30/9/08

Oficialidá: el pueblu asturianu obligáu a echase a la cai énte la incapacidá de los partíos políticos d'iguar un Estatutu democráticu



Un Congresu que va camudar Asturies. La Historia real sepártase de la "oficial"

Un congresu arqueolóxicu y historiográficu va tratar de redefinir la próxima selmana les rellaciones del territoriu d'Asturies col últimu periodu de la España Visigoda. El motivu de les dudes surdíes pa los espertos nesti sen son los descubrimientos realizaos nes fortificaciones medievales defensives d'El Homón (ente Ayer y L.lena), nel entornu del campamentu romanu de La Carisa, y de La Muria, nel Cordal de la Mesa (ente Teberga y Somiedu).

El congresu, tituláu 'Nos orixes del Reinu d'Asturies, causes polítiques y militares', presentóse güei nel salón d'actos del Centru Cultural Caxastur, entidá que collabora cola Asociación d'Amigos de La Carisa, organizadora de les xornaes. Nesti mesmu llugar van celebrase los alderiques y conferencies que completen el programa, a desarrollar del 8 al 11 d'ochobre. Nel actu tomaron parte la presidenta de l'asocación, Yolanda Viniegra, y los arqueólogos Jorge Camino (director científicu del congresu) y Rogelio Estrada (secretariu). Amás, tuvieron presentes el director de Patrimioniu del Principáu, Adolfo Rodríguez Asensio, y el represenante de la Obra Social de Caxastur, José Vega.

Nel Congresu, una serie d'arqueólogos y historiadores van tratar de plantegar posibles llinies d'investigación sobre la rellación d'Asturies cola España visigoda, puesto que los descubrimientos señalaos anteriormente ofrecen dudes sobre les teoríes aceptaes hasta'l momentu.

Según esplicó Camino, la fortificación d'El Homón, una muralla de grandes dimensiones, peslla La Carisa, una vía militar utilizada nel so día polos exércitos romanos, y ta a mediu kilómetru del campamentu romanu del mesmu nome. Lo mesmo pasa cola parede llevantada en La Muria.

De primeres, pensóse que se trataba d'una construcción defensiva escontra los romanos, pero les pruebes de Carbono 14 "indiquen que se trata d'una ocupación posterior", concretamente de finales del sieglu VII y primeros del VIII, ye dicir "a lo cabero del reinu visigodu, y na antesala del Reinu d'Asturies", esplicó Camino.

L'arqueólogu dexó claro que se trata de "fortificaciones ástures de carácter defensivu y contrapuestes al sen d'avance d'una invasión". Añadió amás que s'asemeyen a les utilizaes pola Xunta Xeneral del Principáu nel sieglu XIX escontra les tropes napoleóniques. Lo que se va tentar nel alcuentru va ser d'entender d'ónde proveníen estes invasiones y de qué se defendíen los pobladores llocales naquellos tiempos conflictivos del últimu periodu del reinu visigodu.

Pa ello, van tomar parte nes xornaes dellos espertos n'historia medieval. Les conferencies y alderiques van tratar dellos temes, ente ellos 'Los ástures na época visigoda según les fontes lliteraries', Pelayo y la rebelión de los ástures, la presencia musulmana n'Asturies nel altu medievu y los sistemes defensivos d'aquellos tiempos.

Europa Press

22/9/08

"Indios": Dixebra va derritir el xelu llapón. El grupu representa a Asturies nel Festival Liet Lavlut.





El Festival ye'l 18 d'ochobre.
Vidiu: XX Conciertu pola Oficialidá.


Desarmaos y cautivos
aportemos a estes tierres
yera´l fríu y la fame,
yera´l cantar de la muerte.

Del Sur y del Esti:
homes y muyeres,
a trabayar a esta tierra
xunto a los mares del Norte.

Sacábemos el carbón
de los cordales d´Asturies,
estallazaos y humildaos,
nun había diferencies.

Y fuéremos d´onde fuéremos,
extremeños o africanos,
al final, obreros asturianos.

Por eso, nun nos vengais con cuentos,
por eso, nun nos llameis coreanos;
ente hermanos de mugor
nun hai un res de diferencia,
pal capital somos toos indios
de la mesma tierra.

Trancaron yá toles mines,
estazonaron les fábriques,
dexáranmos na cai
con un palmu de narices.

Que más da d´onde seyas
¡que más da!
na oficina del INEM
toos Por Igual.

Por eso, nun nos vengais con cuentos,
por eso, nun nos llameis coreanos;
ente hermanos de mugor
nun hai un res de diferencia,
pal Capital Somos Toos Indios
De La Mesma Tierra.

Ya ta armá la griesca,
ya nos soltaron los perros,
ya ta claro que´l problema
nun son los emigrantes,
ya sabemos que´l color de la piel
nun te la causa;
ye ridículu´l racismu na barricada.

Por eso:
Nun nos digais que sobramos,
por eso pa lluchar
fai falta tola fuercia.

Lo mesmo qu´enantes
fuimos compañeros,
na griesca somos toos
indios de la nuesa tierra

19/9/08

Escolinos bretones conviden a Carla Bruni a defender l'enseñu na so llingua propia






Una carta pa Carta Bruni

Querida Sra Carla Bruni:

Somos los nenos de la escuela pública de Merveille, en Lorient.
Ta en Bretaña, na ciudá del Festival Intercélticu.
Los nuesos pas y les nueses mas
apuntáronmos nel empiezu al colexu
a les clases billingües pa
adeprender en francés...
y tamién en bretón.

Dicen qu'asina, más tardi,
vamos adeprender más
fácile otres llingües
pero tamién la música, l'historia,
les matemátiques.

Aquí el bretón ye la nuesa vida:
el nome de los collacios
de les cais
de los barrios
de les ciudaes
de los cantares
de los bailles.

Entós, ¿porqué hai xente tan ruino
que nun quier que s'enseñe'l bretón?.

Los nuesos pas dicen que se noma
l'Inspeutor Académicu.
Por ser tan malu y
nun ponemos una maestra billingüe, ye
polo que somos trenta nes clases monollingües.

Sabe usté, Señora Carla,
que ye bono falar munches llingües.

Oyímoslo nes sos canciones.

Per favor, Señora Carla,
¿nun pué facer d'aqué por nosotros?

Como somos pequeños
los nuesos padres axudáronmos a escribir
la carta, pero los dibuxos ficímoslos nosotros pa tí,

porque yes mui simpática y préstenmos les tos canciones.


Los nenos billingües de la escuela de Merveille.




Dos selmanes dempués d'entamar el cursu, namás que hai una maestra pa 45 nenos del módulu billingüe de la escuela de Merveille, en Lorient, Bretaña.

L'Inspeutor Académicu ye Xavier Darcos.


12/9/08

Món divers: Asturies ye'l Kosovu que l'españolismu nun ta dimpuestu a soltar

Evitar el fechu diferencial d'Asturies

Ye llamativo el nixu de los dos grandes partíos españoles por torgar la declaración del asturianu como llingua oficial d'Asturies. A un idioma emplegáu poco más o menos que'n tol territoriu -menos, na llinde más ocidental- y que cuntia a decenes de miles de falantes, niégase-y la simple categoría de llingua cooficial col español. Nesti casu, el nacionalismu español respuende como siempre fizo: tornar un pelligru periféricu.
Un pelligru que'n Madrid camienten controláu pero que nun se sabe como puede evolucionar de baxar la guardia de les esencies patries.

Anque son más de 250 les organizaciones de tola frasca que piden la oficialidá del asturianu -o por eso precisamente- nin socialistes nin populares tan pol llabor de da-y dignidá oficial al idioma propiu'l país que dicen gobernar, per más que cola reforma l'Estatutu la ocasión yera la afayaíza.

La verdadera razón de poner palos nes ruedes a una llingua incapaz de mancar al español - si l'argumentu de la marxinación del español en Cataluña, Les Islles Baleares, el País Vascu o Galicia son ridículos, nel casu asturianu ye pa dalo a voces- ye querer evitar el desarrollu n'Asturies d'un movimientu nacional fuerte se s'encare col modelu centralista español. Col agravante que pal nacionalismu español taríase falando del so Kosovu particular, del so berciu nacional, con Pelayo y la Reconquista per delantre.


Evitar el fet diferencial asturià

Crida l’atenció veure l’oposició frontal, decidida, determinadíssima, dels dos grans partits espanyols a proclamar l’asturià llengua oficial d’Astúries. A un idioma que s’utilitza, poc o molt, arreu del territori del país -excepte a la seva franja occidental- i que compta amb desenes de milers de parlants, li és negada la simple categoria de llengua cooficial amb l’espanyol. En aquest cas, el nacionalisme hispà actua amb la seva lògica de sempre: fer front a un perill perifèric.

Un perill que, a Madrid, consideren que tenen controlat a dia d’avui, però que mai se sap com pot evolucionar si es baixa la guàrdia de les essències pàtries. Malgrat que són més de 250 les organitzacions que han demanat l’oficialitat de l’asturià -o precisament per això-, ni socialistes ni populars no en volen saber res, de donar dignitat oficial a l’idioma propi del país per al qual diuen governar. I això que ara, amb la reforma de l’Estatut asturià, l’ocasió era propícia.

La veritable raó de posar pals a les rodes a una llengua que tan poc mal pot fer a l’espanyol -si els arguments de la suposada marginació del castellà a Catalunya, a les Illes, al País Basc o a Galícia són ridículs, en el cas d’Astúries assoleixen la categoria d’esperpèntics- és voler evitar que a Astúries es desenvolupi amb força un moviment nacional que posi encara més en qüestió el model centralista espanyol. Amb l’agreujant que, pels nacionalistes espanyols, s’estaria parlant del seu Kosovo, del seu bressol nacional, amb Pelai i la Reconquesta al capdavant.


Evitar el hecho diferencial asturiano

Llama la atención ver la oposición frontal, decidida, determinadísima, de los dos grandes partidos españoles a proclamar al asturiano lengua oficial de Asturies. A un idioma que se utiliza, poco o mucho, en cualquier parte del territorio del país -excepto a su franja occidental- y que cuenta con decenas de miles de hablantes , le es negada la simple categoría de lengua cooficial con el español. En este caso, el nacionalismo español actúa con su lógica de siempre: hacer frente a un peligro periférico.

Un peligro que, en Madrid, consideran que tienen controlado a día de hoy, pero que nunca se sabe como puede evolucionar si se baja la guardia de las esencias patrias. A pesar de que son más de 250 las organizaciones que han pedido la oficialidad del asturiano -o precisamente por esto-, ni socialistas ni populares quieren saber nada de dar dignidad oficial al idioma propio del país para el cual dicen gobernar. Y esto que ahora, con la reforma del Estatuto asturiano, la ocasión era propicia.

La verdadera razón de poner palos en las ruedas a una lengua que tan poco mal puede hacer al español -si los argumentos de la supuesta marginación del castellano en Cataluña, en Baleares, el País Vasco o en Galicia son ridículos, en el caso de Asturies logran la categoría de esperpénticas- es querer evitar que en Asturias se desarrolle con fuerza un movimiento nacional que ponga todavía más en cuestión el modelo centralista español. Con el agravante que, para los nacionalistas españoles, se estaría hablando de su Kosovo, de su cuna nacional, con Pelayo y la Reconquista al frente.

Enllaz|Móndivers

10/9/08

Intentu de carga-yos a Los Verdes la culpa pola posible paralización d'El Muselón. La Unión Europea sospecha que'l sobrecostu pue ser ficticiu.

El diputáu d'IX-BA-LV na Xunta, Francisco Javier García Valledor, dixo güei que los responsables de la obra "usen la denuncia de los Verdes pa tapar les sos responsabilidaes sobre la pésima xestión y el despilfarru de dineru públicu nesta obra".

"Culpar a los que destapen chanchullos ye indecente", remarcó Valledor, pa quien los responsables del puertu "tienen de garantizar la tresparencia y total honestidá na xestión, lluz y taquígrafos pa esta obra pública".

Pa Valledor, nun pue ser que n'Asturies les grandes inversiones "tornen n'auténticos furacos negros presupuestarios". "El dineru públicu tien de ser xestionáu con eficacia y eficiencia. Col dineru que representa l'aumentu de costu d'El Musel podría pagase un nuevu hospital como l'HUCA. Nun son pallabres menores", recuerda Valledor.

Otru elementu que preocupa a IX-BA-Verdes ye que "los escesos de coste signifiquen más dineru de toos nel bolsiellu d'unos pocos". "La primer obligación d'un responsable públicu ye esplicar esto a la sociedá asturiana: qué motivos y qué causes puen xustificalo", asegura Valledor.

Pela so parte, los Verdes d'Asturies ficieron güei públicu un comunicáu nel que xustifiquen la so denucnia ante la UE nel "orixe escuru y sospechosu del enorme escesu de coste". N'opinión de la organización, los responsables del aumentu de coste "deberíen dimitir" poles "graves consecuencies pa la rexón".

La reaición de los Verdes produzse dempués de que'l presidente de l'Autoridá Portuaria de Xixón, Fernando Menéndez Rexach, reconociere que la denuncia de los Verdes xenera "dificultaes" a la concesión de financiación adicional.

Pa la organización, l'aumentu de coste supón una modificación contractual que creen "illegal" y que xenera un "espilfarru innecesariu y suciu de recursos públicos moviendo piedres en camiones d'un llau pa otru". "Ye un escandolosu engañu a la UE, a la que, con malicia, se-y viende nel Programa Operativu del Fondu de Cohesión como una supuesta segunda fase, cuando ye un simple aumentu de coste", espunxeron los Verdes nun comunicáu.

A xuiciu de la formación "de tener dalgo de real esi escesu de coste nun debería ser asumíu poles alministraciones españoles o europees, sinón que debería dar llugar a parar y replantegar el proyeutu, o a ser asumíu poles empreses axudicataries".

Pa la organización, los recursos de Fondu de Cohesión que reciba España y la rexón "deberíen destinase a proyeutos reales, y d'impautu ambiental positivu que, d'aceptase l'escesu de coste, quedaríen ensin financiación, como los de reducción, reutilización y reaprovechamientu de basories y los de sanimianetu".

Los Verdes dicen confiar na "imparcialidá" de la UE porque entienden que "ellí ye más difícil que lleguen les fuertes presiones de los poderosos n'España --empreses y cargos públicos-- qu'equí munches veces algamen ocultar tolos chanchullos ensin que'l ciudadanu pue facer nada eficaz".

Asturies va salir a la cai por otru Estatutu.



El CAO presenta les 7.000 semeyes pola oficialidá del asturianu.


Mientres los asturianos dan la cara en llibertá, a los partíos mayoritarios cayó-yos la careta.


Fernando Ornosa denuncia les mentires del PP - PSOE:
  • El PSOE refugó nel so congresu asturianu siete enmiendes a favor de la oficialidá, nin siquier se recoyó la declaración del asturianu como llingua.
  • El PP xugó colos ciudadanos, porque nel so día faló de favorecer un marcu llegal que garantice la sobrevivencia de la llingua.
  • El Estatutu pautáu pol PP - PSOE nun garantiza a los asturianos los mesmos derechos que al restu de los ciudadanos del Estáu.

UVIÉU, 10 de Setiembre (EUROPA PRESS)


La campaña 'Doi la cara pola oficialidá', que recueye semeyes de persones que posen con carteles que reivindiquen la oficialidá de la llingua asturiana na reforma del Estatutu d'Autonomía d'Asturies, lleva yá recoyíes más de 7.000 fotos.

Asina lo informó'l coordinador y diseñador de la mesma, Poli Mencía, en rueda prensa na que compareció con Fernando Ornosa, voceru del Conceyu Abiertu pola Oficialidá, que punxo en marcha la iniciativa.

Nesti momentu, según Mencía, hai xubíes na páxina 'web' doilacara.net 6.297 semeyes, a les que Mencía sumó otres "más de 600" que se realizaron demientres esti fin de selmana y tovía nun fueron colgaes.

Ente'l total de semeyes subíes, destaca, penriba del restu, la del futbolista David Villa, fecha a la so llegada a Asturies dempués de la so participación na Eurocopa 2008. Otres persones conocíes que tamién salen retrataes son el ciclista Chechu Rubiera, la escritora Corín Tellado o los componentes del grupu Nuberu, Chus Pedro y Manolo Peñayos.

Doilacara.net ofrez la posibilidá de descargar el cartel col que se ha facer la semeya. Según el coordinador de la campaña, munches persones ficieronlo aprovechando los sos viaxes de vacaciones nesti branu. Asina, recibieronse semeyes de xente que posa na Plaza Roxa de Moscú, na Muralla China o nel centru Lisboa.

Mencía destacó tamién que la páxina recibió cerca de mediu millón de visites y que'l corréu de la mesma acumuló un total de 3.451 megues d'información de datos recibíos d'internautes qu'apoyen la campaña.

Amás, de les semeyes, los organizadores tamién tán colgando vídios na páxina youtube.com de persones "de reconocíu prestixu social" qu'apoyen la oficialidá. Nesti momentu hai tres xubíos: ún de José Ángel Hevia, otru de Corín Tellado y otru de Carmen Ojeda.

La campaña tamién va visualizase na cai de magar esta selmana, mediante l'espardimientu de folletos esplicativos, pegatines y la venta de camisetes cola títulu.

MANIFESTACIÓN.

Ornosa aprovechó la ocasión pa dexar claro que la campaña va caltenese a lo llargo del procesu d'ellaboración del nuevu Estatutu, y nesti contestu anunció la convocatoria d'una nueva manifestación per parte del CAO. Va tener llugar el prósimu día 4 d'ochobre, de magar les 18.00 hores, y va salir dende la Estación de Renfe d'Uviéu.

El próximu llunes, a les 10.30 hores, tamién va tener llugar una concentración ante la Xunta'l Principáu, coincidiendo col conceyu de la ponencia estatutaria.

Ornosa refirióse tamién na rueda prensa a les últimes declaraciones del voceru del Grupu Socialista nel parlamentu autonómicu, Fernando Lastra, sobre'l nuevu Estatutu d'Autonomía. Según el diputáu, los asturianos van tener los mesmos derechos y obligaciones que'l restu de los ciudadanos del Estáu.

"Eso ye mentira", afirmó Ornosa. "Tenemos negaos derechos y esti estatutu que s'aprueba nun ye nin garantía nin fonte d'ellos", afirmó. Criticó duramente a los dos principales partíos. Del PP, dixo que "xugó colos ciudadanos", porque "nel so día faló de favorecer un marcu llegal que garantice la sobrevivencia de la llingua". Del PSOE, afirmó que, amás de "refugar nel so congresu asturianu siete enmiendes a favor de la oficialidá, nin siquier se recoyó la declaración del asturianu como llingua".


9/9/08

Vipasa lleva a los xulgaos a una muyer de 82 años por impagu la renta d'una vivienda social.

Viviendes del Principáu d'Asturies, S.A. (Vipasa), empresa de capital públicu encargada de xestionar y alministrar el parque de viviendes sociales del Principáu d'Asturies, denunció por impagu a una muyer del barriu de La Madalena n'Avilés inquilina d'una vivienda de propiedá autonómica.

La muyer vive sola, tien 82 años y cobra una pensión de 560 € al mes. Los impagos sumen 1.500 € y la empresa de vivienda del Principáu d'Asturies paez que-y quier reclamar 2.500 amás de 12.000 per daños y perxuicios.

Vipasa ya foi noticia esti mes pasáu pol espediente abiertu pola Inspeición de Trabayu per maltratu a los trabayadores (mobbing) polo que-y llevantaron un acta per 12.000 €.

8/9/08

A la gueta de la vía llegal: 2u. llamáu a Conceyu de Xuristes pol Asturianu

Hai un mes, dende l’Aconceyamientu de Xuristes pol Asturianu proponíemos entamar la igua d’una asociación hermana na que pudieren organizase tolos ciudadanos que, nun teniendo la condición de xuristes, quixeren sofitar el frente llegal del conflictu llingüísticu.

La rempuesta de persones y asociaciones foi, arriendes de granible, de más ambiciu que’l proyeutu porque, en bien de casos, propúnxose dar un pasín más p’aportar cola infraestructura xurídica non sólo a les manifestaciones del conflictu llingüísticu sinón a tolos conflictos -de la mesma triba, al cabu- que vien xenerando l’intentu de “camudar al país asturianu na décima provincia castellano-lleonesa” (afirmación mui descriptiva del procesu de desaniciu que carez Asturies).


De la parte de nueso nun va quedar el llegar a onde se pueda y el pasu darréu sedrá ponderar la fuercia atropada y ufierta-y una organización afayadiza. Pa ello,

  • FACEMOS UN SEGUNDU LLAMÁU A LA CIUDADANÍA QUE TEA POL LLABOR, PA QUE CONTAUTEN CON NÓS AL TRAVIÉS D’UN CORRÉU LLETRÓNICU UNVIÁU A LA DIREICIÓN axuristesa@hotmail.es, SO LA TEMA “ASTURIES YE POSIBLE”.

N’Uviéu, nel entamu d’un Día d’Asturies que protagonizarán, otra vuelta más, les fuercies polítiques antiasturianistes.


Xurde Blanco.


5/9/08

La Conseyera de Cultura más preocupada poles butaques de dellos abonaos a la opera que de facer del Campoamor un teatru dignu.

  • Cola sida de lo qu'ella noma "crisis del abonáu", (perda del derechu de los abonaos al desapaecer les primeres files y tresformase en parte de la caxa l'escenariu o del fosu de música), pretende hipotecar la Opera d'Uviéu y convertila "nun festival de provincies" hasta polo menos l'añu 2016.
  • Barcelona, Madrid, Sevilla, Bilbao y Valencia esfruten de temporaes de rangu internacional gracies a presupuetos pa programación ya infraestructures apurríos mayormente pol Estáu y que fan que Uviéu, non tan agraciada nin pol Principáu nin pol Estáu, tenga que sobrevivir cola dotación más ruina de toles temporaes operístiques, viendo como a güelpe de talonariu estatal el restu de programaciones escalen posiciones nel mercáu internacional.

La conseyera de Cultura y Turismu del Principáu d'Asturies, Encarnación Rodríguez Cañas, y el conceyal del Conceyu d'Uviéu, José Suárez Arias Cachero, volvieron güei a enfrentase pola financiación y la reforma del Teatru Campoamor. La polémica surdió cuando'l presidente de l'Asociación d'Amigos de la Ópera, Jaime Martínez, reclamó un "esfuerzu" pal espaciu escénicu y plantegó que "falta dalgo" nel teatru.

Tres esta reclamación, l'edil uvieín señaló que'l teatru sevillanu de La Maestranza, con un sieglu menos d'existencia que'l Campoamor, yá foi oxetu de "una reforma completa". Una reforma que contó, según el conceyal, con aportación económica del Gobiernu andaluz. "Uviéu sólo pide un tratu asemeyáu", reclamó Arias Cachero, tres la presentación de la nueva temporada operística.

Estes exixencies algamaron respuesta de la titular de cultura, que señaló que, de facese una reforma na caxa escénica, eso tendría consecuencies pa les primeres files. "Igual eso fuera en detrimentu de les primeres butaques, que son les de los abonaos, creando asina una pequeña crisis", aseguró.

Nesti sen, Rodríguez Cañas recordó qu'hai un añu caltuvo un alcuentru col conceyal nel qu'ésti mostró-y una semeya cola recreación de la posible ampliación de la caxa escénica. "Pero un proyeutu seriu y rigurosu ye muncho más; tenemos que ser rigurosos", criticó.

Asina, la conseyera comentó que "a lo meyor", y coincidiendo cola posible capitalidá europea del 2016 podría falar d'esa ampliación. "Pero hai qu'estudialo, amás tamos nuna situación na que se mos pide austeridá", declaró.

Pero les crítiques del conceyal popular nun sólo quedaron na reforma del teatru, sinón que tamién se dirixeron a la financiación del mesmu. Nesi aspeutu, l'edil declaró confiar en que se "piesllen les resquiebres" de la financiación ente Uviéu y otres ciudaes con teatros d'asemeyaes característiques, en concreto con Bilbao. "Que se cumpla aquello que se dixo", exixó.

Arias Cachero tamién se refirió al incrementu de l'aportación presupuestaria del Principáu al Campoamor. Asina, l'edil reconoció que, anque ésta aumentó nun 50 por cientu, l'actual situación de prollongación torgó qu'esi incrementu s'efeutuare.

"Sí existe una voluntá d'aumentar l'aportación, pero nun se materializó", recordó l'edil, quien añadió que dende'l Conceyu sólo esperen qu'esi incrementu s'aporte esti añu.

4/9/08

Xuristes pol Asturianu califica la Ordenanza d'Usu del Asturianu en Conceyu Xixón d'escosa y preconstitucional.

  • Axa tamién denuncia la falta de procuru del testu "que carez d'una redaición illetrada, probetaya y desdexada".



Nel BOPA de 28 d’agostu del añu qu’andamos, l’Ayuntamientu de Xixón anunciaba l’aprobación del aniciu del proyeutu de la Ordenanza Municipal d’Usu del Asturianu nel Conceyu, abriendo’l preceutivu periodu d’información pública per 30 díes.
Tres esaminalu con tol procuru, la Xunta Direutiva del Aconceyamientu de Xuristes pol Asturianu apautó nun perder el tiempu apurriendo suxerencies pa un testu que nun tien igua dala porque:
1. De les nueve aiciones municipales mínimes que rellaciona l’artículu 10 de la Carta Europea de les Llingües Rexonales o Minoritaries, nos términos de la so ratificación por España, la ordenanza de Xixón namás reconoz dos y parte d’una tercera, too ello yá previsto na Llei 1/1998, d’Usu y Promoción del Asturianu (artículu 8) y que por ello practíquense davezu en bien de conceyos d’Asturies ensin falta d’ordenances nin cacarexos: l’emplegu de la llingua pola ciudadanía y los sos representantes municipales, si-yos peta, y l’asoleyamientu de dalgunos testos municipales n’asturianu.
2. Por embargu, dexa ensin reconocencia tolo que cinca al emplegu de la llingua nel marcu de l’alministración y servicios municipales y nun fai res por encadarmar los preseos afayadizos pa que les declaraciones d’intenciones puedan camudase en realidaes, xustamente lo que manden la Carta Europea, nos seyes y mediu parágrafos escaecíos y la Llei 1/1998, nel so mentáu artículu 8.
3. L’Ayuntamientu, por nun llegar nin llega a escosar les posibilidaes qu’ufre’l Real Decretu 1111/1979, pel que se regula l’emplegu de les estremaes llingües españoles nes actuaciones de les corporaciones llocales, mentantu nun se formalice la previsión d’oficialidá contenía nel artículu 3.2 de la Constitución. Con ello, una vuelta más, asítiase a Asturies, nesta materia, na dómina preconstitucional.
4. Arriendes de la vieya pexiguera (artículu 12) de “se desarrollará un Plan de Normalización Social del Asturiano” –lo que ye siguir dando tiempu a que la cosa pudra- y el recursu a les grandones declaraciones programátiques -que nuna norma de tan baxu rangu fieden a repla demagóxica (la mesma qu’empobinó a ún de los pas del albuertu a calificalu de “hito histórico”)- ye al cabu una fras, recoyida nel so artículu 5, la que meyor resume y define l’algame de la ordenanza: “se utilizará el castellano y el asturiano de forma adecuada”.
5. Como dios cuando da ciega, nesti casu l’enxendru carez tamién d’una redaición illetrada, probetaya y desdexada.
Pola Xunta Direutiva del Aconceyamientu de Xuristes pol Asturianu, robla’l so secretariu, en Xixón a tres de setiembre de dos mil ocho.
Xurde Blanco Puente.