L'asturianu apreba "con nota" y conviértise n'especialidá nos nuevos planes na Escuela Maxisteriu.

La llingua asturiana superó güei la preba a que lu sometió la direición de la Escuela de Maxisteriu faciédo-y pasar una votación especial en solitariu pa convertise en Mención na preparación de los mayestros d'educación infantil y primaria.
El resultáu arroxó a favor de la Mención 58 votos de los 87 presentes, a la escontra votó un escosu, anque siñaláu, trenta per cientu (26 votos) y hubo 3 en blanco.

La direición de la Escuela de Maxisteriu tien que proponer agora a la Xunta d'Escuela el nuevu Plan d'Estudios de Llingua Asturiana xunta les demás menciones.

Asina, los nuevos planes d’estudiu van cuntar con una Mención de Llingua Asturiana y pa detrás, va garantizase la presencia digna del asturianu nos programes d’asignatures troncales de los títulos d'Educación Infantil y Primaria.

La Universidá d'Uviéu y el Ministeriu d'Educación van ser los que definitivamente den el preste al Plan d'Estudios.