Fai casi un añu Atlantic Prau denunció que'l Principáu taba realizando la recuperación toponímica del Nomenclátor d'Asturies de la manera más trapacera y chambona posible. Nun se conoz tamañu esfarrape políticu, alministrativu y sociolóxicu en denguna comunidá billingüe conocía ya impensable nes Comunidaes Autónomes del Estáu nes que d'habese fechu, la escandalera política hubiera sío motivu de responsabilidaes polítiques nes estayes más altes del poder.
Güei vienres, el selmanariu Les Noticies recueye les declaraciones de la Directora Xeneral de Política Llingüística nes que Consuelo Vega, titular del Departamentu, ensin despeinase reconoz la llaceria y contesta a la entruga de Les Noticies desta mena:
Les Noticies: Na Comisaría, na tramitación del DNI, informaben de que nun se ta aplicando (la revisión toponímica), porque tovía nun se-y diera información al CIS p'actualizar el Nomenclátor toponímicu.
Consuelo Vega: Conceyu a Conceyu va faciéndose de forma inmediata. Lo que se ta cambiando hasta la fecha son les localidaes, los nomes de llugar, pero non los nomes de los Conceyos. Eso de momentu lleva otru trámite que tovía nun s'abordó.
Polo tanto, el Principáu, la Xunta Xeneral y los Conceyos saben que se ta faciendo la revisión toponímica a medies, convirtiendo el Nomenclátor oficial nuna llaceria de consecuencies inimaxinables.
Asina, Gijón/Xixón (ciudá), ye la capital de Gijón (Conceyu), La Pola (ciudá) ye la capital de Lena (Conceyu) y Llangréu/Langreo (ciudá) ye la capital de Langreo (Conceyu).
Tal como tan les coses pa saber de "ónde yes" hai que facer un "master". ¿Nun tendría que dimitir dalguién?.
Ver tamién otros enllaces:
El Principáu marica na toponimia y conviérti'l Nomenclátor nuna llaceria
No hay comentarios:
Publicar un comentario