La web del Ministeriu d'Economía español tráncate'l pasu si uses l'asturianu.

Esti ye'l resultáu de facer el intentu d'accesu a la páxina web d'aniciu del Ministeriu d'Economía y Facienda dende'l restolador d'internet Firefox si ésti ta configuráu col asturianu como llingua preferida (ferramientes/opciones/conteníu/escoyer l'idioma). Ye igual que como segundu idioma se tenga CONFIGURAO l'español, catalán o l'inglés, en dengún casu fai el redireicionamientu automáticu a cualesquier d'estes llingües soportaes, y el pantallazu ye de

• erru: cultur name "ast" is not sopported.

Va ser como dixo'l voceru de la FSA-PSOE na Xunta Xeneral, Fernando Lastra. Voi tener qu'escoyer l'inglés, l'español, el catalán, el gallegu ol vascu (anque nun seyan el mio idioma maternu), como llingua preferida nel mio restolador Firefox, que ye PERSONAL Y PRIVÁU , y si nun puedo... "TENGO QUE PODER".

Nun recuerdo si dalguna vez fui ciudadanu, pero sí dende cuantayá soi siervu.