16/12/14
Llamazares acusa a la Real Academia Española de negar la unidad idiomática del asturiano
Llamazares demanda que la RAE cambie las entradas sobre la lengua asturiana
Considera que debe dejar atrás los prejuicios y los planteamientos lingüísticos totalmente caducos para otorgar un trato de igualdad con el resto de lenguas del Estado//
15-12-2014
Gaspar Llamazares, diputado de IU por Asturias, ha registrado una Proposición No de Ley de pleno reconocimiento de la lengua asturiana en el Diccionario de la Real Academia Española. En la misma, insta al Gobierno a que, en cumplimiento del mandato constitucional de respeto y protección de las lenguas españolas, solicite a la Academia que estudie cuatro modificaciones en las entradas del diccionario, referidas a la lengua asturiana.—
El diputado pretende que la RAE defina adecuadamente la categoría lingüística y la importancia cultural, histórica y política de esta lengua que pertenece a todos los asturianos y asturianas y a los hablantes de su dominio lingüístico, pero también a la ciudadanía del Estado español. Del mismo modo, invita a que la RAE deje atrás sus prejuicios sobre nuestra lengua, olvide planteamientos lingüísticos totalmente caducos y otorgue un trato de igualdad con el resto de lenguas del Estado.
El diputado demanda que la Academia modifique la actual acepción de asturiano: “se dice de la variedad asturiana del dialecto romance asturleonés” y lo sustituya por: “lengua romance que se haba en Asturias y otros territorios del antiguo reino asturleonés”.
Pide la modificación del término bable, actualmente descrito como “dialecto de los asturianos”, y ponga simplemente “lengua asturiana”. La tercera modificación que exige el diputado es la de asturleonés, que en la edición actual figura descrito como: “se dice del dialecto romance nacido en Asturias y en el antiguo reino de León como resultado de la peculiar evolución experimentada allí por el latín”. El diputado propone que la nueva acepción diga: “se dice de la lengua romance que se habla en Asturias y en el antiguo reino de León”. La cuarta variación se refiere a la sexta y séptima acepción de leonés, que figura “como dicho del dialecto romance”. El diputado asturiano propone que la nueva definición sea “dicho de la lengua romance” y que desaparezca esa séptica acepción.
Entre los argumentos que expresa el diputado para avalar estas modificaciones se encuentra el que a pesar de que la lengua de Asturias está reconocida por la legislación, expresamente protegida y promovida por los poderes públicos, a pesar de que cuenta con instituciones de prestigio científico avalando su desarrollo, como la Universidad de Oviedo, a pesar de contar con una Academia de la Llingua Asturiana, de contar con una Junta de Toponimia y a pesar de que los estudios científicos europeos en la materia incluyen el asturiano en igualdad de condiciones con el resto de las lenguas romances, la Real Academia Española de la Lengua sigue ignorando nuestro idioma en su diccionario, manteniendo una definición casi invariable en sus veintitrés ediciones.
El diputado también recuerda que a la Real Academia de la Lengua se le presentó en su sede de Madrid, en 2012, un informe solicitando cambios en las entradas de asturiano, bable, asturleonés y leonés, avalado por profesores universitarios de Asia, Europa y América y apoyado por fuerzas políticas, sociales y culturales asturianas y que, pese a sus buenas palabras iniciales, hizo caso omiso a la petición de la comunidad científica internacional y a sociedad asturiana que lo reclamaba, ocultando información sobre el cambio que se iba a realizar y finalmente publicando una revisión totalmente agresiva que se retrotrae a la tesis acientífica de “los bables” negando así la unidad idiomática del asturiano.
30/11/14
Adelantu del Barómetru Electomanía》 Avientu 2014
PODEMOS: 25.2% (6.522.000)
PP: 23.9% (6.185.000)
PSOE: 19.8% (5.124.000)
IU: 5.7% (1.475.000)
C’s: 4.7% (1.216.000)
UPyD: 3.8% (983.000)
ERC: 2.8% (725.000)
CiU: 2.7% (699.000)
VOX: 1.8% (466.000)
PNV: 1.3% (336.000)
AMAIUR: 1.2% (311.000)
COMPROMÍS: 0.8% (207.000)
EQUO: 0.7% (181.000)
CC: 0.7% (181.000)
BNG: 0.6% (155.000)
FAC: 0.3% (78.000)
GBAI: 0.2% (50.000)
PARTICIPACIÓN: 72.4% (26.230.000)
29/11/14
"Podemos" por Santiago Niño-Becerra, Caderalgu d'Estructura Económica, Universidá Ramón Llull.
De magar dixe que'l gran qué del partíu Podemos foi saber dirixise a una masa de persones güérfanes d'oxetivu políticu: indignaos, desencantaos, descorazonaos, desilusionaos; y que lo fixo perbién; y que lo ta faciendo perbién; y que lo ta faciendo ensin apelar nin a les barricaes nin a la fuelga revolucionaria. Con un mensaxe directu, llanu, ensin utilizar complexos razonamientos financieros nin enrevesaos conceutos de teoría económica, que nin entienden nin interesen a los destinatarios de les sos palabres, supieron llegar a tolos rincones de la xeografía española … y non yá; un procesu que se reforzó cola creación de Ganemos y de Somos, y de los Círculos d'alderique. Absolutamente maxistral. Toi convencíu de que la estratexa de Podemos va ser estudiada nes clases de Derechu Políticu de mañana
Nel sieglu XIX faciendo lo dicho nel párrafu anterior fuera abondu, inclusive nos dos primeres décades del XX, pero güei nun lo ye porque güei la economía yá ye postglobal polo que tou tien o acaba teniendo implicaciones en tou, polo qu'a les coses hai que pone-y non yá nome sinón tamién apellíos y númberu de pasaporte y de tarxeta de pagu electrónicu.
Ayeri Podemos presentó les sos llínees económiques de la man de dos economistes auténticos pesos pesaos de lo que se dio en llamar ‘Economía Social’, los Dres. Vicenç Navarro y Juan Torres. Y son unes llínees que, tol mundu va tener que convenir, tienen coherencia. Enceten la tema de la delda, de la desigualdá, del créitu, de la fiscalidá.
Entá nun lleí tol programa pero aportuno na coherencia. Dende la mio conocencia parcial piensu que nun s'entra nel problemón qu'España tien cola so baxa productividá, tampoco nel modelu granible centráu nel baxu valor añedíu, nin nel escesu de capacidá granible d'un sector industrial con una bien escasa capitalización. Anque posiblemente eso dexénlo pa próximos desenvolvimientos.
Aportuno en que lo lleío ye coherente. Va Poder gustar más o menos, o nada n'absolutu, pero ye coherente. Anque en realidá lo único bramente importante ye que-y preste a Los Mercaos. Si a los Mercaos yos suenen bien los cantares de Podemos: les lletres y la música, van afarar porque'l so mensaxe yá caló y va siguir calando a midida que se vaya demostrando qu'esa "recuperación" de la que fai gala'l Gobiernu ye de papel y ta construyida sobre enagua, y a midida que los estándares de vida de la mayoría de los españoles vaigan degradándose; pero eso nun tien nenguna importancia: namái la tien que Los Mercaos atalanten que si deciden mercar el discu de Podemos nun van perder y va a ganase n'estabilidá.
Van entrugase si Los Mercaos pueden llegar a eses dos conclusiones, y yo pienso que sí: si vustés fueren parte de Los Mercaos, ¿nun roblaríen perder el 40% de lo que-yos deben, allongar el plazu del restu que-yos tienen que pagar, rebaxar los intereses de la delda viva, en cuenta d'años de tranquilidá y de tener posibilidaes de faer negocios col ente muncho más sanu que d'esa operación salga?.
Barrunto que Podemos pue ser un bien bon negociu pa Los Mercaos, claro qu'eso tienen que lo qu'acabar decidiendo ellos.
¿Cuánto vamos tardar en ver un Podemos-Francia o un Podemos-Alemaña?
Y el restu de políticos d'equí que digan lo que-yos paeza.
Santiago Niño-Becerra. Caderalgu d'Estructura Económica. IQS School of Management. Universidá Ramon Llull.
Compromisu sofita'l proyeutu SomosAsturies
Compromisu por Asturies fae públicu’l so sofitu al proyeutu Somos Asturies dientro de Podemos.
Somos Asturies ye un proyeutu que, dientru de lo aprobao n’Asamblea “Sí se puede”, apuesta por afondar na horizontalidá nes decisiones, por caltener el protagonismu de los círculos y por alendar la participación de los movimientos sociales y de la ciudadanía na vida política.
Somos Asturies ye un apueste por una visión global d’Asturies que va más allá del localismu; qu’inclúi a l’Asturies rural como motor de cambéu económicu y social al par que l’Asturies urbana; una Asturies que pon en valor la so historia, a la so llingua o a la so cultura porque con elles siempre aporta y siempre suma; una Asturies que, como n’otres ocasiones, írguise con ilusión pa lluchar y recuperar la so vida y el so futuru.
Estos puntos de partida son coherentes y converxentes coles posiciones polítiques de Compromisu dende la so constitución y ye un marcu ideolóxicu nel que nos sentimos cómodes pa siguir trabayando pa da-y soberanía y xusticia social a los asturianos y asturianes.”
28/11/14
27/11/14
SOMOS ASTURIES: Proyectu políticu.
Enfrentámonos a un tiempu nuevu, de cambios, desafíos y ilusión. Esi cambiu tien d’empezar polo más cercano, polos nuestros conceyos. La construcción de candidatures municipales d’unidá popular ye’l primer pasu pa recuperar el pulsu de la cai y volver facer política cola xente y dende la xente. Nun mos conformamos con ser namás espacios de participación. Tenemos que conectar los conceyos y localidaes d’Asturies y dende ellos rebalsiar les instituciones pa devolveles a la ciudadanía.
Pero nun podemos conformanos con tresformar sólo les nuestres localidaes. Necesitamos mirar fuera y adoptar una perspectiva qu’abarque tol conxuntu. Ensin un proyectu asturianu non yá vamos perder eficacia, tamién vamos esbardiar la oportunidá d’influyir a nivel xeneral. Tenemos que construyir un PODEMOS que, dende Asturies, afonde en formes democrátiques de participación directa al traviés de formes responsables de facer política que sirvan d’exemplu nel conxuntu del territoriu:
PODEMOS tien equí la mayor implantación, el mayor porcentaxe de sofitu electoral y la mayor proporción d’inscritos del Estáu y, amás, pue algamar el so primer gobiernu autonómicu.
Asturies, una vegada más, encabezando’l cambiu, marcando’l camín.
LA ASTURIES QUE NAZ
Caldía espertamos con un nuevu escándalu de corrupción y tenémoslo más claro. Hai una Asturies que muerre: la Asturies de la corrupción, les cuentes en Suiza y les redes clientelares, la de Villa y la mafia políticu-sindical, la del Pactu la Zoreda y la vieya política, la del afuego al mundu rural.
Vivimos nuna permanente seca económica que se traduz nuna sangría demográfica. Fracasaron les polítiques pa la reconversión económica, y los fondos mineros, de formación, o de la UE fueron escalaos pel camín. Vémoslo en miles de millones d’euros gastaos n’infraestructures qu’agora son namás tumbes de formigón y nos más de 20.000 mozos asturianos emigraos dende l’empiezu de la crisis.
Pero tamién hai una Asturies que naz: la de les ciudadanes y ciudadanos llibres que decidimos facenos corresponsables de la política y recuperar la soberanía. Tamos viéndolo dende’l 15M: surdieron nueves formes de participación, organización y empoderamientu ciudadanu nes cais y nos barrios, nes asamblees y marees de trabayadores y d’estudiantes, o nos nuevos centros sociales. Porque tamos faciendo política poles nuestres vides, pa nun tener qu’emigrar, pa poder tener un trabayu dignu, pa poder formar una familia. PODEMOS convirtióse nuna pieza clave nel tableru políticu asturianu y una ferramienta de tola xente d’Asturies. Xugámonos muncho esti mes de mayu: son más qu’unes elecciones, son el primer pasu pa recuperar el nuestru presente y ganar el nuestru futuru. Ye la hora de gobernar pa la xente y dende la xente, la sorrisa ta camudando de bandu.
EL PROYECTU DE SOMOS ASTURIES
El proyectu SOMOS ASTURIES (y los sos axugos municipales) ye la forma de construcción de la iniciativa PODEMOS n’Asturies. A nivel organizativu, el modelu aprobáu na Asamblea Ciudadana de PODEMOS ye un paragües que dexa llibertá d’acción pa desendolcalu y complementalu nos territorios onde los círculos funcionen razonablemente bien. Los Conseyos Ciudadanos y Secretaríes Xenerales, si actúen con independencia de los círculos, cayeríen nes formes desilusionantes de la vieya política esbaratando la participación. Apostar pola participación ye l’antídotu contra aquellos qu’entienden l’acción política como una simple maniobra pa buscar un cargu: PODEMOS ta construyendo un proyectu, nun repitiendo estructures agotaes. Poro ye importante impulsar espacios pal alderique y l’intercambiu d’idees, como los Alcuentros Ciudadanos, y espacios de confluencia colos movimientos sociales, les Asamblees Sociales.
A nivel políticu, ye esencial salir a la cai a repitir que SÍ VAMOS TAR nes municipales. Porque queremos echar a la casta de los nuestros ayuntamientos y siguir trabayando pa tola ciudadanía. Vamos formar candidatures de la xente y pa la xente, candidatures de participación abierta, con un códigu éticu estrictu y en redol a un programa ciudadanu de construcción colectiva. La decisión nun podrá facese efectiva hasta’l 30 d’avientu, fecha na que remata’l procesu de estructuración municipal de PODEMOS. Hasta esa fecha tenemos qu’aldericar de cómo queremos que sían eses candidatures y poner en marcha la loxística. Paralelamente, precisamos una estructura coordinada ente los conceyos, con círculos enraigonaos na realidá de cada localidá, un grupu de trabayu estensu con capacidá técnica (audiovisual, diseñu, redes sociales, sofitu xurídicu, xente con conocencia fonda de la realidá social…) como elementu d’ayuda y apoyu mutuu en cada conceyu y con un proyectu municipal y autonómicu común dende’l que construyir un proyectu de vida pa la Asturies que naz. Caltener estes estructures abiertes y participatives vacúnanos del peligru de construyir un aparatu electoralista ensin capacidá política de tresformamientu de la realidá y que nos alloñaría de la xente y de la razón de ser de PODEMOS.
Con SOMOS tamos trabayando nel PODEMOS qu’imaxinamos y que necesitamos pa ganar. Frente a l’Asturies que muerre, con SOMOS tamos construyendo l’Asturies que naz.
24/11/14
23/11/14
L'irresistible encantu de la concertada.
La demanda n’aumentu de los colexos privaos sobvencionaos obedez a les diferencies sociales ente alumnos y families d’estos centros y los sos homólogos de los públicos. Eso amuesa un estudiu de dos espertos que camienten qu’esti problema va aumentar cola LOMCE.
David Artime / Periodista.
Un día abres La Nueva España y alcuentres una clasificación de colexos ya institutos según les notes medies de los sos alumnos, como si se tratara d’una competición deportiva. Los llectores fíxense nos meyores, probablemente munchos d’ellos concertaos, y tomen nota pa matricular a los sos fíos al añu siguiente.
Manuel Muñiz Pérez describe una hipotética situación análoga a ésta ente sorrises, tranquilamente, tomando un café nuna terraza d’El Carbayeo (Avilés). Pero l’asuntu nin lu tranquiliza nin tampoco-y fai gracia. Sabe de lo que fala, y non solo porque seya padre de dos alumnos de Primaria y miembru del so Conseyu Escolar, sinón porque amás ye profesor d’Economía de la Universidá d’Uviéu, especializáu n’Economía Aplicada a la Educación, y lleva 14 años faciendo estudios y publicando artículos sobre la eficiencia y la calidá educativa.
L’últimu apaeció va añu y mediu, y los sos ecos tovía resquemen en despachos universitarios y pasiellos docentes. Titulábase “Colegios concertados y selección de escuela en España: un círculo vicioso”. Firmábalu en xunto col tamién profesor y economista Roberto Llera na revista Presupuesto y Gasto Público, y les sos conclusiones, desgraciadamente, na so opinión, ponles de rabiosa actualidá la Llei Orgánica pa la Meyora de la Calidá Educativa (LOMCE), más conocida como “Llei Wert”.
“Nun hai igualdá de condiciones ente’l tipu d’alumnáu de los colexos públicos y de los concertaos y, por tanto, nun puen competir d’igual a igual”, señala Muñiz. Y ye precisamente esa palabra, “competir”, la madre’l corderu. Nel so títulu VIII, la LOMCE establez la realización de reválides esternes en cada fin de ciclu y la publicación de los resultaos de cada centru, los llamaos rankings. L’estudiu recueye que la ellaboración de clasificaciones de colexos a partir de resultaos de pruebes comunes ye una “demanda tradicional” de la concertada, pues alcontrámonos efectivamente con meyores resultaos en promediu nos colexos concertaos que nos centros públicos. Sicasí, el motivu nun ye, según esta investigación, una meyor calidá de la ufierta educativa concertada, sinón que les escueles públiques acepten un porcentaxe mayor d’alumnos con dificultaes del llinguaxe, necesidaes especiales o procedentes d’un entornu social menos aventayáu. “Nun pue comparase a un colexu con alumnos d’estracción social obrera con unu del centru d’Uviéu, onde munchos padres son médicos o abogaos”, matiza Muñiz.
Na so opinión, la realidá ye testerona y los datos ehí tán. “El 90% del alumnáu xitano ta en centros públicos”, exemplifica. Pero’l so trabayu ufierta otros datos. Na concertada asturiana, por casu, un 52,7% de los alumnos son fíos de padres con ingresos mensuales superiores a los 1.800 euros al mes, frente a un 29% na pública. Amás, el 64,7% de los padres de la concertada tien un oficiu cualificáu, un porcentaxe que baxa al 33,9% na pública. Otros datos señalen, ya a nivel de tol Estáu, que nos concertaos los padres con estudios universitarios son casi’l doble que na pública, onde malpenes superen el 20%. L’autor fai referencia a abondos analises que demuestren que, restando’l factor de diferenciación del entornu social de los alumnos, los resultaos académicos d’unos y otros son asemeyaos o hasta lixeramente superiores na pública.
Alerta que los meyores centros d’esos rankings van recibir más fondos, pero, amás, les llistes de puntuaciones van ser públiques “pa que los padres lo sepan”. Ehí ye onde ta’l gran “peligru” d’esti sistema de clasificaciones. Los númberos van atrayer a munchos proxenitores de la pública hacia la concertada y “nun va facer más qu’afondar na segregación social ente una y otra”. Esto nun ye nuevo. Ello ye que’l so estudiu yá reflexa un enclín favorable a los centros concertaos. Asina, ente 1990 y 2011, mientres l’aumentu d’unidaes en centros públicos en toa España foi d’un 30,4%, na privada y concertada foi d’un 45%.
Nesti momentu, hai un 68,3% d’unidaes na pública y un 31,7% na privada y concertada, diferencia que según Muñiz tiende a amenorgase. Ello ye que baxa en Comunidaes gobernaes pol PP y el casu más claru ye’l de la de Madrid, onde les unidaes de privada y concertada en 2011 yá yeren el 48%. Casu contrariu sería’l de llugares como Estremadura (18,2%), Castiella La Mancha (17,6%) o Asturies (26%), toes elles naquel momentu gobernaes pol Partíu Socialista. Y too ello nótase nel gastu: el porcentaxe de presupuestu público non financiero pa educación non universitario destinao a conciertos y sobvenciones de la escuela privada aumentó d’un 12,77% en 1992 a un 15,97% nel 2009 a nivel estatal.
L’“efectu compañeros”
El creciente enclín hacia la concertada de munchos padres nun ye, según plantega l’estudiu, porque seya meyor, sinón por otres dos razones: de primeres, porque alumnos que s’arrodien en clase de compañeros que saquen bones notes y permiten un trabayu prestosu van tener más posibilidaes d’éxitu educativo, lo qu’él denomina “efectu compañeros”; y en segundu, porque “les redes sociales y de contactos personales que creen los mozos na escuela colos sos compañeros (y les sos families respectives ente sí) van afectar a la so futura posición cultural y socioeconómica. Influencia que pue ser positiva (si falamos de compañeros de bona posición social o de padres de mediu altu nivel cultural) o negativa (si consideramos como futuros compañeros a mozos que provengan de colectivos desfavorecíos, con problemes de deprendimientu o families de baxu nivel socioeconómico y cultural)”, cita’l so estudiu. Na so opinión, la publicación de les clasificaciones de centros que plantega la LOMCE va valir p’agravar esta situación.
Pero nun son los rankings l’únicu aspectu que beneficiaría a la concertada, según l’investigador. Otru sería la implantación de la relixón como asignatura evaluable, dao que les trés cuartes partes de los privaos y concertaos qu’hai n’España son relixosos. Diz que comentó en dellos congresos internacionales a colegues alemanes o suecos que n’España la relixón va puntuar lo mesmo que matemátiques “y echáronse a rir”. Anque la situación actual, antes de la llei, tampoco ye del so gustu: “A los mios fíos, como nun dan relixón, a la hora d’esta asignatura oblíguenlos a xugar al parchís, porque si aprovechen la hora pa enseña-yos daqué, anque nun seyan conteníos curriculares, entiéndese que se ta discriminando a los que sí dan relixón”.
Tamién señala la cláusula sobre la cesión de suelu público en condiciones favorables pa la implantación de colexos concertaos de nueva creación, “anque haiga places públiques”; el “blindaxe” de los colexos que segreguen por xéneros, o l’ampliación del plazu de renovación de conciertos de 4 a 6 años. Y, a lo último, un detalle, non de la LOMCE, por ser de competencia autonómica, pero que defende a ultranza’l Partíu Popular, n’Asturies concretamente al traviés de la so diputada autonómica Susana López Ares, firme partidaria d’ello: el llamáu distritu únicu, esto ye, la famosa llibertá d’elección de centru.
Será’l centru’l qu’escueya al alumnu
Ye lo qu’a lo último diba facer posible, dende’l puntu de vista de Muñiz, que mientres dellos centros nun cubran places, otros, principalmente concertaos, tendríen escesu de demanda. ¿Y qué pasa cuando hai escesu de demanda? El profesor tiénlo claro: “El qu’acaba escoyendo nun ye’l padre, sinón el centru”; y anque nun sería llegal, recurre a un vieyu refrán español pa esplicase: “Fecha la llei, fecha la trampa”. Exemplifica con dellos casos de centros que conoz y, anque nun da nomes, oyéndolos nun resulta difícil imaxinar xerséis con escudu bordáu y crucifixos enriba l’enceráu. “A lo meyor, cuando vas matricular al to fíu, dícente que ye gratis, pero que’l serviciu de tresporte tienes que pagalu porque ye obligatoriu, anque vives a cien metros. N’otru, puen persuadite pa que deas un donativu, porque anque nun seyan obligatoriu tolos padres lu dan”.
El so estudiu acaba demandando que l’Alministración Pública defenda “la igualdá plena nel accesu a tolos centros calteníos con fondos públicos”. Pero l’Alministración Pública estatal lo que fizo ye una llei que, pa esti profesor, “ye una chambonada, tremada de parches ideolóxicos” y que beneficia a la enseñanza privada y concertada.
Pero la realidá vuelve ser testerona. Basta con tirar d’hemeroteca p’alcontrar noticies del presidente patronal de la concertada, CECE, Antonio Rodríguez-Campra, criticando numberosos aspectos de la LOMCE, como carencies na financiación o la non xeneralización del distritu únicu. Muñiz, sicasí, nun lo cree del too: “A nengún colexu concertáu lu obliguen a ser concertáu. Si lo son, ye porque-yos interesa”. Y lo cierto ye que, tirando un poco más d’hemeroteca, vuelve salir Rodríguez-Campra, diciendo que la LOMCE ye necesaria, que nun tendría qu’haber otra reforma dempués y que, anque nun ye la reforma qu’él fairía, “ye meyor que les anteriores”. Igual tamién se-y pue aplicar al líder de CECE otru vieyu refrán español: “Nun muerdas la mano que te da de comer”.
ESPUBLIZAO N'ATLÁNTICA XXII N. 34, SETIEMBRE 2014
Suscribirse a:
Entradas (Atom)