Atlantic Prau

PP-SOE: El domingu pinten bastos

2011-11-17T21:44:00.002+01:00

La Voz de Asturias festeya'l Día d'Asturies con una edición billingüe

2011-09-08T12:25:00.000+02:00

La Diada del vuit de setembre

El periódicu madrileñu, dafechamente antiasturianu, asoleya una edición catalán-castellán.

"Si muere nuestra lengua, muere nuestra realidad nacional" (Duran i Lleida).

Alvarez-Cascos convida a Izquierda Xunida a pactar el Reglamentu de la Llei d'Usu del Asturianu

2011-07-13T18:54:00.000+02:00

González Pons (PP) roza'l camín a un "pactu a la vasca" col PSOE n'Asturies

2011-02-05T14:33:00.000+01:00

Medrana del PP-PSOE a que'l Pueblu Asturianu esconsone nel 22 de mayu

Alvarez-Cascos dibuxa en Mieres el programa identitariu del Foru Asturies

2011-01-23T19:47:00.002+01:00

"Queremos recuperar el orgullo de ser asturianos, orgullo que consiste en defender lo nuestro, nuestra lengua, el bable o asturiano, como lo llamaba Jovellanos, nuestra historia, nuestra etnografía, nuestro patrimonio industrial, nuestro paisaje (que Asturias sea de verdad un paraíso natural como propuso con acierto Pedro de Silva) y nuestro territorio, porque, además, esa recuperación identitaria, cultural, histórica o medioambiental será un gran yacimiento de empleo, que es lo que necesita nuestro país, Asturias, para empezar a recuperar su orgullo y su destacado lugar en el mapa de España".

Alvarez-Cascos aguanta: "N'Asturies nun quieren nin al PP nin al PSOE"

2011-01-12T03:54:00.002+01:00

y por si nun queda claro, punxo un exemplu...

Alvarez-Cascos postúlase como líder d'un nuevu nacionalismu asturianu de dereches

2011-01-02T18:13:00.006+01:00

Es un reto gigantesco devolver a nuestro país a la primera división de la política y de la economía españolas.
recuperar el orgullo de ser asturianos.
El Principado de Asturias es un país pequeño, alejado y aislado por barreras suficientemente poderosas -incluidas las barreras políticas regionales- como para que sus problemas se conozcan y preocupen, y los asturianos apenas cuentan en las decisiones de los centros de poder, incluidas las direcciones nacionales de los grandes partidos estatatales.
Por nuestra tierra, por Asturias, aquí estamos, para empujar, para tirar del carro junto con los miles de compatriotas que creen que nuestra región debe y puede tener un futuro mejor si los asturianos nos juntamos -como en aquellas tradicionales sextaferias- para emprender esta gran tarea.
Toca defender Asturias, que no es defender intereses particulares, sino defender el porvenir de un país, de unas generaciones de jóvenes que viven en la incertidumbre, que están bien formadas pero que están abandonadas a su suerte.

Tola prensa recueye'l llanzamientu de Firefox n'asturianu y el reconocimientu al trabayu de Softastur

2010-09-10T18:43:00.001+02:00

Setiembre 8: Día de la Nación

2010-09-02T14:46:00.001+02:00

Iglesias Riopedre dimite como Conseyeru d'Educación

2010-08-04T12:56:00.004+02:00

El Conceyu de Gobiernu reuníu esta mañana n'Uviéu acordó aceptar la dimixón de José Luis Iglesias Riopedre como Conseyeru d'Educación por "problemes de salú".

Riopedre anunció la so dimixón y despidióse con un "saluda", de los funcionarios y personal de la so Conseyería.

Bloque por Asturies va plantegar na Xunta Xeneral la desapaición del toréu n'Asturies

2010-07-29T15:32:00.003+02:00

El so diputáu na Xunta Xeneral, Roberto Colunga, va presentar nel Parlamentu autonómicu una proposición pa l'abolición d'esti espeutáculu sangrín ensín malpenes aficionaos nin raigañu nengún n'Asturies.

"La barbarie prohibío por fin"
(Portada The Herald Scotland en cuenta de la desapaición del toréu en Cataluña).

El Conceyu d'Uviéu tenía contratao una póliza de seguros d'asistencia sanitaria nuna esclusiva clínica del Opus.

2010-06-09T01:18:00.010+02:00

Güei enterámosnos de nun se sabe la retafila d'años que los ciudadanos d'Uviéu llevamos pagando una póliza especial pa asistencia privada sanitaria que'l Ayuntamientu capitalín tenía soscrita con una de les clíniques más esclusives del estáu, la Clínica Universitaria de Navarra. La póliza supunxo un desembolsu de 213.000 € al añu.

Prestaríamos saber:

Cuántos años se lleva pagando.
Quién son los beneficiarios.
Col votu de qué grupos s'aprobó la contratación d'esta póliza.
Cuálu ye'l motivu d'esti derroche.

¿Nun ye comparable la asistencia y tratamientos que ufierten los hospitales, clíniques y mutues d'Asturies?

¿Nun hai profesionales na sanidá asturiana suficientemente preparaos pa atender les necesidaes sanitaries de los beneficiarios de la póliza de la Clínica de Navarra?

¿Primóse la exclusividá?

¿Porqué la oposición nun gurgutó?

¿Porqué los uvieinos nun mos enteramos hasta agora?

¿Porqué los políticos se permiten beneficios y prebendes coles perres de toos?
¿Porqué se creen meyores que'l restu los mortales?

Fonte | lne

Del listado de recortes, el más abultado será la supresión de una póliza especial que ofrecía tratamiento médico en la Clínica Universitaria de Navarra, y que suponía 213.000 euros al año. El Ayuntamiento aclara que si algún beneficiado está recibiendo tratamiento, el gastó seguirá asumiéndose hasta su finalización.

Areces brinca penriba la crisis y los funcionarios en güelga entamando la campaña a les eleiciones

2010-06-08T20:09:00.001+02:00

El Presidente socialista estrena páxina d'autobombu na web institucional del Principáu ensin importá-y un res la crisis, los funcionarios en güelga, el recorte de les pensiones nin la sobrevivencia de los 80.000 paraos del país.

"La web del presidente"

Xuristes pol Asturianu nun combaya col Informe Mercator

2010-06-08T16:11:00.001+02:00

COMUNICÁU DEL ACONCEYAMIENTU XURISTES POL ASTURIANU

Anda per ende un testu tituláu “Document de Treball sobre l’asturlleonès” patrocináu per Mercator (una castra d’ONG catalana) y robláu per Hector García Gil qu’entama col agradecimientu de patrocinador y autor al Aconceyamientu de Xuristes pol Asturianu “poles sos aportaciones y conseyu espertu”.

Visto asina, de xuru que’l llector va camentar que l’Aconceyamientu de Xuristes pol Asturianu tien daqué que ver coles hipótesis y afirmaciones que nel mesmu se faen, siendo la realidá xustamente tolo contrario.

De mano, l’autor nun contautó enxamás con nós. Quien lo fizo foi Manel Rodríguez Pérez-Caudel pa, tres presentáse como coordinador de Mercator, encamentar la nuesa opinión sobro un documentu rellativu a la llingua “asturiano-lleonesa-mirandesa” (sic.). Y dióse-y nos términos lliterales que se reproducen darréu:

Pa Manel Rodríguez Pérez-Caudel

Cola mio consideranza:

L'informe que m'unviesti pa dar paecer ta fechu por un llicenciáu mozu, estudiosu y de xuru que voluntariosu, lo que ye abondo méritu, pero tien dellos fallos de fondu que m'abulta meriten igua enantes d'asoleyalu:

I) Llingüísticos.

L'Aconceyamientu de Xuristes pol Asturianu ye, como'l so nome diz, una asociación de xuristes. Poro, pente nós nun hai especialistes en filoloxía, pero conocemos la realidá na que vivimos y arriendes d'ello sabemos a quién hai que s'empobinar llegáu el casu. Asina que pidimos dictame al respeutu a la xente ensin dubia más prestixoso, reconocío y respetao na materia. El resultáu, al cabu y en resume, ye'l darréu:

1. Diz que la fala del Navia-Eo ta adscrita al dominiu galaico-portugués (pelo menos dizlo dos vegaes nel testu). Nun ye afayadiza la espresión. La fala d'Entrambasauguas asitiase llingüísticamente ente'l dominiu gallegu y l'asturianu. Asina lo entiende l'Academia de la Llingua Asturiana (que ye una institución académica, nun lo escaecer) nel so hasta güei incontestáu Informe sobre la fala o gallego-asturiano. Una perspeutiva histórica, social y llingüística. Uviéu, ALLA, 2006.

2. Dicir que son "fales montañeses" les de los tres conceyos más orientales d'Asturies citando a García González ye escaecer la crítica que se fai a esi posicionamientu en García Arias. Gramática Histórica de la Llingua Asturiana. Uviéu, ALLA, 2003.

3. Llamar a la llingua asturiana llingua asturllionesa ye lo mesmo que si llamáreamos al catalán “llengua catalanovalenciana”.

II) Ye dafechamente incorrecho dicir que l’asturiana ye “una llingua con oficialidá parcial (reconocencia de ciertu usu oficial pero que nun ye oficial en sentíu integral o plenu)”.

De mano, porque el conceutu xurídicu d’oficialidá o cooficialidá llingüística nun almite niveles: a una llingua reconozcese-y o non l’estatutu d’oficial. Y a l’asturiana nun se-y quier reconocer por vergoñoses y reconocíes razones polítiques.

D’otra miente, porque la realidá nun respuende al optimismu del autor del informe. Lo que la llingua asturiana tien algamao –y abulta qu’afitao- ye la reconocencia xurídica y social de la so condición de llingua, perdiscutida fasta hai poco. Ye un pasu porque darréu vien la desixencia de proteición (artículu 3.2 de la Constitución española) y el drechu fundamental al so emplegu (convenios y trataos internacionales, mesmamente la Declaración Universal de los Drechos Humanos, el Conveniu Européu de los Drechos Humanos, el Pautu Internacional de Drechos Civiles y Políticos, la Declaración sobre los Drechos de les Persones pertenecientes a Minoríes Ñacionales o Étniques, Relixoses o Llingüístiques, la Carta Europea de les Llingües Rexonales o Minoritaries… y l’entamu de la Constitución española, por nun dir más lloñe) que ye bien difícil ñegala nun estáu que quier pasar por democráticu. Y esi ye l’asitiamientu braeru de la llingua asturiana anguañu: l’Estáu español nun pue obviar nos enunciaos llegales la reconocencia d’unos drechos encontaos pela comunidá internacional, en xeneral, y la europea en particular, poro, reconoz –na lletra de les lleis, la 1/98 del Principáu d’Asturies concretamente- el drechu del ciudadán al emplegu de la so llingua… pa dempués recorta-ylu tolo que puede na práutica alministrativa o xudicial. Y neses tamos. D'oficialidá, que ye lo mesmo que dicir d'emplegu activu polos poderes públicos, nin traces.

Si te vaga echar una güeyada pela nuesa páxina web www.xuristes.as nel separtáu “Actuaciones-Proc. Xudiciales-Recursos númberos 117/07 y 18/07” tienes un par d’exemplos illustrativos y en “Trabayos. L’agonía d’una llingua europea y Dictame xurídicu sobre la llingua asturiana na enseñanza”, dos estudios que vienen a cuentu.

Por too ello soi del paecer que la espublización del informe nos términos nos que ta fadría más mal que bien a la xusta causa de la llingua asturiana.

Xurde Blanco

Si tomamos en cunta que l’informe asoleyóse talu que taba: calificando de gallegu a la fala eonaviega; de montañés al asturianu del oriente d’Asturies y occidente de Cantabria; confirmando con nuevu nome a una llingua, l’asturiana, a la que yá-y punxeron abondos nel bautizu; y atarricando optimismu progubernamental al calificar de “cooficilidá parcial” el llaceriosu estáu nel que s’afaya la nuesa llingua, ¿a cuentu de qué vien damos les gracies peles nueses “aportaciones y conseyu espertu”?.

A nós, dende llueu, nun mos fai gracia nenguna, nin el conteníu del informe, nin les gracies que mos dan.

N’Uviéu, a

Xurde Blanco. Secretariu del Aconceyamientu de Xuristes pol Asturianu.

El PSOE mintió y fai pagar la crisis a trabayaores, retiraos y población n'estaya de necesidá.

2010-05-12T16:12:00.004+02:00

Baxada del salariu de los funcionarios

Nun va haber suba na paga de los retiraos

Táyase dafechu l'ayuda al desendolcu

Mengua la inversión pública.

Nun hai midíes d'aforru nin n'asesores nin altos cargos del Estáu, de les Comunidaes Autónomes, de les Empreses Públiques, de los Organismos Autónomos nin de les Caxes d'Aforros. Tampoco se recorta'l gastu nin de diputaos, senadores y conseyeros nin se toquen les sovenciones a los partíos políticos y organizaciones empresariales y sindicales.

Col tiempu más impuestos (IVA., IRPF), más recortes na negociación salarial, de derechos, prestaciones y reforma del mercáu de trabayu.

Ye tiempu de fuelga xeneral, d'eleiciones estatales, a la Xunta Xeneral y a los Conceyos.

N'Asturies ye tiempu de sostitución democrática de la clas política que carecemos per otra comprometía col país, coles instuciones y col pueblu.

Softastur entama esti vienres en Ribeseya la instalación d'Ubuntu 10.04

2010-04-29T22:45:00.000+02:00

Ubuntu, el primer Sistema Operativu dafechamente n'asturianu, lliberó güei la versión 10.04

2010-04-29T20:30:00.000+02:00

Tola información en Tapaponga

Morrer matando: puntu final de la carrera política d'un zoquete

2010-04-29T20:03:00.001+02:00

La Televisión Pública d'Asturies énte la fuelga de los sos trabayadores: Hai que velo pa creyelo.

2010-03-15T14:59:00.005+01:00

Fonte | rtpa.as
| Fueya en banco
| gyg

"El gobiernu de Vicente Álvarez Areces ye'l mayor enemigu de la llingua asturiana"

2010-03-09T18:20:00.000+01:00

El Tribunal Constitucional avala que la ciudadanía del Principáu d'Asturies pueda dirixise a l'Alministración n'asturianu de manera oral o por escritu. Un xulgáu d'Uviéu presentara una cuestión d'inconstitucionalidá a la principal llei de proteición de la llingua, la Llei d'Usu, dempués d'un recursu plantegáu por un lletráu al que nun-y acetaren una solicitú, escrita n'asturianu, pa un permisu de trabayu.

Los asturianos tienen el derechu de rellacionase cola Alministración pública del Principáu d'Asturies na llingua propia del país, l'asturianu. Asina lo decretó'l Tribunal Constitucional (TC) español, que refugó recién una cuestión d'inconstitucionalidá contra la llei de Promoción y Usu del Asturianu, la principal norma que protexe y regula esta llingua románica. Un xulgáu d'Uviéu presentara la cuestión al Constitucional dempués de qu'un lletráu d'Asturies, Xurde Blanco, presentara un recursu contra una resolución que -y denegaba la solicitú d'un permisu llaboral pol fechu de tar escrita en llingua asturiana.

La cuestión d'inconstitucionalidá plantegaba que la Llei d'Usu taba en contradicción con dellos artículos de la Constitución española, y pidía que se revisara. Pero'l Tribunal Constitucional del Estáu nun-y dio la razón al xulgáu d'Uviéu, y negó la discrecionalidad de l'Alministración autonómica d'acetar les comunicaciones que se reciban n'asturianu, ye dicir, que los organismos públicos de la comunidá autónoma tán obligaos a tramitar los escritos de los ciudadanos nesta llingua, y esto inclúi reconocer la so validez en cuanto a plazos.

El lletráu afectáu, Xurde Blanco, esplicó en declaraciones a Cope-Asturies recoyíes por Asturnews.com que "nun ye d'estrañar qu'el TC tíre-y de les oreyes a l'alministración, ya que l'asturianu ye la única llingua que nun se respeta n'absolutu nel Estáu español". Blanco definió al Gobiernu asturianu de Vicente Álvarez Areces (FSA-PSOE) del "mayor enemigu de la llingua asturiana".

Una proteición mínima

L'asturianu, asturlleonés o lleonés ye una llingua románica falada por ente 300.000 y 450.000, principalmente n'Asturies y Lleón, asina como en dos conceyos portugueses, Miranda do Douro y Vimioso. Esfruta de reconocencia legal tanto nel Estáu español como nel portugués, pero sólo ye oficial nesti segundu.

La Llei d'Usu y de Promoción del Asturianu, del 1998, ye la principal ferramienta llexislativa de proteición de la llingua nel Principáu, pero hai una demanda importante pa dir un pasu más allá y reconocer la oficialidá de la llingua. Ente los que lluchen con esti envís destaquen la Xunta Pola Defende de la Llingua Asturiana y el Conceyu Abiertu Pola Oficialidá, la plataforma responsable de la campaña Yo Doi la Cara pola Oficialidá.

Fonte | Nationalia

L'Ente Públicu RadioTelevisión del Principáu d'Asturies, entitula con despreciu a l'asturianu la noticia del Autu del Tribunal Constititucional

2010-03-09T01:09:00.009+01:00

La Voz de Asturias, pa nun ser menos, ufierta un mundu de posibilidaes sexuales col aval del Altu Tribunal

Manuel Aragón, maxistráu del Tribunal Constitucional sostién nel so votu particular que la Xunta Xeneral bien pudo "escedese na proteición y promoción del asturianu"

2010-03-08T22:11:00.003+01:00

El precepto legal cuestionado otorga plenos efectos jurídicos a todas las comunicaciones escritas (y orales) que pueda dirigir un ciudadano a la Administración del Principado de Asturias, lo que puede suscitar la duda, como se apunta por el Juzgado promotor de la presente cuestión, de si con tal decisión el legislador autonómico ha excedido su legítima competencia de protección y promoción del bable (art. 4 del Estatuto de Autonomía del Principado de Asturias), para adentrarse en terrenos propios de la cooficialidad lingüística, lo que en tal caso resultaría contrario al bloque de la constitucionalidad, pues el art. 3.2 CE reserva a los Estatutos de Autonomía de las Comunidades Autónomas con lengua propia distinta del castellano la declaración como cooficial de esa lengua en el territorio autonómico (SSTC 82/1986, de 26 de junio, FJ 4, 56/1990, de 29 de marzo, FJ 40, y 87/1997, de 24 de abril, FJ 3), y ninguna duda cabe albergar de que el bable/asturiano no es lengua oficial, puesto que el Estatuto de Autonomía del Principado no le reconoce este carácter (SSTC 82/1986, de 26 de junio, FJ 4, y 27/1996, de 15 de febrero, FJ 3).

Pues bien, si la condición de lengua oficial reside, como venimos señalando desde nuestra STC 82/1986, de 26 de junio, FJ 2, en su reconocimiento por los poderes públicos como “medio normal de comunicación” “de”, “en” y “entre” los poderes públicos y en la relación de éstos con los sujetos privados, con plena validez y efectos jurídicos, no me parece que pueda descartarse, a priori, que la validez “a todos los efectos” que el precepto legal cuestionado reconoce al uso del bable en las comunicaciones orales o escritas de los ciudadanos con la Administración del Principado de Asturias no pueda suponer, al menos en parte, que se está otorgando por el legislador autonómico a esta lengua algunos elementos

propios de la cooficialidad lingüística (pese a no tener el bable carácter de lengua oficial conforme al Estatuto de Autonomía del Principado de Asturias), como sostiene el Juzgado promotor de la cuestión; pues es innegable que los sujetos privados que pretendan relacionarse con la Administración del Principado de Asturias pueden optar por hacerlo en bable o en castellano, surtiendo plenos efectos jurídicos los escritos redactados en otra u otra lengua que se presenten por los ciudadanos ante dicha Administración, no solo para la iniciación de un procedimiento administrativo, sino también para todos los trámites posteriores de ese procedimiento. El bable no tendría, así, la condición de lengua de uso “normal” “por” los poderes públicos o “entre” ellos, pero sí de lengua de uso “normal” “en” los poderes públicos, es decir, poseería una de las características propias de la lengua oficial.

Testu íntegru del votu particular en formatu .pdf

Repercusión nos medios al Autu del Tribunal Constitucional sobro la constitucionalidá de la Llei del Asturianu

2010-03-08T20:20:00.008+01:00

Asturies.com

Asturnews

InfoAsturies

Les Noticies

ABC

El País

Eco Diario

Yahoo!

El digital de Madrid

Ideal.es

20minutos

Cope-Asturies (con declaraciones en audio de Xurde Blanco)

RadioCatalunya.cat

LNE

El Comercio

La Voz de Asturias

El Tribunal Constitucional ampara l'usu del asturianu énte l'Alministración.

2010-03-08T15:50:00.020+01:00

Xurde Blanco, lletráu de la Xunta Xeneral, pidió l'amparu del Constitucional dempués que'l Tribunal Superior de Xusticia d'Asturies refugara el so derechu a dirixise n'asturianu a l'Alministración autonómica y'l Xulgáu de lo Contencioso solicitara del Constitucional pronunciáse sobre la posible inconstitucionalidá de la Llei d'Usu del Asturianu.

La sentencia denegatoria del Tribunal Superior de Xusticia d'Asturies foi calificada nel so día pel Aconceyamientu de Xuristes pol Asturianu como "alloriante".
Agora, el Tribunal Constitucional avala l'usu del asturianu tanto oral como escritu énte l'Alministración del Principáu por toos los ciudadanos como se dexa afitao na Llei 1/1998 d'usu del Asturianu, nun almitiendo a trámite el pidimientu del Tribunal asturianu.
La sentencia cunta col votu particular del maxistráu "progresista" Manuel Aragón Reyes.
"Camiento que d'haber siguío la vía de los tribunales de fora d'Asturies va tiempu la situación sería otra. Si fai 20 años plantegárase la situación del asturianu asina hasta les últimes consecuencies, nun diba a ser la qu'hai agora". (Xurde Blanco, LVA 20-Ochobre-2008).

Testu íntegru del Autu del Tribunal Constitucional:
http://www.tribunalconstitucional.es/es/resolucionesrecientes/Paginas/ATC2010-027.aspx

Antecedentes:

Tol espediente del Recursu sobre Proteición de Derechos Fundamentales Nu. 117/07. Xulgáu de lo Contencioso-Alministrativo Nu. 3 d'Uviéu:

http://www.xuristes.as/actuaciones11.htm

Sentencia del Tribunal Superior de Xusticia d'Asturies que refugó el derechu al emplegu de la llingua asturiana:

http://www.xuristes.as/Pdf/SENTENCIATSX.Proc18-07.pdf

El xuez Miguel Angel Carbajo lleva al Constitucional la Llei d'usu del Asturianu:
http://www.lavozdeasturias.es/noticias/noticia.asp?pkid=368127

Recursu d'amparu énte'l Tribunal Constitucional:

http://www.xuristes.as/Pdf/Rec.AmparuTC.Proc18-07.pdf

Declaraciones de Xurde Blanco dempués de pidir l'amparu al Constitucional:
http://www.lavozdeasturias.es/noticias/noticia.asp?pkid=452392

Atlantic Prau informó daquella del Recursu d'inconstitucionalidá:
http://atlantic-prau.blogspot.com/2007/09/la-llei-del-asturianu-al-tribunal.html

Dixebra Premiu de la Música al Meyor Cantar n'Asturianu

2010-02-17T14:26:00.000+01:00

Abiertu'l plazu pa les votaciones "Al Meyor Blogue Fechu n'Asturianu"

2010-01-18T15:23:00.001+01:00

Les bases del añu 2009 son les que van darréu:

1 – Namás un blogue y persona por votación. Si tienes dellos blogues, namás pues votar una vegada. Entiéndese que’l blogue (tanto’l que vota, como’l votáu) tán fechos n’asturianu, o l’asturianu ye la llingua vehicular na mayor parte de les entraes.

2 – Cada blogue pue votar con 4, 3 y 2 puntos a los tres blogues que meyor conteníu tengan. Y con 1 puntu al blogue con meyor estética, imaxe o diseñu, pue ser a ún de los anteriores pero enxamás al propiu blogue del votante.

3 – En casu d’empate, ganará’l blogue que tea más actualizáu nel últimu añu (más entraes) y si asina persistiere l’empate, ganaría’l blogue más vieyu.

4 – Han de mandase les votaciones, identificándose col nome del blogue qu’emite’l votu, a votalmeyorblogue@gmail.com. L’últimu día ye’l 31 de xineru zarrándose la recepción de mails a les 24 hores. A partir d’ahí, en cuanto tea recopilada tola información, espublizaránse los resultaos de los blogues ganadores.

Triscando nieve per Uviéu... y tocar el cielu coles manes.

2010-01-10T01:12:00.002+01:00

Xuristes pol Asturianu abre un Rexistru de la discriminación llingüística como primer pasu del Observatoriu de la Discriminacíon Llingüística n'Asturies

2009-12-07T20:25:00.001+01:00

REXISTRU DE LA DISCRIMINACIÓN LLINGÜÍSTICA N’ASTURIES.

Dementres que pa les llingües tradicionales y propies de les comunidaes autónomes de Cataluña, Baleares, Valencia, Galicia, País Vascu y Navarra, l’aprobación de la Constitución española de 1978 supuso‘l puntu de partida de la so normalización social, p’Asturies non: pa entamar, del mandáu de la so disposición cabera – la Constitución , amás d’en castellán, “Espublizaráse tamién nes otres llingües d’España”- el gobiernu español dexará inxustificadamente fuera a la llingüa asturiana. D’ehí p’acó, los asturfalantes sedremos oxetu d’una fondera discriminación que, dacuando, aporta a los medios de comunicación amosando la punta del iceber del conflictu llingüísticu asturianu.

Pero nun falta quien adonda y mesmamente niega esta vergoñosa hestoria al amparu de que la memoria ye feble y el pasu’l tiempu favoratible al escaezu. Ye verdá que s’espeya nel duraderu papel de los testos llegales y de les sentencies de los tribunales, pero tiende a perdese nos actos más doliosos, nes ofenses y arbitrariedaes impunes, individuales o coleutives, de pallabra y obra. Y un pueblu discrimináu y ofendíu, tien de tener memoria. Poro, nel Aconceyamientu de Xuristes pol Asturianu, tres abrir na nuesa páxina web un portal pa recoyer denuncies –SOX- naguábemos pola igua de d’una rellación d’actos discriminatorios carecíos polos ciudadanos asturfalantes qu’abarcare dende la vixencia de la Constitución de 1978 fasta qu’algún día, si llega, acabe l’estáu d’esceición que pa la llingua asturiana punxo en práutica l’Estáu español va yá pa 31 años. Un rexistru nel que s’atropen toles agresiones endenantes que la memoria les entierre; que s’actualice día tres día d’equí p’alantre; y d’un formatu que permita’l so fácil espardimientu per dayuri uquiera se trate de los derechos humanos. Un rexistru, al cabu, que seya´l vergoñosu y permanente testimoniu de l’agresión llingüística escontra’l pueblu asturianu.

Veníemos coricando la idega hai bien de tiempu pero siempres faltaben les manes, tanto na casa como nes puertes onde piquemos. Fasta agora, que col arrogante compromisu de Vítor Suárez Piñero yá podemos cuntar con un informe qu’atropa cientos de casos de discriminación, na dómina 1979-2009, nun total de más de doscientes páxines.

Pa da-y continuidá al llabor tamos sofitando la igua d’una asociación –Observatoriu de la Discriminación Llingüística n’Asturies- na que te convidamos a asentar, col grau de compromisu qu’escueyas, acordies col conteníu de la fueya que s’axunta.

N’Uviéu, a siete d’avientu de dos mil nueve, robla Xurde Blanco Puente, Secretariu de la Xunta Direutiva del Aconceyamientu de Xuristes pol Asturianu.

OBSERVATORIU DE LA DISCRIMINACIÓN LLINGÜÍSTICA N’ASTURIES.
SOLICITÚ D’ACONCEYAMIENTU

(Unviar a una d’estes dos direiciones: asturiesyeposible@hotmail.com o
observatoriu@gmail.com ).

- NOME Y APELLÍOS O DENOMADURA SOCIAL:

- NU CARNÉ IDENTIDÁ O NU FISCAL:
- DIREICIÓN:
- LLUGAR D’ESTUDIU, TRABAYU O SEGUNDA RESIDENCIA:
- TELÉFONU:
- CORRÉU LLETRÓNICU:

Axúntome a l’asociación Observatoriu de la Discriminación Llingüística
n’Asturies col grau de compromisu (1):

(1) El mínimu compromisu abarca l’éticu de tar a la escontra de la discriminación
llingüística de los asturianos, espresáu col asentamientu na asociación, y el material de
facer lo posible por asistir a los aconceyamientos (el xeneral ordinariu va facese cada
dos años y pa los demás emplegaráse, no que se pueda, l’internet). L’asociación va
financiase con aportaciones voluntaries, poro, nun hai compromisu dalu respeutu al
pagu de cuotes que nun esistirán. Sicasí, al envís de organizar el trabayu, ye
perimportante que’l que tenga disposición al efeutu faiga declaración del grau de
compromisu mayor que, de mano, pue o quier tomar, emplegando les lletres darréu:

A.- Disposición a collaborar na recoyida y notificación a los muérganos direutivos de
l’asociación, de los casos de discriminación llingüística que conoza.

B.- Disposición pa collaborar na igua y actualización del Rexistru de la
Discriminación Llingüística n’Asturies y nel so espardimientu.

C.- Posibilidá de prestar sofitu en llabores de torna asturianu-castellán.

D.- Posibilidá de prestar sofitu en llabores de torna asturianu y/o castellán-inglés.

E.- Posibilidá de prestar sofitu en llabores de torna asturianu y/o castellanu-otru
idioma (apuntar cualu).

F.- Disposición a trabayar nos muérganos direutivos de l’asociación.

G.- Otros (espresalos).

(2) Puen asociase tanto les persones naturales como les xurídiques, ensin torga dala
por razón d’ideoloxía o militancia política, sindical o social.

Concentración n'Uviéu pa que nun s'esfarrape l'espíritu d'internet

2009-12-04T02:41:00.008+01:00

La Plaza La Escandalera d'Uviéu va aconceyar, xunta otres ciudaes del Estáu, una concentración contraria a les intenciones del Gobiernu español de regular les descargues n'internet.

Esti intentu per parte de l'Alministración d'apastoriar les comunicaciones de los ciudadanos, pue suponer el principiu del fin de la llibertá y ye dafechamente contrariu al espíritu de neutralidá y llibertá con que nació y se deseldolcó la rede internet.

El Gobiernu, con esti proyeutu de regulación, pretende montar penriba de los drechos de los ciudadanos en beneficiu de poderes económicos que medren al aliendu de los impuestos y les sovenciones, que cobren pola venta d'el productu y por si lu toques, si lu bailles, si lu xibles, si lu copies... y agora tamién por si te peta regalalu.

Manifiestu

Na defensa de los drechos fundamentales n’internet

Por mor de la inclusión nel Anteproyeutu de Llei d’Economía sostenible de modificaciones llexislatives que cinquen al llibre exerciciu de les llibertaes d’expresión, información y el drecho d’accesu a la cultura al traviés d’Internet, los periodistes, bloggers, usuarios, profesionales y criadores d’Internet manifestamos la firme oposición de nós al proyeutu, y declaramos que…

1.- Los drechos d’autor nun puen allugase penrriba de los drechos fundamentales de los ciudadanos, como’l drechu a la privacidá, a la seguridá, a la presunción d’inocencia, a la tutela xudicial efeutiva y a la llibertá d’espresión.

2.- La suspensión de drechos fundamentales ye y tien que siguir siendo competencia dafechu del poder xudicial. Nin un pieslle ensin sentencia. Esti anteproyeutu, a la escontra de lo afitao nel artículu 20.5 de la Constitución, dexa nes manes d’un muérganu non xudicial -un organismu dependiente del Ministeriu de Cultura-, la potestá de torgar a los ciudadanos españoles l’accesu a cualaquier páxina web.

3.- La nueva llexislación fadrá xurdir inseguridá xurídica en tol sector tecnolóxicu español, perxudicando ún de los pocos campos de desendolcu y futuru de la nuesa economía, atapeciendo la criación d’empreses, inxertando torgues a la llibre competencia y ralentizando la so proyeición internacional.

4.- La nueva llexislación propuesta amenaza a los nuevos criadores y atapez la criación cultural. Con Internet y los sucesivos avances tecnolóxicos democratizose dafechu la criación y emisión de conteníos de toa mena, que ya nun provienen prevalentemente de les industries culturales tradicionales, sinón de bayura de fontes distintes.

5.- Los autores, como tolos trabayadores, tienen drechu a vivir del so trabayu con nueves idegues creatives, modelos de negociu y actividaes asociaes a les sos criaciones. Intentar caltener con cambeos llexislativos a una industria obsoleta que nun ye a adaptase a esta nueva arrodiada nun ye nin xusto nin realista. Si’l so modelu de negociu se basaba nel control de les copies de les obres y n’Internet nun ye posible ensin vulnerar drechos fundamentales, deberíen guetar otru modelu.

6.- Consideramos que les industries culturales necesiten pa sobrevivir alternatives modernes, eficaces, creyíbles y asequibles y ayafadices pa los nuevos usos sociales, en llugar de limitaciones tan desproporcionaes como ineficaces pa la fin que dicen perseguir.

7.- Internet tien que furrular de forma llibre y ensin interferencies polítiques alitaes por seutores que van a la gueta de perpetuar obsoletos modelos de negociu ya imposibilitar que’l saber humanu siga siendo llibre.

8.- Desiximos que’l Gobiernu garantice por Llei la neutralidá de la Rede n’España, ante cualaquier presión que puea producise, como marcu pal desendolcu d’una economía sostenible y realista de cara al futuru.

9.- Proponemos una verdadera reforma del drechu de propiedá intelectual empobinada al so fin: tornar a la sociedá’l conocimientu, promover el dominiu públicu y llimitar los abusos de les entidaes xestores.

10.- Na democracia les lleis y les sos modificaciones han aprobase tres del oportunu alderique públicu y consultando enantes a toles partes implicaes. Ye inaceptable que se faigan cambios llexislativos que cinquen a drechos fundamentales nuna llei non orgánica y que trata d’otra estaya.

Esti manifiestu, fechu n´andecha por dellos autores, ye de tóos y de nengún. Si quies xunite a elli, espárdelu per Internet.

Instalar Ubuntu ye asina de fácil: el vienres y sábadu na c/Gascona 12, n'Uviéu

2009-11-19T13:35:00.007+01:00

El Gobiernu d'Asturies y la TPA afalen l'espansionismu gallegu

2009-11-18T16:36:00.000+01:00

Francisco García Valledor, diputáu na Xunta Xeneral pola coalición Izquierda Xunida-Bloque por Asturies-Los Verdes, fizo güei unes declaraciones nesque defende l'eonaviego del entamu de les instituciones de la Comununidá Autónoma de Galicia d'esparder n'Asturies la llingua gallega valiéndose de les emisiones de la so televisión autonómica.

La falta d'una política llingüística per parte del Gobiernu no tocante al asturianu y al eonaviego y la nula implicación de la Televisión autonómica (TPA) cola llingua y la cultura asturiana, afonden nel peligru de galleguizar el país.

Ficheru .mp3 coles declaraciones del diputáu Valledor:

La Universidá d'Uviéu reconoz el valir científicu de Xosé Lluis García Arias, frañando dafechu con venti años d'inxusticies.

2009-11-11T20:05:00.011+01:00

Xosé Luis García Arias (6 de mayu de 1945, Teberga, Asturies), Doctor en Filoloxía y Presidente de l'Academia de la Llingua Asturiana dende la so fundación en 1981 hasta'l 2001, ye'l nuevu Catedráticu de Dialeutoloxía de la Universidá d'Uviéu.

Noticia n'Asturnews.com
Uiquipedia
Araz.net

Ubuntu 9.10 tien la última pallabra

2009-10-29T08:45:00.005+01:00

¿Ye posible tener un Sistema Operativu llibre, estable, ensin virus, actualizáu y dafecho n'asturianu?.
Asegúrate, nun cuesta res...

Les semeyes correspuenden a captures de pantalla de la versión pa ultraportátiles d'Ubuntu 9.10, (Ubuntu Netbook Remix).

Descargues:

Linux Sietes

2009-10-16T22:20:00.004+02:00

La Xunta llama a la sociedá civil a esixir la ensiñanza del asturianu énte les agresiones per parte de los centros

2009-10-09T17:24:00.011+02:00

COMUNICAU DE LA XUNTA POLA DEFENSA DE LA LLINGUA

En viendo los estorbos que se ponen de contino nos centros d’enseñanza, tanto de Primaria como de Secundaria pa col enseñu del asturianu, la Xunta pola Defensa de la Llingua Asturiana fai un llamáu a tola xente que tenga conocimientu de casos nos que la opción llibre de cursar estudios d’asturianu la deniegue dalgún centru educativu.

La presencia del asturianu na educación ye marxinal y testimonial, dase una situación d’agresión continua a los derechos llingüísticos y educativos de los y les estudiantes, y un incumplimientu sistemáticu de la llexislación esistente n’Asturies nesti campu. Esto traduzse en que, cursu tres cursu, niégase’l derechu a estudiar la llingua asturiana a miles de mozos y moces estudiantes que lo piden voluntariamente.

Nos últimos díes, foi posible resolver un casu nun institutu de Xixón nel que se negaba la opción de cursar asturianu a dellos estudiantes que lu hubieren pidío. Depués de facer les xestiones correspondientes, foi posible iguar esta situación y que finalmente el centru accediera a ufrir l’asignatura. Sabemos que nun ye l’únicu casu y que en munchos d’ellos podríemos tar en condiciones d’actuar de lleganos la información en tiempu.

Por eso, encamentamos a tolos estudiantes, families, trabayadores de la enseñanza y a cualquier persona que pueda tener información sobre esti tipu de situaciones, a que se pongan en contactu cola Xunta pola Defensa de la Llingua Asturiana pa denunciar y actuar contra estos fechos.

Google nun fala asturianu, perdonái les molesties

2009-10-02T02:07:00.002+02:00

La Xunta denuncia que l'Alministración persigui a los falantes d'asturianu y barrunta llegáu el fin del arecismu

2009-08-26T22:26:00.009+02:00

Comunicáu de la Xunta pola Defensa de la Llingua

Esti añu cúmplense diez de la llegada a la presidencia del gobiernu d’Asturies de Vicente Álvarez-Areces. Dende la Xunta pola Defensa de la Llingua Asturiana creyemos que ye un momentu bonu pa recordar lo que foi la so política no que se refier a la llingua asturiana.

Nesta década, la situación xeneral del idioma foi de mal en peor, col perconocíu retrocesu nel númberu de falantes al cortase la tresmisión interxeneracional y la falta de derechos fundamentales de les persones qu’usen l’asturianu. Asistimos, inclusive, a la persecución de l’Alministración a ciudadanos qu’escueyen llibremente la llingua asturiana pa la so vida normal.

La política arecista, nesti tiempu, nun foi nunca a pasar de les declaraciones d’intenciones retóriques y vacíes, de les visiones de la llingua museístiques y acomplexaes. Too ello traxo como consecuencia unes actuaciones llingüístiques pa cubrir l’espediente, omitiendo les sos obligaciones y, munches veces, tomando decisiones, por acción o omisión, perxudiciales pal futuru del idioma. Nun se vio nenguna midida efectiva p’ameyorar la situación del asturianu nel sistema educativu (sigue la precariedá en tolos niveles), nos medios de comunicación (con una presencia marxinal nos medios públicos) y nos diferentes organismos de l’Alministración (qu’escaecen sistemáticamente lo necesario que ye la tresversalidá de les polítiques llingüístiques).

L’avance producíu cola oficialización de la toponimia de dellos conceyos, exemplu de participación ciudadana y procuru técnicu, vese burlláu de contino pola falta sistemática de cumplimientu poles propies instancies del Principáu y poles entidaes vinculaes directamente a ésti (la Radiotelevisón del Principáu d’Asturies, Caxastur... ente otres).

Por eso, cuando ta acabando la triste y buxa etapa d’inoperacia política del arecismu, pidimos a les persones y partíos que nel futuru tengan responsabilidaes de gobiernu n’Asturies que tornen esta situación de desigualdá xurídica de la ciudadanía declarando la oficialidá de la llingua asturiana. De la mesma manera, habían ser quien a llibrase de les polítiques culturales inútiles y megalomaniátiques, y axeitar unes polítiques llingüístiques series, realistes y eficaces que permitan al idioma ganar falantes y espacios d’usu, asegurando asina’l so futuru.

Fonte| Xunta pola Defensa de la Llingua Asturiana

David Villa en "The New York Times". El periódicu americanu sorraya'l compromisu del guaḥe cola oficialidá del asturianu

2009-06-23T13:24:00.012+02:00

He is a member of a group seeking to make Asturian an official language of Spain, and each July he holds a soccer camp for kids in his home region to learn the secrets of his trade.

Collabora nun coleutivu que reivindica l'Asturianu como llingua oficial n'España y tolos años, pol mes de xunetu, participa nun campeonatu nel so conceyu de nacencia pa tresmitir a los guaḥes el secretu del so ésitu.

Fonte | nytimes

Xuristes pol Asturianu presenta un documentu oficial onde se diz que nun hai "Unidá de Torna" dala

2009-06-19T22:54:00.008+02:00

El Gobiernu PSOE-Izquierda Xunida estafa a los ciudadanos con mentires que nun se sostienen nin cola mínima comprebación.

El día 27 d’abril del añu qu’andamos, tolos medios de comunicación daben-y bien d’espaciu a una rueda de prensa qu’en xunto ficieren la Conseyera de Cultura y la Direutora Xeneral de Política Llingüística anunciando la creación, per alcuerdu del Conseyu de Gobiernu de data 18 de marzu, d’una Unidá de Traducción que calificaben de “departamentu áxil, eficaz y rigorosu” al que-y “correspuende garantizar la exactitú y la equivalencia xurídica de les traducciones ente’l bable/asturianu y el castellán”. Por si daquién nun s’enterare, emprentaron y espardieron un bayurosu cartón desplicando les escelencies, competencies y normes de furrulamientu del talu “departamentu”.

Nel Aconceyamientu de Xuristes pol Asturianu nun mos casaba lo que se cacarexaba colo que’l BOPA ponía, asina que, tres estudiar con procuru l’asuntu, iguamos un comunicáu esplicando que lo que s’espardía nun yera verdá; que’l Gobiernu del Principáu nun creare nengún muérganu de traducción; y que de too ello nun había más cosa real que l’alloriante pretensión de “carga-y la torna de los testos asturianu-castellán a un funcionariu al que nun se-y desixe la conocencia de la llingua asturiana pal accesu al puestu de trabayu”.

Como hebo medios de comunicación que nun mos creyeron, buscamos la llaga pa que pudieren meter los deos y, a nun tardar, atopémosla: la Xefa del Secretariáu del Gobiernu del Principáu, vien de certificar que “no se aprobó ningún acuerdo específico de creación de una Unidad de Traducción en la Dirección General de Política Lingüística de la Consejería de Cultura y Turismo”.

Ye la segunda vegada, en poco más de seyes meses, que l’Aconceyamientu de Xuristes pol Asturianu atrapa a la Direutora Xeneral de Política Llingüística afitando públicamente lo que nun ye (la otra foi alrodiu de la resolución del Conseyu d’Europa sobro l’aplicación n’Asturies de la Carta Europea de les Llingües Rexonales o Minoritaries). Nun país onde braeramente se respete a la verdá y a les minoríes (nesti casu llingüístiques), dos de los pegollos nos que se sofita -sine qua nom- el sistema democráticu, yera de sobra pa ser cesada darréu.

N’Uviéu a dieciseyes de xunu de dos mil nueve.

Pola Xunta Direutiva del Aconceyamientu de Xuristes pol Asturianu, robla’l so Presidente, Xosé María Estrada Janáriz, n’Uviéu a venti de xunu de dos mil nueve.

PP, IX- Bloque y PSOE representen una zarzuela cateta na se de la Xunta Xeneral

2009-06-12T13:47:00.007+02:00

El PP aceuta les enmiendes del PSOE-IX a la so proposición que pidía la especialidá del profesoráu de llingua asturiana esvirtuándola dafechu.
IX-Bloque por Asturies que criticó la presentación de la proposición non de llei del PP, descalifícalu agora per non mantenela y defendela y ufrió-y los votos del so grupu pa aprebar la proposición primera, (asina y too, ¡dempués de presentar enmiendes a la mesma xunto col PSOE!).
Nel PSOE aplauden coles oreyes otra victoria que marxina l'asturianu de la ensiñanza.
Toos xuntos y contentos col llabor, apreben por unanimidá una propuesta que nun se paez un res a la orixinal na que se-y pasa la pelota al Ministeriu d'Educación y qu'esti faiga lo que-y pete.

Nun queda otra qu'entrugase si la Xunta Xeneral del Principáu d'Asturies ye'l Parllamentu d'Asturies o ye l'escenariu de los segundos repartos de la zarzuela. Les taquilles del Campoamor echaríen fumu si repartieren entraes pa ésti espeutáculu.

Vía | Europa Press

El periódicu "El Mundo" destapa que'l PSOE ataca l'asturianu pola bas

2009-06-11T14:30:00.008+02:00

De les declaraciones de "fontes socialistes" despréndese que'l Gobiernu d'Asturies y'l PSOE podíen boicotiar en Madrid la "mención" y'l "minor" d'asturianu, en Maxisteriu y na Facultá de Filoloxía, a los que la Universidá d'Uviéu ya dio la so aprebación mayoritaria.

Fonte | El Mundo

Asturies vota güei nes eleiciones europees

2009-06-07T12:49:00.011+02:00

Xuristes pol Asturianu esenmazcara los enguedeyos del gobiernu Areces

2009-05-28T11:31:00.006+02:00

LO QUE PRETENDE YE CARGA-Y LA TORNA DE LOS TESTOS ASTURIANU-CASTELLÁN A UN FUNCIONARIU AL QUE NUN SE-Y DESIXE LA CONOCENCIA DE LA LLINGUA ASTURIANA PAL ACCESU AL PUESTU DE TRABAYU.

COMUNICÁU

Ye persabío que la política llingüística del gobiernu Areces namás tien dos oxetivos: enzancar tolo que pueda l’exerciciu del drechu humanu al emplegu de la llingua propia y prauticar el clientelismu políticu pela estaya social asturianista. Nesi sen, y dientro d’una abondosa retafila d’incumplimientos llegales, vien faciéndose’l sordu, per once llargos años, énte’l mandáu de creación d’un muérganu de traducción, fechu pel artículu 7 de la Llei 1/1998, d’usu y espardimientu del bable/asturianu y comprometíu en tolos pautos políticos con IU (que traga y azorrampla). Poro, cuando en data 27 d’abril del añu qu’andamos la Conseyera de Cultura, en xunto cola Direutora Xeneral de Política Llingüística, anunciaba la creación “d’un departamentu áxil, eficaz y rigorosu” pa la torna de testos ente les llingües castellana y asturiana, nel Aconceyamientu de Xuristes pol Asturianu plasmamos.

Pero non per munchos díes: los que tardó la mentada Direutora Xeneral n’esparder, peles estremaes Xefatures de Serviciu, un dípticu nel que s’atropen les imaxinaries competencies y normes de furrulamientu d’una supuesta “Unidad de Traducción”; l’intre que-yos llevó a éstes el tirar el cartón a la papelera, con razón y xacíu porque son sabedores de que les normes espárdense pente medies de los Boletinos Oficiales y non en cartones como si se tratare d’una boda, bautizu o comunión; y lo que a nós mos costó’l recoyer, homildosamente, el llibelu. Al cabu, lo dicho, unos pocos díes pa pasar del plasmu a la evidencia d’otru trafullu chambón del gobiernu que carecemos, porque:

1u. Nun creó dengún muérganu de torna pal asturianu porque pa ello tenía de facer dos coses que nun fizo: fiensar les sos funciones y competencies (artículos 11 de la Llei 30/1992 y 13 de la Llei del Principáu 2/1995) y asoleyales nel BOPA (artículos 9.3 de la Constitución; 52.1 de la Llei 30/1992; y 1, 5 y 6 de la Llei del Principáu 1/1985).

La pretensión de suplir tales obligaciones llegales cola igua d’un llibelu de normes funcionales, competenciales y procedimentales, estampaes nun bayurosu cartón repartíu peles Xefatures de Serviciu, ye una xirigotada como pa mexase de risa si nun fore porque la mofla pagóse coles perres de tolos asturianos.

2u. Lo que sí fizo, foi enanchar la nómina de funcionarios (RPT) con un puestín más al que-y dio’l grandón nome de “Unidad de Traducción”, siendo asina que nello nun hai más verdá que no que cinca a la unidá porque, efeutivamente, ye un puestu y unidá deriva d’ún. Pero lo de traducción ye un bon bilordiu ya que pal accesu al mesmu nun se desixe más que tener la condición de funcionariu de grau mediu (Péritu de Mines, Arquiteutu Téunicu, Diplomáu n’Enfemería, Mayestru...) de l’Alministración del Principáu d’Asturies. Al nun requirir titulación académica o acreditación de conocencia de la llingua asturiana, nin de denguna otra que nun seya la castellana (por imperativu del artículu 3 de la Constitución) ¿qué traducción “áxil, eficaz y rigorosa” va surdir d’ehí?. Ye daqué asina como arriesgase a qu’a la Conseyera de Cultura la opere d’apendicitis un funcionariu al que nun se-y desixó la Llicenciatura en Medicina o qu’a la Direutora Xeneral la llibre d’afogase esti branu na piscina de Valencia de Don Juan, el socorrista titular d’un puestu de trabayu pal que nun se requirió saber nadar.

Pa mayor escarniu, en data 20 de mayu del añu qu’andamos, el Reutor de la Universidá d’Uviéu vien d’anunciar que va roblar “un conveniu col Gobiernu Rexonal pal emplegu de la Unidá de Traducción del Principáu d’Asturies”. ¡Otru que tal bailla!.

Pela Xunta Direutiva del Aconceyamientu de Xuristes pol Asturianu robla’l so Secretariu, n’Uviéu, a 27 de mayu de 2009.

Comunicáu-denuncia d'Unidá Nacionalista énte la presión mediática

2009-05-13T23:51:00.005+02:00

UNA denuncia les insinuaciones esperpéntiques y la caza de bruxes sobre la so candidatura europea

Miércoles, 13 de Mayu de 2009 19:37

Depués de qu'esta tarde la Fiscalía confirmare definitivamente que la candidatura d'UNA nun presenta nengún problema llegal, la Xunta Executiva Nacional d'UNA quier tresmitir la nota que vien darréu:

UNA ye una organización política asturiana, que tien un ámbitu d’actuación esclusivamente asturianu, polo que son insultantes y ridícules dafechu les informaciones que faen referencia a la posible vinculación de la so candidatura con intereses ayenos a los asturianos.

UNA débese a los sos militantes y dirixe la so actividá política a la sociedá asturiana, y nunca permitiría vese instrumentalizada por naide. Nesi sen, cualquier bilordiu na llinia de que la llista d’UNA ta siendo usada por cualquier sector pa presentase a las eleiciones europees, ye falso, una babayada, un absurdu de dimensiones descomanaes que nun tien nenguna base.

UNA alvierte que va denunciar por difamación a tol que faiga por esparder un bilordiu de semeyantes dimensiones que nun tien base nenguna.

UNA presentó 58 avales de cargos electos representativos de tola xeografía estatal y de tol espectru ideolóxicu, pa los que pidimos el máximu respetu ya que gracies a ellos pudimos tar presentes nestes eleiciones adaptándonos a la llexislación vixente. Estos avales namás representan el sofitu d’eses persones a que la UNA pueda exercer el derechu a presentase a las eleiciones, y en nengún casu suponen nengún tipu de vinculación, afinidá política o condicionamientu con respectu a les distintes y variaes organizaciones a les que pertenecen cada una de les 58 persones.

UNA pide el máximu respetu tamién pa los 55 asturianos y asturianes que conformen la so llista, ya que nun se pue poner en cuestión en nengún momentu la honorabilidá de les personas que la componen con insinuaciones tan graves como les que tán sufriendo y que van tener consecuencies irreparables pa delles.

Per otru llau, Unidá Nacionalista Asturiana (UNA) quier agradecer el apoyu que tarecibiendo nes últimes hores dende distintos sectores de la sociedá asturiana que, al igual que UNA, asisten con indignación e impotencia a esta caza de bruxes, a esti auténticu esperpentu que pon nel más absoluto de los ridículos a los que lu esparden.

Uviéu a 13 de mayu de 2009

Xunta Executiva Nacional d'UNA

L'activismu llingüísticu asturianu amuesa la so vitalidá

2009-05-12T13:35:00.004+02:00

Los conseyos de mocedá de les naciones históriques del Estáu roblen un manifiestu pol reconocimientu a la rialidá plurinacional y plurillingüística

2009-05-11T18:34:00.009+02:00

Tamién esixen la oficialización y normalización de les llingües non oficiales propies del territoriu español, lo mesmo nel Estáu como nes instituciones europees.

MANIFIESTU SOBRE'L RECONOCIMIENTU DEL PLURILLINGÜISMU DEL ESTÁU ESPAÑOL

Los conseyos de mocedá de les naciones históriques del Estáu español que tienen una realidá billingüe o plurillingüe nel so territoriu, paeznos necesario que se dea reconocimientu plenu de la realidá plurinacional, pluricultural y plurillingüística pol Estáu. Los conseyos qu'apoyamos esti manifiestu, abaxo firmantes, reivindicamos:

1. Reconocimientu de la realidá plurillingüística

L'Estáu español contién una realidá plurinacional, pluricultural y plurillingüística. Sicasí, ésti tovía tien qu'asumir, con toles consecuencies, la so diversidá nacional nos ámbitos políticu, socioeconómicu, cultural y llingüísticu. El reconocimientu d'esta realidá tenía que suponer la protección efectiva de toles llingües presentes nel so territoriu.

La Constitución española d'avientu de 1978, xunto a los estatutos d'autonomía, reconoció otros idiomes amás del castellanu. Asina'l catalán ye oficial en Catalunya, Illes Balears y el País Valenciá (col nome de valencianu), l'euskera ye oficial nel País Vascu y Navarra y el gallegu en Galicia. Asina mesmo l'occitanu ye llingua oficial del Valle d'Aran xuntamente col catalán y el castellanu, dende 1990 y en toa Cataluña dende 2006. Tamién hai otres llingües que nun son oficiales nel Estáu español como l'asturianu, la fabla aragonesa, el catalán n'Aragón, l'amazigh de Melilla, l'árabe de Ceuta y el caló que fala la comunidá xitana.

El Gobiernu español soscribió la Carta europea de les llingües rexonales o minoritaries el 5 de payares de 1992, y ratificóla'l 9 d'abril del 2001. L'informe sobre l'aplicación de la Carta nel Estáu español del 11 d'avientu del 2008, constatando que dende'l gobiernu español nun se fixere esfuerzu abondu pola protección y promoción d'estes llingües, afala a les autoridaes españoles pa que tomen midíes p'aumentar la sensibilización y la comprensión de les llingües minorizaes del Estáu español, sobre manera al respective de les llingües que tovía nun-yos reconocieren la oficialidá. Esti informe tamién insta a les autoridaes españoles a tomar midíes relatives a los medios de comunicación d'ámbitu estatal impresos o emitíos per radio y televisión, col oxetivu d'espeyar la naturaleza plurillingüe del Estáu y fomentar el respetu, la comprensión y la tolerancia d'estes llingües falaes nel Estáu español.

2. La riqueza del billingüismu y el multillingüismu

Polo tanto, cuasi la metá de la población española (46%) vive en territorios billingües o plurillingües (3 de cada 10 españoles viven en comunidaes autónomes onde'l catalán, con esti nome o col nome de valencianu, ye llingua oficial). Asina entós, el billingüismu, en diferentes situaciones comunicatives y diferentes graos ente'l castellanu y otra llingua, ye una realidá pa bona parte de la población español. Sicasí, munches veces la población que vive en comunidaes autónomes col castellanu como única llingua nun ye abondo consciente del carácter plurillingüe de la sociedá española.

Depués de Bélxica y Luxemburgo ye l'estáu de la Unión Europea onde'l fenómenu del plurillingüismu ye más importante, de manera que, en cuenta de tratase d'un fechu anecdóticu, llega a constituir una característica distintiva. La mesma Constitución Española, nel artículu 3, fai referencia a la diversidá llingüística del Estáu: La riqueza de les diferentes modalidaes llingüístiques d'España ye un patrimoniu cultural qu'ha ser oxetu d'especial respetu y protección.

3. La normalización llingüística

Tien que se destacar la importancia de la normalización llingüística, que tien como oxetivu principal algamar la normalidá pa les llingües minorizaes nos sos territorios propios, que seyan llingües operatives a tolos efectos y estender el so usu a tolos ámbitos de la sociedá. Los falantes d'estes llingües tienen derechu a vivir plenamente na so llingua propia ensin falta d'echar mano d'otres llingües.

Les llingües minorizaes tienen que ser d'usu normal y preferente nos sos propios territorios, ensin qu'eso quite pa que conozan amás otres llingües, porque'l conocimientu de más d'una llingua volvióse necesario nuna sociedá cada vuelta más globalizada.

L'oxetivu de la normalización nun ye arrequexar otres llingües, nin quitar de que s'apriendan otros idiomes, sinón que tien que valir pa que cualquier persona pueda vivir plenamente na so llingua propia, tal y como lo reconoz la llexislación internacional y tien que reconocer la llexislación de cada territoriu.

4. Oportunidaes pa promover y protexer les llingües

Actualmente, y como consecuencia del procesu de globalización, munches llingües enfréntense a unos problemes de sobrevivencia que yá nun son los mesmos d'antaño. Ello ye que se trata de problemes nuevos que se xuntaron a los que yá teníen estes llingües, minorizaes o non dominantes, que lluchen pola so normalización o, inclusive en dalgunos casos, pola so sobrevivencia tres de sieglos de minorización por parte d'un Estáu que ye gafu pa elles.

Asina y too, nel procesu de globalización tamién podemos ver oportunidaes de visibilización y normalización de les llingües que coesisten nel Estáu español. Nesti sentíu, ye importante que la sociedá en xeneral, pero sobre manera los/es neños/es y la mocedá, tomen conciencia de les posibilidaes que les TIC y el contestu de la globalización ofrecen a les llingües minorizaes.

El territoriu español a lo llargo de los sieglos foi un puntu d'alcuentru de poblaciones de cultures y llingües variaes. A pesar d'esto, desde últimos del sieglu XX los fluxos migratorios hacia'l territoriu español aumentaron de manera importante. Delles comunidaes tuvieron qu'arrecostinar con una llegada constante y numberosa de población migrao, poniendo a prueba'l retu de la integración de los recién llegaos.

En xeneral, nel Estáu español percíbese que ye más útil pa la población migrao qu'aprienda primero la llingua castellana, porque paez que, al ser una llingua mayoritaria, tanto nel Estáu español como nel mundu, l'usu que pueda facer nun futuro va ser mayor. Sicasí, esta visión pon tovía más estrobos a la visibilización y pervivencia de les llingües minorizaes. Polo tanto, ha que percibir la inmigración como una oportunidá pa facer visibles y pa promocionar les llingües minorizaes y, sobre manera, con respecto a la educación y integración de les xeneraciones más moces.

5. Propuestes d'acción

Por too esto, los conseyos de mocedá del territoriu español qu'apoyamos esti manifiestu esiximos:

El reconocimientu políticu y normativu esplícitu, fuerte y satisfactoriu del pluralismu nacional, cultural y llingüísticu del Estáu.
Que l'Estáu español adapte la so rellación cola ciudadanía pa dirixise a ella na llingua propia de cada territoriu.
La oficialización de les llingües non oficiales propies del territoriu español.
Que'l gobiernu español investigue y informe de manera periódica sobre la situación de cada llingua, oficial y non oficial, del Estáu.
Que, nel marcu del siguimientu de la Carta europea de les llingües rexonales o minoritaries, el gobiernu español informe amañosamente al Conseyu d'Europa de la presencia y estensión de cada llingua y comunidá llingüística presente nel territoriu español.
Que l'Estáu español reclame la oficialidá de les sos llingües propies nes instituciones europees.
Que los medios de comunicación promuevan la visibilización de la realidá plurillingüística del Estáu, y que fomenten el respetu y la comprensión de les diferentes llingües presentes nel territoriu.
Que los programes y currículos educativos incluyan la enseñanza de la realidá plurinacional, pluricultural y plurillingüe.
Que les llingües minorizaes tengan más espacios nos programes y currículos educativos de les comunidaes autónomes respectives, amás de facilitar, a nivel optativu, l'aprendimientu de llingües propies d'otres comunidaes autónomes.
Que l'Estáu español reconoza'l caló y les llingües de signos como llingües propies del territoriu español.
Promocionar y facer visibles les diferentes espresiones artístiques feches nuna llingua minorizada pero propia del Estáu español.
Ofrecer recursos y medios pa que l'usu de les tecnoloxíes nueves y los medios de comunicación signifiquen una oportunidá pa les llingües minorizaes, y non una amenaza.
Que nos procesos d'acoyida de les persones migraes la llingua propia del territoriu tenga un papel esencial.

Euskadiko Gazteriaren Kontseilua (EGK)

Conseyu de la Mocedá del Principáu d'Asturies (CMPA)

Consell de Joventut de les Illes Balears (CJIB)

Consell Nacional de la Joventut de Catalunya (CNJC)

Fonte| Conseyu Nacional de la Mocedá d'Asturies

"La Razón" mete mieu

2009-05-09T21:50:00.008+02:00

larazon.es

Ana Cano anuncia la creación del Centru de Terminoloxía TERMAST xunta Softastur y'l Colexu d'Inxenieros Informáticos (Vidios 3 y 4)

2009-05-09T03:02:00.003+02:00

Hevia sorprendi a l'Academia y emociona al públicu con un discursu francu, n'acoyida como Miembru d'Honor (Vidios 1 y 2)

2009-05-09T03:00:00.009+02:00

Uviéu va vivir otra xornada de reivindicación llingüística frenti al despegu institucional

2009-05-08T09:44:00.009+02:00

Ver la escena que vien de siguío...

L'Academia festeya güei el XXX Día de les Lletres Asturianes

2009-05-08T09:27:00.003+02:00

Dos candidatures y un mesmu espaciu políticu: Andecha y Unidá dividen el votu nacionalista

2009-05-06T12:59:00.004+02:00

Fonte |BOE

Andecha Astur tamién presenta candidatura a les europees de xunu

2009-05-06T12:44:00.005+02:00

Andecha llogró presentar candidatura a les eleiciones europees del 7 de xunu en contra de lo que se venía diciendo nos medios asturianos so un posible inconveniente llegal.
La candidatura ta encabezada por Mario Arbesú y cuntia tamién con Xosé Bermeyu nel númberu dos de la llista.
Esta formación ya se presentare a les europees del 2005 na coalición Europa de los Pueblos y yera, de fechu, miembru fundaor y con drechos plenos. El desembarcu del nacionalismu gallegu na Europa de los Pueblos paez que supunxo un inconveniente pa repetir l'alcuerdu.

Unidá presenta a Fernando Ornosa (CAO), nuna candidatura nacional d'Asturies a les europees

2009-05-05T18:52:00.009+02:00

Nel día d’ayer Unidá Nacionalista Asturiana (UNA), rexistró na Xunta Electoral Central la so candidatura a les elecciones europees del próximu 7 de Xunu. UNA va dir a estes elecciones en solitario y a lo llargo de la campaña y la precampaña buscará l’apoyu de persones y colectivos que faigan un apueste porque nestes elecciones se sienta una voz asturiana que, dende una perpectiva d’esquierda, presente unes propuestes electorales non sucursalistes y centraes na defensa de los intereses d’Asturies.

El llicenciáu en Ciencies Polítiques Daniel Fernández Blanco ye’l cabezaleru d’una llista siguida nos puestos 2 y 3 por Yolanda González Huergo y Fernando Ornosa.

UNA quier ser la voz netamente asturiana nes elecciones integrando una amplia representación del mundu sindical, cultural, ecoloxista y asociativu.

La llista electoral, que conseñó la selmana pasada’l Conceyu Abiertu de la organización, ta encabezada por Daniel Fernández Blanco. Fernández Blanco nació en Xixón en 1978, y vive anguaño nesta mesma ciudá. Ye llicenciáu en CC. Polítiques y de la Alministración y fue becariu d’investigación na Universidá de Santiago de Compostela algamando’l diploma d’Estudios Avanzaos en Procesos Políticos Contemporáneos. Per otru llau cuenta con un máster n’Auditoría financiera y ye especialista en Derechu Tributariu y Llaboral pola universidá compostelana. Anguaño trabaya nun despachu profesional en temes d’asesoramientu. Responsable d’Attac en Santiago de Compostela, militó en dellos colectivos d’esquierda y a la vuelta a Asturies integróse n’UNA, formando parte anguaño de la Executiva Nacional, cuntando coles responsabilidaes d’Ayalguería de la organización y siendo amás voceru de la estaya de Vivienda. La númberu 2 de la llista ye la tamién miembro de la Xunta Executiva Nacional d’UNA la xixonesa Yolanda González Huergo. Huergo, técnica d’urbanismu y nacida en Xixón en 1971, ye llicenciada en Derechu pola Universidá d’Uviéu y funcionaria de l’alministración local. Huergo milita activamente dende los años 90 nel movimientu de vindicación llingüística y participa nos movimientos en defensa de los derechos humanos. El puestu númberu 3 ocúpalu Fernando Ornosa. Ornosa ye carbayón de nacimientu y vive n’Uviéu dende hai 50 años. Llicencióse en Xeografía pola Universidá d’Uviéu nel añu 1982, participando en distintos trabayos como xeógrafu y trabayando darréu d’ello 19 años na Facultá de Xeoloxía de la Universidá d’Uviéu. Dende l’añu 1978 podemos venceyalu a delles asociaciones de folclor y etnografía onde ocupó cargos de dirección y dirixó trabayos de campu de música tradicional asturiana. Dende 2001 ye’l responsable del Archivu de Música Tradicional del Muséu del Pueblu d’Asturies. Tien participao amás en bien d’organizaciones sociales y culturales y, dende 2004 a 2008, exerció como voceru del Conceyu Abiertu pola Oficialidá (CAO). En marzu de 2009 afíliase a UNA. Amás, ente los 50 candidatos y candidates, la llista electoral d’UNA ta compuesta por una amplia representación del mundu sindical, ecoloxista, cultural y asociativu asturianu. Bien llueu UNA va presentar en rueda de prensa la so candidatura y les llinies básiques del programa que la formación va proponer nestos comicios al Parlamentu européu, unes elecciones que pese a los pilancos que presenten pa una fuerza como UNA, tienen la ventaya de que los asturianos y asturianes puedan votar a un partíu asturianu anque nun exerzan n’Asturies el so derechu al votu.

Fonte| Unidá Nacionalista Asturiana

Xuristes pol Asturianu encamiénta-y a Izquierda Xunida coherencia y respetu pa cola llingua asturiana

2009-05-05T00:43:00.007+02:00

Énte’l desdexamientu que los conseyeros d’IU nel gobiernu Areces vienen amosando no que cinca a la defensa del drechu humanu al emplegu de la llingua propia, la Xunta Direutiva del Aconceyamientu de Xuristes pol Asturianu, pente medies del so Presidente, vien de presentar a la Conseyera de Bientar Social y Vivienda y al Conseyeru de Mediu Rural y Pesca, un escritu, cola formalidá del casu, nel que se faen los razonamientos darréu:

“1^u. Una de les mayores vergüences pa una bona parte de la xente que fai política n’Asturies debiera ser (y col tiempu sedrá) la so mísere –por interesada-, foín –por tapecida- y provinciana –polo curtia mires- resistencia escontra l’exerciciu pel conxuntu de la ciudadanía del derechu al emplegu de la llingua propia -tanto en público como en privao, de pallabra o per escritu-, derechu humanu espresamente recoyíu per normes tan meritories de respetu como –pente otres- el Pautu Internacional de los Drechos Civiles y Políticos (art. 27), la Declaración de la Organización de les Ñaciones Xuníes sobro los Drechos de les Persones Pertenecientes a Minoríes Étniques, Relixoses o Llingüístiques (art. 2.1), el Conveniu-marcu pa la Proteición de les Minoríes Ñacionales, númberu 157 del Conseyu d’Europa (art. 10), la Carta Europea de les Llingües Rexonales o Minoritaries (arts. 7.1.d y 10) o la mesma Constitución Española (que nel so artículu 3 incorpora la voluntá de protexer a tolos españoles y pueblos d’España nel usu de les sos llingües, proclamada pola ñación española nel so estragal).

Drechu al emplegu de la llingua propia que, al cabu, tien l’orixe nel artículu 1 de la Declaración Universal de los Drechos Humanos porque, como bien razona la Organización pa la Seguridá y Cooperación d’Europa na so Recomendación d’Oslo, “el respetu de la dignidá d’una persona ta dafechamente rellacionáu col respetu a la so identidá y, per ello, al so idioma”.

2^u. Col poco enfotu de los neños de meses, los conseyeros d’IU, Laura González y Francisco Valledor, apuntaben con romper a dar los primeros pasos nel llargu camín d’avezar a l’Alministración del Principáu d’Asturies a la presencia nella del derechu humanu al emplegu de la llingua llariega.

Nesi sen foron de los primeros n’aceutar, ensin rocees, les recomendaciones del Serviciu Xurídicu rellatives a que nos procedimientos de contratación s’ufierten los formularios d’usu obligáu nes dos llingües porque mal conxuga’l derechu al emplegu de la llingua propia cola imposición d’impresos redautaos n’otra. Arriendes d’ello, prometieron al Aconceyamientu de Xuristes pol Asturianu estender el compromisu a toles convocatories públiques (sovenciones, concursos, etc.) nes que s’esixere l’emplegu d’un modelu a la ciudadanía. Imprentaron en redaición asturiana y castellana dellos de los formularios obligaos pa los trabayadores públicos y rotularon en billingüe dalgunos espacios alministrativos.

3^u. Pelos conteníos del programa eleutoral d’IU; del pautu FSA-PSOE ya IU-BA-Verdes, de 3 d’ochobre de 2008; y del Plan pa la normalización social del asturianu, robláu per IU, camientábemos que na so nueva participación nel Gobiernu del Principáu d’Asturies, los conseyeros d’IU, diben caltener y quiciás afitar, aquéllos primeros pasos.

Pero non. Nel tiempu que vustedes lleven de conseyeros desaniciaron lo poco andao pelos sos predecesores: nun aparecen impresos n’asturianu nin la conseyería de Mediu Rural y Pesca, nin la de Bientar Social y Vivienda, nin pa la contratación alministrativa, nin nos formularios pa los trabayadores, y menos entá nos concursos o sovenciones. Les rotulaciones qu’había van esmuciendo, pasu ente pasu o de calón, de los llugares nos que se punxeron y nes sos conseyeríes nun apaecen indicaciones nueves na llingüa del país.

Y entá hai daqué peor. Abulta que los sos colegues de gobiernu pasáron-yos el despreciu y rensía qu’escontra la toponimia tradicional y reglamentada amuesen, día tres día, peles páxines del BOPA y, asina, el señor Conseyeru de MediouRural y Pesca aprueba normes pal furrulamientu del Conseyu Regulador d’un quesu, aneciando nel emplegu del topónimu Gamonedo que yá nun esiste. De la parte de so, nada menos qu’en dos Decretos (númberos 27 y 28 de 2009, BOPA del pasáu 28 d’abril), la señora Conseyera de Bientar Social y Vivienda castellaniza la toponimia tradicional y llegal de Casu y Cabranes, nes llocalidaes d’Orllé, El Llanu, Madiéu, Santolaya y Torazu. (¡Santolaya, capital de conceyu, y Torazu, topónimu que nel so nome tradicional y llegal repitió un paxáu de veces, nun va pa muncho, l’herederu de la corona española, poco sospechosu, albidramos, de radicalismu asturianista!).

Per too ello, señores conseyeros d’IU, dende l’Aconceyamientu de Xuristes pol Asturianu nun mos queda sinón que

ENCAMIENTA-YOS: Bonal respetu pa col drechu humanu al emplegu de la llingua propia; pa cola toponimia tradicional y llegal d’Asturies; y pa coles promeses eleutorales y los pautos roblaos.

N’Uviéu, a cuatro díes andaos del mes de mayu de dos mil nueve”.

Robla: Xosé María Estrada Janáriz.

Ver tamién otros enllaces:

Una de cal y otra d'arena

Los nacionalistes españoles veten la presencia d'Unidá Nacionalista que va enfotase n'axuntar al nacionalismu asturianu

2009-04-23T21:36:00.008+02:00

Comunicáu d'Unidá Nacionalista Asturiana

UNA entama agora los trámites pa presentar una candidatura a las elecciones europees que dexe a los asturianos y asturianes residentes nel estáu votar por una candidatura asturiana. Los órganos competentes de la organización darán nos próximos díes los pasos afayadixos nesti sen valorando tolos condicionantes en xuegu.

UNA amuesa l'enfotu de que nel futuru les fuercies de la izquierda nacional que compartimos plantegamientos - anque seyamos heteroxenees y con distintu grau de representatividá- hemos buscar marcos comunes nel que seya posible’l diálogu nun escluyente y respetuosu, nel que se puedan axuntar esfuercios, compartir esperiencies, y esponer tamién les posibles diferencies de criteriu.

Fonte | Unidá Nacionalista Asturiana

Agora tenemos la pallabra. 30u Día de les Lletres

2009-04-23T10:08:00.005+02:00

Jesús Iglesias, coordinador d'Izquierda Xunida, convida a Valledor a que dexe la coalición

2009-04-22T21:29:00.006+02:00

Jesús Iglesias fizo dende L'Entregu unes declaraciones en cuenta de la postura de Francisco Javier García Valledor de "intentar trabayar en coherencia cola base social y los votantes d'Izquierda Xunida".

Nestes declaraciones espublizaes na páxina web de la coalición ponse de manifiestu que a escases hores de lo que quixeron facer pasar por un "alcuerdu", la direición d'Izquierda Xunida apuesta nidiamente pola salida de Valledor de la organización.

Jesús Iglesias:

Nosotros vamos a trabajar y, además hemos establecido los mecanismos ayer, y hoy también en la reunión del grupo parlamentario de esta mañana, hemos profundizado en ello, en la creación de una dinámica que impida que esa situación se de y, efectivamente, la coherencia no debe estar en la organización, que la tiene ya; la coherencia deberá de darse en quien entienda que sus planteamientos no encajan con la inmensa mayoría de esta organización.

Fonte | Izquierda Xunida d'Asturies

La crisis ente Valledor ya Izquierda Xunida zárrase'n falso

2009-04-22T13:30:00.002+02:00

En rueda de prensa cellebrada esta mañana na se de la Xunta Xeneral del Principáu, Valledor decidió siguir n'Izquierda Xunida d'Asturies y continuar col so trabayu de diputáu dientro de la Estaya Parllamentaria de la coalición IX-Bloque-Los Verdes.

Sicasí, declaró qu'esta situación de tratar d'asumir les directrices de la Comisión Executiva y del grupu parllamentariu "siendo coherente cola masa social y los votantes d'Izquieda Xunida" , "non implica que llegao el momentu nun pueda siguir col desendolcu del mio trabayu".

Asina, Valledor yá fexo entrega a la organización d'un documentu robláu cola so renuncia a l'acta de diputáu "pa que Izquierda Xunida puea facelu efeutivu cuando-y pete".

Zárrase asina'n falso y con "finiquitu" de por medio, una crisis que nin al diputáu nin a la coalición-yos interesa perpetuar no que queda de llexislatura.

Nesti sen, el futuru políticu de Valledor n'Izquierda Xunida va vese dende agora nidiamente "tocáu". A dos años pa les Autonómiques de mayu del 2011, albídrense movimientos tanto dientro como fuera de la coalición que bien podríen decidir un futuru distintu pa la izquierda y'l nacionalismu n'Asturies.

Izquierda Xunida nun mueve ficha y Valledor convoca a los medios.

2009-04-21T20:08:00.002+02:00

Güei nuna reunión ente la Comisión Executiva d'Izquierda Xunida y los miembros de la Estaya Parllamentaria na Xunta Xeneral del Principáu, apautose ratificar el comunicáu aprebáu nel pasáu día 15 pola Comisión Executiva de la coalición nos terminos que vienen darréu:

IU es una organización democrática, plenamente respetuosa con la pluralidad política, en la que las decisiones se toman de manera colectiva a través de unos órganos de decisión colegiados. Como consecuencia, las decisiones que toman los órganos de decisión de IU son vinculantes para todos y fijan la posición y la estratégia política que deben defender todos los representantes institucionales de esta organización.

El diputáu Francisco Javier García Valledor tien convocao pa mañana una rueda de prensa na que dexará afitao la so postura no tocante a esti alcuerdu ente'l grupu d'Izquierda Xunida-Bloque por Asturies-Los Verdes y la Comisión Executiva.

Sibilinos cancios de serena pa influyir na decisión de Valledor.

2009-04-19T13:50:00.007+02:00

Esta selmana ta convocada una xunta de la Estaya Parllamentaria d'Izquierda Xunida-Bloque-Los Verdes de la Xunta Xeneral pa intentar recomponer el consensu rotu dientro del grupu, sobre tou dempués de la división que supunxo la rotura de la disciplina de votu per parte de Francisco Javier García Valledor na Moción refería al conflictu de la ensiñanza. Bien veremos si d'esta reunión sal garantizao "la unidá de tolos miembros d'IX nel parllamentu" como quier la Comisión Executiva, o pola contra, García Valledor dexa el grupu parllamentariu.

La preocupación espéyase sobremanera nos medios de comunicación. Güei José Manuel Piñeiro nel periódicu "La Nueva España", fai un analís enllenu d'intencionalidá política nel sentíu de que Valledor asuma "que'l respetu a la mayoría interna ye obligao" y que "nun hai otra".

Si lo que-y preocupa al murniu panorama políticu-mediáticu ye que Valledor puea dexar la Xunta Xeneral, pero non la política. Si lo que-yos esmolez ye un posible movimientu nacionalista/asturianista cola so participación, vamos velo al tiempu. De dase esti supuestu, ye seguro que de los cancios de serena van pasar al frentismu, al radicalismu y al intentu desprestixu a que mos tienen avezaos dende cuantayá.

Valledor seguro que yá sopesó como pue ser esi futuru; si facer POLITICA lu tienta o non, si'l retu lu afala, ta nes sos manes y ye'l so drechu lluchar por facelo posible. Sofitos, camiéntome, tampoco nun-y diben faltar.

Vía | Lne

Ruiz de la Peña esenmazcara el "fervor ecoloxista" de la superconseyera Migoya

2009-04-18T14:07:00.002+02:00

Una de cal y otra d'arena

2009-04-13T20:40:00.007+02:00

El Boletín Oficial del Principáu espubliza los decretos de correición toponímica pa que'l Gobiernu, les Conseyeríes y elli mesmu puedan incumplilos.

L'exemplu tenémoslu nel BOPA de güei. Nesti Boletín, númberu 84 de 13 d'abril de 2009, dase anuncia a dos disposiciones xenerales del Principáu d'Asturies. La primera ye'l Decretu 21/2009 de 25 de marzu de la Conseyería Cultura y Turismu pol que se determinen los topónimos oficiales del Conceyu Yernes y Tameza. La disposición que va de siguío ye'l Decretu 22/2009 pol cual el Principáu acepta una parcela que-y regala l'Ayuntamientu na llocalidá de "Campo de Caso", (topónimu que nun ye oficial dende l'añu 2007, BOPA númberu 129 de 4 de xunu). Sigún el Decretu 52/2007 espublizáu nel citáu boletín, el nome de "Campo de Caso" ye sustituyíu tanto pa la parroquia como pa la llocalidá, pol nome tradicional de "El Campu", circunstancia que paecen esconocer tanto nel Boletín Oficial del Principáu como na Conseyería de Bientar Social y Vivienda cuya titular ye Noemí Martín d'Izquierda Xunida.

Bien ye verdá qu'ésti nun ye un casu aisláu, xeneralmente nin el Gobiernu d'Asturies, nin les sos Conseyeríes, nin dengún departamentu de l'Alministración autonómica (casu del BOPA), empleguen la toponimia tradicional d'Asturies anque seya la oficial. Si esta dexadez política pue ser fonte de conflictos llegales, los servicios xurídicos van tener xera abondo.

Dellos enllaces rellacionaos:

El lleonés llucha pola sobrevivencia

2009-04-11T17:13:00.004+02:00

La llingua lleonesa cuenta malpenes con un ruin reconocimientu oficial que nun-y garantiza la pervivencia. Ye la sociedá civil la que tuvo que organizase pa promocionala y protexela col sofitu de delles organizaciones públiques.

El lleonés o llingua lleonesa ye la más esconocida de toes les variantes del tueru asturlleonés, polo menos no tocante a les sos hermanes, el mirandés, qu'esfuta d'un estatus oficial na fastera de Portugal onde se fala y l'asturianu enxertáu fuentemente na sociedá y metíu anguaño nuna llucha abierta pola cooficialidá. Sicasí, el lleonés esiste y llucha pola so sobrevivencia. Heriede directa de la llingua falada nel antiguu Reinu de Lleón durante la Edá Media, la situación del lleonés n'actualidá ye d'aprovecimientu total. D'esti xeitu, nun había reconocimientu dengún hasta la reforma del Estatutu d'Autonomía del añu 2007, que-y reconoz la esistencia y la necesidá de proteición, anque la voluntá normalizadora del Gobiernu autonómicu, con sé'n Valladolid, nun foi más que una declaración d'intenciones. Nun habiendo estudios fiables, pue dicise que falen actualmente el lleonés unes 50.000 persones aprosimao, una cifra que vien a ser malpenes el 10 per cientu de los falantes totales d'asturlleonés y que rellacionao cola población total de la Comunidá castellana y lleonesa, representa un dos por cientu xustu. Otres 100.000 persones tendríen capacidá pa entender la llingua. El lleonés fálase na provincia de Lleón y nes zones occidentales de Zamora i noroccidentales de Salamanca.

Escosa cásique de tola cadarma básica pa asegurar el futuru d'una llingua, como una tradición lliteraria importante o'l sostén d'una población de pesu, el lleonés pervive gracies al sofitu d'instituciones culturales de defensa de la llingua. Les señeres son El Fueyu en Lleón, Furmientu en Zamora, La Barda en Salamanca y El Toralín n'El Bierzu, comarca na que aparte de lleonés y castellán tamién se fala'l gallegu. Tamién delles instituciones presten sofitu, sobre tou na provincia de Lleón, onde la Diputación y l'Ayuntamientu capitalín ufren programes d'ayuda, especialmente no tocante a la organización de cursos d'apendizax d'adultos.

Del ceru al infinitu

Pese al ruin reconocimentu del lleonés na reforma estatutaria, esti fechu ye considerau como un reblagu "del ceru al infinitu" por Abel Pardo, secretariu xeneral del Conceyu Xoven (xuventúes de la Unión del Pueblu Lleonés) y conceyal d'Educación, Nueves Teunoloxíes y Cultura Lleonesa del Ayuntamientu de Lleón, una de les instutuciones más actives no que se refier al reconocimientu d'esta llingua. L'Ayuntamientu de Lleón ye "la punta de llanza" del reconocimientu de la llingua, afita'l conceyal, qu'aseñala tamién qu'el Conceyu organiza cursos de llengua p'adultos a los que asisten un centenar d'alumnos. Tamién ye n'esta ciudá onde hai más posibilidaes d'adeprender el lleonés nes escueles, ya que son siete los colexos que lu enseñen "anque fora del horariu escolar". Deprender l'idioma autóctonu ye tamién posible n'otres llocalidaes lleoneses, gracies al sofitu de la Diputación de Lleón, que tien reconocío a l'asociación El Fueyu como "interlocutor válidu pa la ensiñanza del lleonés". Héctor Villazala ye'l presidente d'esta asociación que ñaz nel añu 2000 "ensin finalidaes polítiques y col oxetivu de trabayar pola recuperación de la llingua". N'esta asociación trabáyase anguañu en tres finxos principales: la docencia y l'enseñu d'adultos , la investigacion y documentación y la reivindicación de la llingua énte instancies públiques y privaes. Villazala ye de la opinión que l'actual estáu de la llingua ye consecuencia de que "naide capitalizare el fechu de defender la propia llingua" y recuerda que anque ya nel añu 1906 Ramón Menéndez Pidal faló d'esta variante na so obra El dialecto leonés, namás la UNESCO reconocía la so esistencia y asina y too p'asitiala como llingua en pelligru d'esapaecer.

¿Llingua o variante?

Otru aspeutu q'hai que tener en cuenta ye la consideración del lleonés como llingua diferenciada del asturianu. Si bien l'académicu Xosé Antón González-Riaño considera que "too ye la mesma llingua, anque con diferentes denomaciones", pal lleonés y doctor en filoloxía Raúl Sánchez Prieto "trátase de llingües diferentes, anque del mesmu tueru llingüísticu". Sánchez Prieto que defende un estándar específicu pal lleonés ye del paecer que la normativa asturiana, avalada pola Academia de la Llingua Asturiana, "nun val pal lleonés". En tou casu, Raúl Sánchez Prieto considera que pasín a pasu "principia a construíse un estándar dende'l momentu que la xente qu'emplega el lleonés lo faiga escribiendo d'una manera determinada y qu'esta xera ye necesario pa "evitar que'l lleonés muerra" ya que ayudaría a facer "consciencia llingüística".

Una doble llucha

La defensa de la llingua lleonesa va lligada a la defensa de la identidá, qu'anguañu pasa pola reivindicación d'una Comunidá Autónoma propia pa les tres provincies que constituyen el llamáu País Lleonés, ye dicir, Lleón, Zamora y Salamanca. Actualmente, les Cortes de Castiella y Lleón cuenten con mayoría absoluta del PP, con 48 escaños, mientres que'l PSOE tien 33 escaños y la Unión del Pueblu Lleonés 2, que per otru lláu tan expedientaos. Esti partíu, defensor d'una autonomía separada, ya plantegó, ensin éxitu, la posible cooficialidá del lleonés nes tres provincies. Magar de la situación política contraria a la partición de la actual autonomía y gafa col futuru del lleonés, Abel Pardo considera que l'oxetivu pasa cenciellamente pol fechu de que se cumpla la Declaración Universal de los Drechos Llingüísticos. Polo de so, Villazala créi que la situación granible diba ser la de "cooficialidá, anque n'esti momentu ye dificil de cumplir.
Polo Menos el presidente d'El Fueyu felicítase porque "al entamu de los años noventa a esta llingua nun-y daben más de cinco años de vida y agora tenemos nenos y adultos que l'adeprenden con un xorrecimientu exponencial". El futuru del lleonés nun ye tea asegurao, pero tampoco ta encanllao.

Enllaces:

Informe sobre l'estándar de la llingua lleonesa

Fonte: Avui.cat

L'asturianu da la cara | L'asturià dóna la cara

2009-04-10T19:16:00.009+02:00

Semeya orixinal: Día de les Lletres Asturianes, mayu 2007
Fueya en blanco

La sociedá civil asturiana movilízase pola cooficialidá de la llingua nuna futura reforma l'Estatutu d'Autonomía col oxetivu d'apurrí-y a esti idioma'l mesmu reconocimientu que tien el castellán.

Dientro del mapa llingüísticu de la península Ibérica, l'espaciu acupáu pol tueru llingüísticu asturlleonés ye'l más esconocíu de toos. esta llingua, descendiente directa del llatín y falada na Edá Media nel antiguu Reinu de Lleón, pervive nos distintos territorios con diferentes graos de reconocimientu y tamién con nomes dixebraos. En xeneral, la llingua caltiense viva nes tres provincies lleoneses de la Comunidá Autónoma de Castiella y Lleón, ye dicir, en Lleón, Zamora y Salamanca, onde se conoz como lleonés o llingua llionesa, na zona de Miranda do Douru en Portugal, onde ye oficial col nome de mirandés, en delles fasteres d'Estremaúra (estremeñu), en Cantabria (cántabru o montañés) y en Asturies onde se conoz col nome d'asturianu o bable.

Ye n'esti caberu territoriu onde la llingua vive anguañu un importante procesu de defensa de la identidá y onde los movimientos en favor de la cooficialidá son más activos. Ye asina porque equí ye onde meyor se conserva l'idioma, dende'l puntu de vista cuantitativu -estímase qu'ente'l 75 y el 90 per cientu de los falantes de les llingües del tueru asturlleonés son asturianos- lo mesmo que cualitativu -ye la única variante con producción lliteraria y medios de comunicación.

Falao per unes 200.000 persones aprosimao y entendío per más de 500.000 del total d'un millón de población, l'asturianu esfruta d'un ciertu reconocimientu de les instituciones, recoyío nuna llei d'usu y espardimientu de la llingua del añu 1998 y cuenta con una entidá de calter normativu, l'Academia de la Llingua Asturiana, creada nel añu 1981. Unos 20.000 escolinos deprenden esta llingua como materia optativa, o lo que ye lo mesmo, voluntaria pero inxería nel horariu escolar. L'asturianu ye falao en tol territoriu del Principáu, menos na llende más occidental onde se fala el gallegu-asturianu que ta considerao como una fala de transición ente les dos llingües. Como otres llingües minorizaes, l'asturianu caltiense vivu nes zones rurales y con un bayurosu númberu de población autóctono y recula selemente nes zones urbanes. Polo que se refier a los medios de comunicación, esiste un menguáu númberu d'emisores con programación n'asturianu, la televisión pública d'Asturies emite n'asturianu alreor del 5 por cientu de la so programación demientes que la prensa dixital vive un xorrecimientu bultable, con cabeceres como Les Noticies y Asturies.com. La Uiquipedia tien 12.000 entraes. Asina mesmo, un 60% de la población ta pola oficialidá sigún el II Estudiu Sociollingüísticu d'Asturies.

Llingua fuerte, llingua feble

Esti puxu espéyase na sociedá civil, que xenera una rede d'asociaciones que tienen na defensa de la llingua y na esixencia de coooficialidá el so principal enfotu. Xulio Casado ye'l voceru de la Xunta pola Defensa de la Llingua Asturiana, una asociación "social, independiente y ensin obediencia política dala, que reivindica la oficialidá y denuncia "les torgues del PSOE y PP al desendolcu de los drechos llingüísticos". Pa Xulio Casado, la situación llingüística n'Asturies resúmese nun fechu, "hai una llingua fuerte, el castellán, y una llingua feble, l'asturianu", ya que una ye oficial y la otra non; pa detrás, a ésto hai qu'amestá-y "l'incumplimientu de tol articuláu" de la Llei d'Usu y Promoción".

Otra de les entidaes señeres ye'l Conceyu Abiertu pola Oficialidá, entamaora de la campaña Yo doi la cara pola oficialidá, na que ciudadanos anónimos y tamién nombraos -Hevia, Vitor Manuel, Quini,...- decantáronse nidiamente pola oficialidá del asturianu. Carlos Pulgar, voceru del Conceyu, rellata que la campaña surdió cuando se trataba la reforma estatutaria col oxetivu "de sofitar una reforma l'estatutu que recoyera la oficialidá". La campaña va anguañu polos cásique 10.000 encontos y entá sigui alendando n'espera que se retomen les negociaciones de reforma l'Estatutu. La iniciativa ye, sigún Pulgar, "un movimientu de resistencia pa un idioma que bien podría pelligrar nun futuru".

¿Asturianu o bable?

La variante del asturlleonés falada n'Asturies foi nomada cuantayá como bable anque anguañu garró puxu la denomación d'asturianu. Pal Académicu Xosé Antón González-Riaño, el términu bable "atribúise a Xovellanos, precursor de la idega de la recuperación de la llingua", pero agora esti términu "ye percibíu socialmente como la llingua pura falada nos pueblos" polo tanto academicamente "el nome de la llingua tien de ser asturianu o llingua asturiana". Pa Xulio Casado el términu bable "tien un usu despeutivu dende la Transición". Estos y dellos factores sociolóxicos ficieron que socialmente prendiera la denomación d'asturianu, nome emplegáu por cásique toles organizaciones de defensa d'esta llingua.

No tocante a la consideración de llingua, pa González-Riaño nun ye discutible: "la comunidá científica ta dafechamente d'alcuerdu en considerar al asturianu como llingua ensin discuxón", y añadi que'n rellación a otres denomaciones como la de lleonés " pué dicise de diferentes maneres, asturianu, asturlleonés o lleonés, pero en tou casu ye la mesma llingua, de forma asemeyada a les de catalán y valencián. L'académicu afita tamién que l'asturianu tien "una normativa totalmente consolidada, con una variedá estándar que ye la que s'emplega na ensiñanza". Ye dicir, que l'asturianu cuntia n'actualidá con tolos elementos pa ser considerada una llingua viva y moderna, con toles blimes pa encarar la cooficialidá "que nun diba traer a los asturianos más que ventayes".

¿Hai conflictu llingüísticu n'Asturies?

El debate sobre la cooficialidá faise notar na cai, pero tamién na Xunta Xeneral del Principáu d'Asturies. N'esti Parllamentu, los trabayos, n'esta llexislatura, sobre la reforma l'Estatutu d'Autonomía nun tomaron en cuenta la cooficialidá del asturianu, demandada únicamente pol grupu parlamentariu d'Izquierda Xunida-Bloque por Asturies-Los Verdes, que con 4 diputaos, atopábase´n minoría frenti a los dos grupos mayoritarios, el de la Federación Socialista d'Asturies con 21 escaños, y el del Partíu Popular que cuntaba 20, los dos contrarios a la cooficialidá. Cola entrada d'IX nel Gobiernu autonómicu parose la reforma, qu'endagora atópase'n puntu muertu y que, sigún el diputáu d'Izquierda Xunida, Francisco Javier García Valledor "nun va retomase n'esta llexislatura". Pa esti diputáu, la non cooficialidá ye la causa d'un "conflictu llingüísticu", en tanto qu'esiste una "desigualdá d'usu, tratu y drechos" sigún la llingua que se quiera emplegar . De fechu, sostién Valledor, pa detrás qu'esiste una llei que regula l'usu del asturianu, "al nun tener esta llingua los mesmos drechos que'l castellán, percíbese como una llingua poco útil, que nun s'emplega socialmente y que pierde atractivu pa les nueves xeneraciones". La cooficialidá, pa García Valledor, ye la única vía pa garantizar " los drechos llingüísticos de los falantes y el caltenimientu del patrimoniu llingüísticu".

Asina y too, tanto dende'l PSOE como dende'l PP caltienen la refuga a la cooficialidá y consideren que sedría ésta la que "diba xenerar un conflictu llingüísticu onde nun lu hai". "Nun tamos pola oficialidá", asegura el voceru del grupu parllamentariu socialista, Fernando Lastra, que ye del paecer que l'actual política en materia llingüística ha de tar centrao namás "en la regulación y promoción del bable", lo mesmo que considera que dar un pasu más diba suponer "crear un códigu oficial que nun diba ser asumíu polos ciudadanos".

Un discursu asemeyáu ye'l que mantién el Partíu Popular, Joaquín Aréstegui, voceru axuntu del PP nel Parllamentu asturianu, ye de la idega que la cooficialidá diba llevar "a la imposición llingüística" y por eso refúgala dafecho. "La nuestra postura encalla xusto antes de la cooficialidá", y afita que la Llei d'Usu y Promoción foi ellaborada pol PP. "L'asturianu tien el reconocimientu que tien que tener", diz Aréstegui, qu'anecia que "lo qu'asocede'n Galicia o Cataluña en custiones llingüístiques ye causa d'esmolecimientu n'Asturies".

Les Claus / Los finxos

Un marcu xurídicu a un pasu de la cooficialidá

L'estatus actual del asturianu ta regulao pola Llei d'Usu y Promoción del bable/asturianu, aprebada l'añu 1998, na que s'otorga a esta llingua un altu grau de proteición anque nun allega a la plena cooficialidá. Asina y too, la llei garantiza el drechu de los ciudadanos al emplegu d'esta llingua y la plena validez nes comunicaciones col Principáu d'Asturies. El Gobiernu asturianu amuésase tamién dispuestu a promover la llingua ente los funcionarios públicos y faculta a los conceyos a emplegar los preseos afayaízos pa promover el so usu. Otru aspeutu de la llei ye que garantiza la ensiñanza del asturianu como materia curricular y n'horariu escolar, anque dientro de la voluntariedá. Tamién da caráuter oficial a la toponimia tradicional. Otramiente, en dengún casu establez deber o obligatoriedá nel usu y promoción de la llingua.

Esta llei tien l'orixe nel artículu 4u. del Estatutu d'Autonomía d'Asturies que nel so primer párrafu garantiza la "proteición" del bable asina como la promoción de "l'usu, la difuxón nos medios de comunicación y la ensiñanza, con respetu a les variantes llocales y la voluntariedá nel so apredizax". El párrafu 2 establez la promulgación d'una llei "que va regular la proteición, l'usu y la promoción del bable".

Enllaces:
II Estudiu Sociollingüísticu d'Asturies.pdf

Fonte | Avui.cat

Los otros billingüismos

2009-04-09T15:37:00.001+02:00

L'asturlleonés, l'aragonés y l'aranés son tres llingües con distintu reconocimientu llegal qu'amuesen que la realidá llingüística del Estáu español va más p'allá de los idiomes oficialmente reconocíos nos sos respeutivos Estatutos d'Autonomía. L'Avui.cat tien preparao una riestra reportaxes d'estes realidaes esconocíes.

El Comité de Ministros del Conseyu d'Europa sobre l'aplicación de la Carta Européa de les Llingües Rexonales y Minoritaries tuvo recomendao nel mes d'avientu pasáu a les autoridaes españoles, el desendolcu d'una riestra de midíes ente les que taba "esaminar, cola collaboración de los falantes asturianos, la posibilidá de meyorar el nivel actual de proteición que ofrez l'Estatutu d'Autonomía a la llingua asturiana".
(...)

Estes recomendaciones, surdíes del Informe del Comité d'Espertos sobre l'aplicación de la carta nel Estáu español amuesen y certifiquen que, más p'allá de los territorios onde ya ta establecío la cooficialidá de dos llingües, hai tamién dellos llugares onde esisten otros billingüismos que, baxo'l predominiu del castellán y con un reconocimientu llegal escosu, torguen l'usu normal y corriente de la so llingua propia a munchos falantes.
(...)

Trátase, per exemplu, de les llingües amestaes nel troncu asturlleonés, d'usu primordial en tres territorios y con tres graos de reconocimientu dixebraos. El Mirandés de Miranda do Douru, en Portugal, tien rangu oficial; l'asturianu, n'Asturies, ta reconocíu llegalmente pero nun ye oficial y el lleonés en Castiella y Lleón, ta referenciáu nel so Estatutu anque namás se reconoz la so esistencia.
(...)

L'Avui.cat va espublizar una riestra de reportaxes p'atalantar como se viven estos otros billingüismos, qu'ente'l predominiu del español, son quien a asomar la cabeza y reivindicar los sos drechos.

El Comitè de Ministres del Consell d'Europa sobre l'aplicació de la Carta Europea de les Llengües Regionals o Minoritàries a Espanya va recomanar, el passat mes de desembre, a les autoritats espanyoles desenvolupar una sèrie de mesures, entre les quals hi ha la d'"examinar, en col·laboració amb els parlants asturians, la possibilitat de millorar el nivell actual de protecció que ofereix l'Estatut d'Autonomia a la llengua asturiana". Una altra recomanació és la de "prendre mesures per adoptar un marc jurídic específic amb l'objectiu de protegir i promoure les llengües aragonesa i catalana a Aragó". Així mateix, el comitè demana que s'aclareixi "la situació de les següents llengües i adoptin mesures, segons procedeixi i en col·laboració amb els parlants, per a la seva protecció i promoció: el gallec a Castella-Lleó, el portuguès a la ciutat d'Olivenza, el bereber a la Ciutat Autònoma de Melilla i l'àrab a la Ciutat Autònoma de Ceuta".

Aquestes recomanacions, emanades de l'informe del Comitè d'Experts sobre l'aplicació de la carta a l'estat Espanyol demostren i certifiquen que, més enllà d'aquells territoris on ja està establerta la cooficialitat de dues llengües, hi ha encara molts altres llocs on existeixen altres bilingüismes que, sota la supremacia del castellà i amb un reconeixement legal gairebé inexistent, impedeix a molts parlants l'ús normal i habitual de la seva llengua pròpia.

Una altra realitat lingüística
Més enllà de Catalunya, les Illes Balears, el País Valencià, el País Basc, Navarra i Galícia, territoris que, amb diferents graus d'implicació, han desenvolupat polítiques tendents a normalitzar la situació lingüística i fer efectiu el bilingüisme que proclamen les seves lleis, existeix una altra realitat que sovint passa desapercebuda per als mitjans de comunicació i que és totalment desconeguda per bona part de la població.

Un parlant d'asturià viu el seu bilingüisme d'una forma molt diferent de la que el pot viure un catalanoparlant o un euskaldun

Són els altres bilingüismes, aquells que no han estat reconeguts o que, tot i ser reconeguts, atenyen una part tan minoritària de la població, que sovint passen desapercebuts. Es tracta, per exemple, de les llengües englobades al tronc asturlleonès, parlada principalment en tres territoris amb tres graus diferents de reconeixement. El mirandès de Miranda do Douro, a Portugal, té rang oficial; l'asturià, a Astúries, té reconeixement legal però no oficial i el lleonès, a Castella-Lleó, tot just té una referència al seu estatut que en reconeix l'existència sense anar més enllà.

Promeses incomplertes
També hi ha els cas de l'aragonès, agermanat amb el cas, prou conegut a Catalunya, del català de la Franja de Ponent, dues llengües que malden per aconseguir una oficialitat promesa pel govern aragonès però que topa amb una forta oposició de caire polític. Confrontada a aquesta situació trobem la situació de l'aranès, llengua oficialment reconeguda a la Vall d'Aran que, gràcies a la reforma de l'Estatut de Catalunya, és també oficial a tot el territori del Principat. I encara hi ha altres casos, com el gallec de Castellà-Lleó i Astúries, o el berber, l'àrab i el portuguès a Melilla, Ceuta i Olivenza, respectivament.

Cadascú amb la seva casuística pròpia, els parlants d'aquestes llengües viuen el seu bilingüisme d'una forma molt diferent de la que el pot viure un catalanoparlant o un euskaldun. L'AVUI.cat publicarà durant aquesta Setmana Santa un seguit de reportatges en què es fa un recorregut per algunes d'aquestes situacions, per entendre com es viu en aquells altres bilingüismes que, davant la majoritària presència de l'espanyol, intenten treure el cap i reivindicar els seus drets.

Fonte| Avui.cat

Jesús Iglesias d'Izquierda Xunida xustifica'l trapacerismu políticu al serviciu de la plutocracia.

2009-04-06T21:13:00.000+02:00

Foi esta mañana mesmo, nuna rueda de prensa na sé d'Izquierda Xunida y en cuenta de la rotura de la disciplina de votu de Francisco J. García Valledor na votación de la Moción que pedía la suspensión de la evalución docente, onde el Coordinador de la coalición Jesús Iglesias fizo un auténticu exerciciu de trapacerismu políticu y defensa de la partitocracia y tamién de la plutocracia que, polo que se ve, son les nueve y señeres cumes de la Izquierda Xunida convidada a pañar les migayes del poder del Gobiernu d'Asturies dempués del so pautu colos socialistes.

Nun faló Iglesias de coherencia, llibertá, idegues, izquierda, socialismu, igualdá, trabayaores, democracia, progresismu, principios... nin siquiera de debate, diferencies nin negociación. Faló nidiamente de lo que vien d'arréu:

Ye meyor enquivocase dientro la organización que aceñar fuera.

Tampoco dixo la verdá, porque n'esti casu nun había enquivocu, Valledor votó en conciencia y coherencia ya Izquierda Xunida nun s'enquivocó sinon que mudó adréi. La verdá ye que qu'el idegario d'Izquierda Xunida ta, dende la so entrada nel Gobiernu, al serviciu de la plutocracia y a la total disposición de la estaya socialista y de les migayes que-yos echen.

Valledor pon l'acta de diputáu a disposición d'IX

2009-04-03T14:56:00.001+02:00

Diz nun atopase nel posicionamientu políticu de la coalición y pescanciar qu'ésta nun lo tea consigo

La votación d'una Moción na Xunta Xeneral na que se pedía la retirada del plan d'evaluación del profesoráu y la convocatoria de la mesa sectorial d'educación foi lo que fizo saltar la espita de lo que fai tiempu veníase fraguando ente Francisco J. García Valledor ya Izquierda Xunida daes les diferencies polítiques agravaes sobre tou, desque la coalición firmare el murniu acuerdu políticu colos socialistes pa la formación del Gobiernu d'Asturies.

N'esta votación el diputáu Valledor optó pola rotura de la disciplina de votu al astenese, mientres IX votaba escontra la toma'n consideración de la mesma xunta los socialistes.

Valledor dixo sentise ablayáu d'haber defraudao al so grupu parllamentariu y tamién porque Izquierda Xunida defraudare a una parte perimportante de los coleutivos sociales que la sofiten.

A too esto, faló tamien Jesús Iglesias calificando el fechu de "grave" y apelló a la responsabilidá de Valledor y d'Izquierda Xunida na solución del conflictu.

El fechu ye que más tardi o más ceo, la salida de Valledor d'Izquierda Xunida ta cantada y la formación d'esa fuercia "asturianista, d'izquierdes y altermundista" qu'amestare al nacionalismu d'izquierda pola que nagua una importante estaya social n'Asturies, en marcha.

El Principáu apreba les bases pa les convocatories de premios en llingua asturiana

2009-03-28T11:10:00.002+01:00

Fomentar la creatividá lliteraria contribúi ensin dulda nenguna a desarrollar el conteníu cultural de la sociedá, sobre manera teniendo en cuenta la importancia de la lliteratura, en cualquier de les tantes de manifestaciones que tien nel nuestru tiempu. Tamién ye bien sabío que la escritura, que surde de la voluntá de creación y comunicación, lleva con ella un trabayu personal importante, una dedicación de tiempu y esfuerzu que, ensin ser midibles no económico porque’l valir propiu de la lliteratura tresciende talos parámetros, sí que se puen reconocer y incentivar polos poderes públicos. Poro, la Conseyería de Cultura y Turismu del Principáu d’Asturies vien convocando de manera añal dellos premios lliterarios dirixíos a afitar, arriquecer y prestixar la llingua y cultura asturianes.

En cumplimientu d’esta finalidá, la Conseyería plantea la convocatoria de los premios que s’indiquen de siguío:

— Premiu “Xosefa Xovellanos” de novela n’asturianu;

— Premiu “Xuan M.ª Acebal” de poesía n’asturianu;

— Premiu “Máximo Fuertes Acevedo” d’ensayu n’asturianu;

— Premiu “María Josefa Canellada” de lliteratura infantil o xuvenil n’asturianu; y

— Premiu “Alfonso Iglesias” de cómic n’asturianu.

Enfotaos, pa detrás, en qu’actuaciones d’esti calter contribúin de manera eficaz a dinamizar l’actividá cultural de la Comunidá Autónoma, y n’especial un aspectu bien importante de la mesma como ye’l de la creación lliteraria.

Fonte| BOPA

Cultura declara a "Asturies XXI" Fundación cultural d'interés xeneral

2009-03-27T15:33:00.010+01:00

La Conseyería de Cultura nuna Resolución del 4 de marzu, declara a la Fundación Asturies XXI como d'interés xeneral y ordena inscribila nel Rexistru de Fundaciones Docentes y Culturales del Principáu d'Asturies.

Constituyía nel mes de payares pasáu al amparu de la Llei de Fundaciones 50/2002 de 26 d'avientu, la Fundación Asturies XXI, presidía per Marcos Fernández Marqués tien como finxos "l'estudiu, l'espardimientu y afitamientu d'Asturies, la so sociedá, hestoria, etnografía, llingua, cultura, patrimoniu, defensa del mediu, los recursos naturales, la flora, fauna y paisax".

La Fundación tien la so sé social en Santurio, Conceyu Xixón y asítiase nel ámbetu ideolóxicu del soberanismu asturianu.

Fonte: | BOPA

Unidá Nacionalista pidi al Conceyu Xixón una Comisión d'Investigación pol casu Cabueñes

2009-03-26T17:44:00.003+01:00

El voceru de vivienda, Daniel Fernández, énte les últimes informaciones aportaes polos vecinos de Cabueñes, ve inxustificable que Sanjurjo siga nel gobiernu municipal y qu’IU se niege a aclarar lo socedío.

El voceru de vivienda d’Unidá Nacionalista Asturiana (UNA) Daniel Fernández, quixo dexar afitáu’l maltar de la so organización por “la incomprensible continuidá del conceyal Sanjurjo nel Ayuntamientu de Xixón y la negativa d’IU a facer una comisión d’investigación”.

Pal voceru nacionalista “lo único que fizo’l Gobiernu municipal énte l’escándalu de Cabueñes ye mentir ya insultar a los vecinos afectaos, ensin contrastar nengún de los datos aportaos por ellos y qu’amuesen grandes irregularidaes en tol Plan Urbanísticu de Cabueñes” y añadió que “el conceyal Sanjurjo tuvo de rectificar otra vuelta les declaraciones que ficiera nun entamu sobre esti casi, neto yá pasara col tema de los horros de San Andrés de los Tacones, amosando asina una actitú obstruccionista en tol procesu, lo que fai intolerable que siga exerciendo les sos responsabilidaes nel Ayuntamientu”.

D’otru llau la organización tampoco entiende la actitú d’IU nesti pelotazu urbanísticu, que pa Daniel Fernández resulta incomprensible yá que “negase a abrir una comisión d’investigación, namás s’entiende si tienen dalgo qu’esconder o si tán implicaos nel escándalu” y camienta que “la única forma d’acabar con estes sospeches ye abrir esa comisión d’investigación”. Dende’l puntu de vista d’UNA nun pue entendese qu’IU pase de ser “la comparsa política del PSOE a ser cómplice del obstruccionismu nesti escándalu”.

Dende UNA vuelve a pidise a les fueces polítiques de Xixón qu’abran una comisión que trate les polítiques urbanístiques de los caberos años, yá que sobre bien d’elles hai tamién sospeches de xestiones irregulares o poco tresparentes como nel casu de Naval Xixón, Xove, ZALIA, etc. Polo que “la única manera de devolve-yos la confianza a los ciudadanos ye que toles duldes sobre la xestión urbanística queden clares darréu” concluyó Daniel Fernández.

Bruseles esixe "dexar en suspensu tolos planes d'urbanismu que nun respeten la propiedá y el mediu ambiente"

2009-03-26T15:26:00.011+01:00

El Parllamentu européu aprebó güei l'Informe Auken que critica la corrupción de les autoridaes españoles (centrales, autonómiques, llocales y xudiciales) en materia urbanístico y pide conxelar los fondos europeos que recibe l'Estáu español si nun ponen fin al abusu urbanísticu. Los diputaos españoles nun pudieron trocar el resultáu de la votación nin votando a la escontra del Informe (PP), nin asteniéndose (PSOE).

Ésta ye la tercer vez, no que va de llexislatura, que'l Parllamentu Européu da la voz so "la corrupción endémica" española.

Esti Informe coincide nel tiempu n'Asturies col escándalu del Plan Parcial de Cabueñes (Xixón) y cola sentencia asolutoria a Goñi Tirapu polos asocedíos nel Conceyu Llanes sol Plan Urbanísticu de La Talá (Llanes), dos de los casos más nombraos d'abusu urbanísticu con implicación de les Alministraciones.

Picar na semeya pa güeyar enteru l'Informe de la diputada Margrete Auken

Cabueñes: del pelotazu al chanchullu. Los vecinos dicen tener demostrao que los promotores nun cuntaben col 50 por cientu'l suelu.

2009-03-25T13:47:00.007+01:00

La Plataforma vecinal escontra'l Muru de Cabueñes denunció güei que los promotores privaos del Plan Parcial de Cabueñes nun cuntaben cola propiedá del 50 por cientu'l suelu, porcentax necesariu pa llevalu alantre. Asina y too el Conceyu de Xixón siguió tramitándolu.

D'otra miente, el conceyal d'Urbanismu Pedro Sanjurjo, intentó ayeri, nel programa La Lupa de la Canal 10 de televisión de Xixón, enredar y xugar al despiste falando de dotaciones sanitaries, educatives y teunolóxiques pa sofitar "l'interés públicu del Plan Parcial".

Unidá Nacionalista: "Nos cien díes primeros de Gobiernu... nin rastru de política llingüística"

2009-03-23T00:12:00.008+01:00

La Estaya de Cultura y Llingua asturiana d'Unidá Nacionalista Asturiana, ta acabante presentar un informe sobre la política llingüística del gobiernu PSOE-IU. Nel documentu faise un repasu detalláu a la política lingüística del gobiernu de coalición.

Informe UNA

Uviéu d'estrena n'Street View de Google

2009-03-19T21:31:00.022+01:00

Ver mapa más grande

Ver mapa más grande

Izquierda Xunida echa man de "la crisis" como sida pa tapecer l'incumplimientu del Pautu de Gobiernu

2009-03-19T20:20:00.000+01:00

"IU-BA-Verdes entró a formar parte del gobierno con el único objetivo de afrontar la crisis desde la izquierda".

El Comité Anti-sida, enzarráu en Xixón, acusa a la Conseyería de Salú de traicionar a los seropositivos afeutaos de llipoatrofia facial.

2009-03-19T15:17:00.005+01:00

El Comité Ciudadano Anti-sida de Asturies reivindica con un encierro de 34 horas ininterrumpidas en su sede de Xixón, para reclamar a la Conseyería de Salú y Servicios Sanitarios del Principáu el derecho a la reparación facial por lipoatrofia facial o 'pérdida de grasa' en personas seropositivas.

Según informó la organización en nota de prensa, el Comité permanecerá abierto desde el jueves 19 de marzo a las 10 de la mañana, hasta el viernes 20 de marzo a las 8 de la tarde en horario ininterrumpido como señal de protesta para reivindicar la reparación facial en Asturies. "Un derecho por el que llevamos luchando desde el año 2004", apuntan.

"Queremos denunciar públicamente la traición de la Conseyería de Salú y Servicios Sanitarios del Principáu d'Asturies en relación a esta reivindicación que dura ya tantos años.

Estamos cansados de sus engaños, de que confundan a la opinión pública, de que prometan y no cumplan sus promesas; durante todo ese tiempo, hemos sido respetuosos con los plazos, pacientes con los retrasos, pero ahora ya es otro momento", apuntillaron desde el colectivo. Por eso, exigen "soluciones" y que "se cumplan los derechos".

Además, explicó en el escrito que la 'lipoatrofia facial' o 'pérdida de grasa' en el rostro es una de las alteraciones metabólicas dentro de la 'lipodistrofia' que más agrava la sensación de "estigma" en personas que conviven con el VIH-Sida y el tratamiento antirretroviral.

Hasta el año pasado, señala que había siete Comunidades Autónomas que ya habían implantado la reparación facial dentro de sus prestaciones sanitarias, y parecía que Asturies "iba a sumarse a ellas" ya que "la Conseyería de Salud se había comprometido a poner en marcha esta actuación antes de finales del año 2008, en el Hospital Monte Naranco en Uviéu". Por eso, el Comité reprocha que "no lo cumplieron".

También remarca que el Ministro de Sanidad, Bernat Soria, anunció el 1 de Enero de 2009 que todas las Comunidades Autónomas "deberán montar el recurso o derivar a los pacientes afectados por la lipodistrofia para la reparación facial a centros de referencia o a la privada, está el dinero del fondo de cohesión para hacerlo".

"El 17 de diciembre del 2008, metemos por registro un documento dirigido al consejero Ramón Quirós y a la gerente del Sespa, Elena Arias, preguntando qué se va ha hacer, y no han respondidos", lamenta el Comité.

Así, remarcó que no puede "permitir" que dependiendo de donde se viva tengamos se tengan unas prestaciones u otras. "Estamos recibiendo en la Asociación, muchas llamadas telefónicas y consultas presenciales de personas angustiadas, preocupadas y confundidas por las diferentes informaciones que se han dado", dijo el Comité añadiendo que "ya está bien".

Vía| Comité Ciudadanu Anti-sida d'Asturies

El conceyal d'Urbanismu de Xixón intenta salvase agora "reprobando" al arquiteutu. Los vecinos de Cabueñes esixen responsabilidaes polítiques.

2009-03-19T14:09:00.003+01:00

Unidá Nacionalista diz ser la fuercia nacionalista, d'izquierdes y ecoloxista n'Asturies

2009-03-17T10:51:00.004+01:00

La federación nacionalista recuerda que yá existe una fuercia verdaderamente asturiana, ecoloxista y d'izquierda, UNA, y fai un llamáu a la sociedá asturiana comprometida con estos valores pa que collabore nel afitamientu del proyectu

Unidá Nacionalista Asturiana (UNA) a traviés del so portavoz Faustino Zapico esixó-y al diputáu asturianu Valledor que "nun utilice a la nuesa organización como elementu de debate dientro d'IU" y pídi-y que "les carencies en términos de compromisu asturianu, ecolóxicu y social del so partíu, que vemos que cada vuelta son más clares mesmamente pal propiu Valledor, sían trataes ensin utilizar a la nuesa organización y ensin interferir nel procesu de xuntura de la izquierda nacionalista y verde que se ta faciendo n'Asturies alredor d'UNA".

Zapico amestó que dende UNA "entendemos que'l señor Valledor, como bona parte de la sociedá Asturiana, nun tea a gustu con un pautu de gobiernu col PSOE nel qu'IU renunció dafechu a los sos supuestos oxetivos ecoloxistes, asturianistes o d'izquierda" pero si quier camudar esi discursu "tien de facelo nos órganos internos de la so organización y si como paez ser la so llínia nun tien aceptación na dinámica interna d'IU, ello nun-y permite utilizar gratuitamente a terceres organizaciones soberanes y con una dinámica política independiente nesi debate".

Finalmente UNA quiere recalcar el so llamáu a la sociedá asturiana comprometida colos valores sociales, ecolóxicos, igualitarios y asturianos a que s'axunten al proyectu unitariu entamáu por Unidá Nacionalista Asturiana (UNA) el 8 de septiembre de 2008 y qu'anguaño ta medrando n'apoyos n'abondos sectores de la sociedá asturiana.

Zapico indicó que "UNA ta avanzando na construcción d'esa necesaria fuercia asturiana, d'izquierda y ecoloxista. Pero esti procesu ye independiente de les dinámiques políticas nes que s'alcuentra somorguiada IU con unes llastres, unes renuncies y una dependencia federal que torguen que se pueda convertir nesa fuercia que lluche por una Asturies más soberana, más xusta y más sostenible", un espaciu "representa Unidá Nacionalista Asturiana".

Vía| UNA