macabra.

Pa cabu
UNA recuerda que’l nomamientu de Consuelo Vega y la política llingüística llaceriosa d’anguaño son les consecuencies d’un pautu de gobiernu robláu ente PSOE ya IU (acompangaos de la so mascota “asturianista” BA), que dexó albentestate a la nuesa llingua, como se sabía dende’l momentu de la firma, polo que rescampla especialmente nesta situación el patéticu espectáculu que tán ufiertándonos tanto’l diputáu Valledor como’l Bloque por Asturies que son corresponsables, pola so incoherencia ya incapacidá, d’esti desastre y faen por disimular criticándose a ellos mesmos –al so gobiernu- y actuando como oposición cuando fan parte d’esti executivu.

Consuelo Vega cacipla colos datos de l'Unesco en porgüeyu políticu propiu

La Directora Xeneral de Política Llinguística del Gobiernu asturianu niega la meyor situación de les llingües cooficiales

Situación de peligru de les llingües del Estáu nel Atles de l'Unesco del añu 2001

  • Catalán - espuestu (vulnerable)
  • Gallegu - en peligru
  • Vascu - en peligru
  • Asturianu - en peligru
Situación de les llingües del Estáu nel últimu Atles de l'Unesco
  • Catalán - sal de la situación de peligru
  • Gallegu - sal de la situación de peligru
  • Vascu - espuestu (vulnerable)
  • Asturianu - en peligru

El Conceyu Cangas del Narcea apreba el Plan de Normalización col votu contrariu del PSOE



El Plenu del miércoles pasáu día 25, aprebó nel Conceyu Cangas del Narcea el Plan de Normalización del Asturianu. El PSOE nun-y dio el so votu favoratible a pesar de calificalu "d'aceutable", por nun ser la llingua asturiana oficial y recoyer el Plan la valoración del conocimientu d'asturianu na contratación.

L'alcalde de Cangas José Manuel Martínez dixo que "l'asturianu entá nun ye oficial por mor de la zuna provinciano" y afitó tamién el sofitu del Conceyu a los empleaos que den solución a les demandes vecinales col so conocimientu d'asturianu y que les Ordenancies afalen l'emplegu de les dos llingües.

El Plan de Normalización del Asturianu 2009-2011 nel Conceyu Cangas del Narcea tamién refier dellos oxetivos a algamar:
  • Atender a los ciudadanos na llingua qu'escueyan pa comunicase cola Alministración.
  • Asoleyar tolos documentos n'asturianu.
  • Enderechar la toponimia oficial del Conceyu.
  • Facer por emponderar el conceutu de valir y respetu pol asturianu ente los más mozos.
  • Arreyar l'asturianu a la imaxe corporativa del Conceyu.
  • Potenciar la formación n'asturianu ente'l personal y valorala nel accesu a los puestos de trabayu n'Alministración del Conceyu.
  • Esparder tola documentación turística, cultural y deportiva n'ediciones billingües y facer usu normalizáu del asturianu nos medios de comunicación y na páxina web del Conceyu.

1/3/09

Va fundase esti sábadu el Colectivu de Docentes de Llingua Asturiana

El próximu sábadu 7 de febreru a les 15.00 hores, dos hores enantes de la manifestación convocada pola Xunta pola Defensa de la Llingua, va tener llugar na Biblioteca d'El Fontán n'Uviéu, la xunta fundacional del Colectivu de Docentes de Llingua Asturiana.

La xunta tará abierta a tolos docentes d'asturianu o gallego-asturianu que quieran participar d'esti proyectu coletivu qu'entamará cola llectura y aprobación de los estatutos y l'acta fundacional del colectivu.

Colectivu de Docentes de Llingua Asturiana