5/1/08

Los Reis dexen carbón na Presidencia'l Principáu en cuenta de la zuna represora del gobiernu pa col asturianu

Semeya: Xunta pola Defensa de la Llingua


Güei sábadu 5 d'Avientu taben n'Uviéu los Reis Magos d'Oriente que, nel so camín a la Catedral, ficieron una parada nel Palaciu la Presidencia'l Principáu pa dexar un calderáu carbón de regalu pola política represora del gobiernu pa cola llingua d'Asturies.

Miembros de la Xunta pola Defensa de la Llingua Asturiana que formaben parte del cortexu, denunciaron la llaceriosa situación de retrocesu continuu del asturianu y el desamparu llegal de los sos falantes y pidieron una vegada más qu'el Estatutu d'Autonomía recueya la oficialidá.

El calderáu carbón de los Reis Magos nun ye'l primer regalu engafentáu que recibe'l Gobiernu'l Principáu pola so política de "tierra quemao" pa col asturianu y, conoceores de la so soberbia, nun será l'últimu.