31/10/08

Acuerdu FSA-Izquierda Xunida: la única novedá en materia llingüística ye una Direición Xeneral; el restu, "cuentiquinos pa que suañes".

Educacion no universitaria
Se garantizará la enseñanza del asturiano en todos los niveles y grados, respetando la voluntariedad de su aprendizaje. La elección del asturiano como asignatura del currículo en ningún caso podrá ser motivo de discriminación de los alumnos. Se realizará un estudio jurídico para evaluar la posibilidad legal de la creación de la especialidad de profesor de lengua asturiana. Si fuera posible se solicitará al Ministerio de Educación la creación de esta especialidad.

Educacion universitaria
?

Cultura
?

Política lingüística
Garantizar los derechos de todas las personas que se expresen y utilicen el asturiano o el gallego-asturiano
- Se promoverá el uso y la presencia de la lengua y cultura asturianas en los
medios de comunicación, asegurando su implantación efectiva en la programación de RTPA, favoreciendo la formación lingüística de su personal.
- Mantener un marco de financiación adecuado con la Academia de la Llingua y asegurar una sede digna.
- Creación de la Dirección General de Política Lingüística, con la correspondiente dotación de medios personales y materiales. Dependiente de esta Dirección General se encontrará la Oficina de Política Lingüística y el órgano de Traducción.
- Apoyo a la Red de Normalización lingüística de los Concejos para su extensión y consolidación.
- Se desarrollará un Plan de Renovación Progresiva de la señalización vial en las carreteras dependientes de la Comunidad Autónoma para adaptar sus topónimos a los oficialmente aprobados. Igualmente, se impulsará el establecimiento de un convenio con la Administración del Estado para la
progresiva adaptación en la señalización de sus vías a la toponimia oficial.
- Elaborar un nuevo manual de identidad gráfica del Principado de Asturias e incluir en él logotipos bilingües para su aplicación por los diversos organismos del Principado, así como efectuar la progresiva rotulación en lengua asturianade dependencias oficiales.
- Se completará el trabajo de oficialización de topónimos.

Ente Público de Comunicación
Apostamos por una programación que responda al interés general y al servicio público. garantizando la pluralidad y la imparcialidad, así como comprometido con la realidad social, cultural y lingüística de Asturias.

30/10/08

La Xunta Moza píde-y a la Universidá el mesmu rangu académicu pal asturianu que'l que se-y otorga a les otres llingües del Estáu.


La Xunta Moza entamó güei nel campus universitariu d'El Milán n'Uviéu, una aición dientro d'una nueva campaña que tien como finxu la inclusión del asturianu nos planes d'estudios universitarios como títulu de grau.

Tamién dio anuncia nun comunicáu, qu'esta va ser la primera d'una riestra de movilizaciones na defensa de la llingua propia d'Asturies y el so posicionamientu sol rangu qu'esta tien que tener nos nuevos planes d'estudiu na Universidá d'Uviéu, y que nun pue ser otru que'l de "títulu de grau o maior", lo mesmo que toles otres llingües del Estáu.

Sigún apaez nel comunicáu fechu públicu pola Xunta Moza "el marcu académicu européu nuevu nun pue valir como sida p'arrequexar l'asturianu nuna categoría menor".

Dempués de sorrayar que la Facultá de Filoloxía ya aprebó nel añu 1996 una llicenciatura de Filoloxía Asturiana, la Xunta Moza camienta que la Universidá d'Uviéu, como institución cultural cimera de la sociedá asturiana "nun pue ser cómpliz de la marxinación y l'amenorgamientu que carez l'asturianu".

Facía asina referencia al resultáu de la votación que'l cursu pasáu refugó los estudios d'asturianu a propuesta del profesor Fernández de Castro y que, sigún el mesmu ponente afitó nos medios de comunicación, espeyaba más de cálter políticu que académicu, ya que mecía les consideraciones científiques y llingüístiques cola oficialidá de la llingua y con plantegamientos nidiamente políticos como la regulación de les llingües en delles comunidaes autónomes y los supuestos problemes sociales surdíos, sigún el so paecer, d'esti ordenamientu llegal, postulándose d'esta traza nes postures más estremamente reaicionaries de la sociedá española y sospechosamente a l'amparu del aparatu del PP y del PSOE n'Asturies, cuyos representantes, y esti ye tamién un casu d'esceición en tol Estáu, planteguen el derechu a la llingua propia, a la llibre eleición y a la identidá, como rotura de la convivencia, obligación y hasta en dellos casos oyose falar, dende dalgún qu'otru escañu de la Xunta Xeneral, de violencia y separatismu.

La Xunta Moza va siguir na xera pola"inclusión del asturianu como un títulu de grau a sabiendes de que p'algamalo nun hai más que materializar les bones pallabres y los xestos, tornándolos nuna realidá concreta na que la llingua propia d'Asturies tenga el sitiu que merez".


21/10/08

L'Ensame pola República Asturiana plánta-y cara al circu que, como tolos años, llega a la ciudá


Ensame República Asturiana convoca una manifestación pola República Asturiana que recorrerá les cais d'Uviéu (Estación del Norte, 20:00 hores), el prósimu xueves 23 d'Ochobre énte la cellebración de los Premios Principe.

Manifiestu República Asturiana


Les persones y coleutivos que roblamos esti 'Manifiestu' queremos espresar lo que vien de siguío:


1) Asturies vive nuna situación antidemocrática dafechu, na que los valores republicanos y los derechos sociales y nacionales vienen siendo negaos y xabazmente reprimíos per parte del estáu español, formáu en Reinu.


2) Una de les espresiones sociales más significatives d'esti fechu ye la denomación institucional d'Asturies como "Principado", figura política impuesta a esti Pueblu qu'afala'l vasallaxe y el servilismu a una institución arcaica, elitista y antidemocrática cola qu'Asturies y les asturianes y asturianos nada ganamos nin tenemos nada que ver.


3) Oponémonos a cualquier tipu de réxime monárquicu, por ser ésti'l paradigma de la desigualdá social y la falta de derechos con impunidá llegal. Tampoco podemos escaecer que la designación del monarca español foi fecha durante'l franquismu, siendo ésti designáu y coronáu a deu directamente pol propiu dictador, ensin qu'entá viéremos enfotu dalu nesta institución predemocrática por pedir perdón tres cuarenta años de fascismu xenocida col beneplácitu del sistema llegal 'constitucional' actual.


4) Denunciamos el compromisu col capitalismu xabaz, asesín de tolos pueblos del mundu, que remanez de la monarquía española, siendo ésta garante de la defensa de les clases privilexaes y de la desigualdá económica, social y de derechos. Refugamos, tamién, les actitúes machistes, homófobes, represores y censores que surden dende la monarquía española, qu'afiten, una vegada más, el so orixe feudal y arcaicu, comportamientos mui estremaos a los que defendemos nosotres y nosotros.


5) Consideramos una humildación a Asturies la cellebración de los 'Premios Príncipe de Asturias', considerándolos una coartada pa 'llavar la cara' internacionalmente a la monarquía, faciéndola pasar por institución moderna y que respeta la cultura, visión mui alloñada d'una, muncho más cercana a la realidá, de 'familia de vividores a sueldu de toes y toos' que conocemos perbién y manipulando al traviés de los medios españolistes, al tiempu, la imaxe de la sociedá asturiana. Poro, nun podemos dexar de pidir la crítica pa los galardonaos por estos 'premios de pandereta', que faen el xuegu cómpliz a la monarquía española, nin dexar d'ablucar y protestar, tampoco, polos costes de les fartures 'reales' a cargu de los nuestros impuestos –nestos tiempos de crisis– , asina como de la situación d'estáu y ocupación militar y policial ostentoria que nel nuestru país se xenera con cualaquier 'visita' de los miembros d'esa familia 'real'.


6) Queremos afitar dende agora mesmo la necesidá d'articular y crear un movimientu republicanu asturianu que lluche pola lliberación d'esti país y refugue cualquier tipu d'opresión nacional y social, como la que constitúi la monarquía española y cualquier réxime monárquicu. Asina, namás entendemos un cambiu de modelu de país pa construyir una República Socialista asturiana onde los valores republicanos d'igualdá, llibertá, accesu a la cultura y llaicismu seyan los finxos que caltengan la nuestra llucha por una Asturies xusta y un mundu de pueblos llibres.


¡¡PUXA LA REPÚBLICA ASTURIANA, SOCIALISTA Y SOBERANA!!


18/10/08

Dixebra algama'l segundu puestu nel Festival Liet Lavlut.




Córcega gana el Liet Lavlut 2008

El corsu Jacques Culioli algamó el primer puestu na quinta edición del Festival Liet Lavlut cellebráu esti sábadu en Laponia, al facese col premiu del públicu y el del xuráu, col cantar
Hosanna in Excelsis.
Esti cantar ta escritu en forma de rezu por un futuru xuníu y llibre de Córcega dempués del periodu oscuru de lluches ente nacionalistes.

Indios, el tema propuestu pol grupu Dixebra en representación d'Asturies quedó nel segundu puestu, al empar que Elin Kaven del pueblu Sami, empataos a 73 puntos dempués d'una interesante llucha col corsu Culioli.
Per detras quedaron Mordens (Mordovia) y los friulianos Carnicats.

Dixebra, que foron mui aplaudíos, abrieron con unes pallabres de Xune Elipe escontra el capitalismu y faciendo alcordanza de la llucha obrera n'Asturies. El pieslle foi un emocionáu gritu "pola Oficialidá".

Radio Sele fizo un programa especial curiosu y en direutu, que resultó mui bien dirixíu, sueltu y de bona fechura téunica.


Resultáu les votaciones nel V Festival Liet Lavlut

1. Jacques Culioli, Corsica, 80 points
2. Dixebra, Asturies, 73 points
Elin Kåven, Sapmi, 73 points
4. Mordens, Mordvinian, 56 points
Carnicats, Friulian, 56 points
6. Jelte Posthumus & Pilatus Pas, Frisian, 54 points
Gwennyn, Breton, 54 points
8. Surunmaa, Meänkieli, 51 points
Spasulati, Arbareshe d'Italia, 51 points
10. Boy Elliott & the Plastic Bags, Galicia, 46 points
11. Yr Anioddeffol, Wales, 44 points

17/10/08

La Xunta pola Defensa la Llingua acusa al Gobiernu d'Asturies y a la radio y televisión públiques de nun cumplir les lleis.



La Xunta pola Defensa de la Llingua Asturiana denunció güei públicamente "l'incumplimientu sistemáticu que la Radiotelevisión del Principáu d'Asturies (RTPA) fai de los decretos de toponimia oficial cuando, como ente públicu que ye, tenía que ser un mediu fundamental pa llevar a la práutica tolos alcuerdos y normatives aprobaes pol Gobiernu asturianu". "Ye vergoñoso", señala la organización, "ver cómo, depués de que 32 conceyos tengan la so toponimia oficializada y publicada nel BOPA, l'ente públicu de comunicación nun faiga casu d'ello y siga usando topónimos que yá nun tienen validez llegal", añadió.

Al traviés d'un comunicáu, la Xunta recuerda lo qu'afiten los decretos de toponimia aprobaos pol Conseyu de Gobiernu: "el so usu ye d'obligáu cumplimientu per parte de l'alministración pública". "Nun hai más vueltes que-y dar. Tanto la RTPA como'l Gobiernu asturianu tán actuando illegalmente no tocante a la toponimia oficializada", añadió la nota.

Refierse asina a aquellos casos d'usu nel ente públicu de topónimos que yá nun tienen validez llegal y que nos nuevos decretos quedaron sustituyíos pol términu tradicional, reconocíu agora como oficial.

Según la Xunta, "Asturies ye la única comunidá con llingua propia onde los medios de comunicación públicos nun emiten nel so idioma, con tolo qu'ello podía valir pa normalizar una llingua que ta a puntu de desapaecer si nun se tomen midíes urxentes y bien planificaes". "Ta claro que los intereses del Gobiernu asturianu van per otru llau: el de marxinar la llingua asturiana", añadió.

El casu de la toponimia, pa esti colectivu ye un "bon exemplu: apruébense los decretos pa dempués nun los cumplir". "La radio y la televisión que paguen tolos asturianos y asturianes tien que respetar la llei y usar les formes toponímiques que son oficiales en tola so programación, tanto nel so usu oral como escritu", acaba'l testu.

13/10/08

L'asturianu ye cosa de diario



Les más nomaes webs n'asturianu tan despaecíes dende el vienres pasáu, delles incluso lleven ensin actualizase ún o dos díes más.

Ye'l casu de "asturies.com", "asturnews". "Les noticies", "Europa Press" (que foi menguando les sos noticies, madruga ca día menos y zarra ca día enantes).
La páxima d'esta axencia de noticies ofrez menos entraes ca día y munches menos entraes n'asturianu que'n cualesquier de les otres llingües nes que cubre información (vascu, catalán, occitán, gallegu y valencián). O la sovención de la Conseyería de Cultura nun cubre, o nun medra o la propia Conseyería (cosa que nun ye d'estrañar) nun cumple cola so llabor de fiscalizar los medios a los que sovenciona (esto val tamién pa tolos "grandes medios en papel" que nun cumplen coles condiciones una vez haber pasao pola caxa del Principáu).


En resume, quien quiera enterase de lo que pasa pel mundu y péta-y facelo n'asturianu, que-y eche una güeyada al calandariu porque "na era de la teunoloxía y la información" Asturies sigui siendo una esceición (como pa munches otres coses), pa gayola d'algunos y desesperu de cuasi toos.